- Директорот за економски и финансиски работи во Македонски железници, Шенур Османи, во истото службено возило, во исто време полнел и дизел и бензин.
- Според испратниците до кои дошле Алфа ТВ, тој на 28.09.2020-та година во 14:04 и часот наполнил 42 литри дизел, а веќе во 14:05 часот, во истото службено возило успеал да наполни и 55 литри бензин.
- Засега е непознато како Османи наполнил два резервоара различно моторно гориво во исто возило во само една минута разлика.
- Администрацијата на Трамп ќе скрати воена помош за Македонија, Словачка, Тунис и Ирак во вкупна вредност од 52 милиони долари и ќе ги пренамени за Панама, Перу, Еквадор и Колумбија.
- Военото финансирање Македонија и на другите три земји нема целосно да биде укинато, но не е познато за колку ќе биде скратено.
- „Средствата ќе се користат за борба против нарко-тероризмот во нашето непосредно опкружување и за помош во натамошното обезбедување на Панамскиот Канал“, соопшти Стејт департментот.
- Државниот секретар Марко Рубио минатата недела ги посети Колумбија, Еквадор и Перу и им вети дополнителна поддршка. САД веќе најавија префрлање на приоритетите кон Западната хемисфера.
- Стотици следбеници на Хашим Тачи го нападнаа Хашкиот трибунал и се судрија со полицијата, откако поранешниот лидер на ОВК беше осуден на 25 години затвор поради воени злосторства.
- На плоштадот „Маливелд“ во Хаг полицијата била нападната со стапови и цигли, на што одговорила со бибер-спреј и солзавец.
- Интервенирале и специјалните полициски сили, кои приведувале насилни демонстранти.
- Тачи е прогласен за виновен за 4 од десетте точки од обвинението за воени злосторства: за произволно лишување од слобода, за мачење, за сурово постапување и за убиства на 96 луѓе. За воени злосторства се осудени и неговите соработници Јакуп Красниќи (25 години затвор), Кадри Весели (18 години) и Реџеп Селими (13 години).
