Кога на обвинителна клупа за пожарот во модуларната болница во Тетово во која на 8 септември 2021 година живи изгореа 14 луѓе ќе се најдат само двајца директори и еден лекар, пресудите не се за чудење.
Двајцата поранашени директори (Флорин Бесими и Артан Етеми) се осудени на условни казни а лекарот Бобан Вучевски е ослободен од обвинувањата.
Кина објави дека ќе проширува безвизниот влез за уште девет земји, меѓу кои и Македонија, во обид да ги поттикне туризмот и деловните патувања за да помогне во заживување на економијата.
Од декември годинава, без виза во Кина ќе може да се престојува 30 дена. Само 38 пасоши од светот Кина ги пушта без виза.
Интересно е што во листата за проширување на безвизниот режим е и Јапонија.
Спикерот Африм Гаши повика обезбедување и прогласи 10-минутна пауза за да спречи ескалација на инцидентот меѓу Димитар Апасиев и пратеникот на ВМРО ДПМНЕ, Зоранчо Јованчев.
Димче тврди дека Зоранчо го опцул па реагирал барајќи да не му го спомнуваат семејството.
За малку ќе имаше пресметка и меѓу Борислав Крмов од Левица и пратеникот на ВМРО-ДПМНЕ, Александар Велјановски.
Смирувачки е да се види како во пресрет на сè поблиска Трета светска војна, македонските народни избраници се на висина на задачата.
