Вести › Набрзинка

Лос Анџелес гори

9 јуни 2025
  • Се разгореа насилните протести во Лос Анџелес против политиката на Доналд Трамп за протерување незаконски имигранти.
  • Полицијата употреби солзавец и пукаше со гумени куршуми за да ја разбие блокадата на централната сообраќајница во ЛА. Забранети се сите собири во центарот на градот.
  • Демонстрантите запалија неколку автономни возила за испорака и оштетија полициски коли. Полицијата објави дека маскирани лица кршеле излози и пљачкосувале.
  • Претседателот Трамп ја брани одлуката да испрати 300 војници од Националната гарда за да ги заштитат федералните објекти во градот: „Изгледа навистина лошо. Донесете ги трупите“.
  • Гувернерот на Калифорнија, демократот Гевин Њусом, оцени дека испраќањето војска во ЛА е незаконски акт, кој само може да ја ескалира ситуацијата.

 

извор

Еднаквост: Во 27 земји 0,1% e повеќе од 80%

3 октомври 2026
  • Концентрацијата на богатството кај мала група луѓе во 27 земји од светот го надминала нивото во кое 0,1% од возрасната популација поседуваат повеќе од најсиромашните 80% од жителите.
  • Јазот е најдлабок во Русија, а најмалку е изразен во Словачка.
  • Македонија според оваа класификација е меѓу земјите со порамномерна распределба на богатството.
  • Јужна Африка нуди впечатлив пример за тоа колку можат да бидат трајни овие разлики. Студија што го опфаќа периодот од 1993 до 2017 година покажа дека немало трајно намалување на нееднаквоста во богатството по крајот на апартхејдот.
извор

„Лукоил“ ќе заврши кај партнери на Кушнер и Виткоф

3 октомври 2026
  • Разговорите на администрацијата на Трамп со Русија за крај на војната во Украина се проширија со нафтен договор вреден повеќе милијарди долари, од кој би профитирале деловни луѓе од Блискиот Исток поврзани со двајцата главни американски преговарачи, Стив Виткоф и Џаред Кушнер.
  • Договорот се однесува на голем број нафтени полиња, рафинерии и бензински пумпи ширум светот во сопственост на „Лукоил“, една од најголемите руски енергетски компании.
  • Откако администрацијата на Трамп лани воведе санкции против „Лукоил“, компанијата реши да го продаде својот имот во странство. Министерството за финансии на САД дисквалификува неколку потенцијални купувачи на „Лукоил“.
  • Сега е договорено имотот да биде продаден на група во која учествува инвеститорот Тод Боли, кој донирал 2 милиони долари за политичките цели на претседателот Трамп, на две групи од Блискиот Исток кои соработувале со Кушнер или Виткоф, како и еден огранок на американската влада.
  •  На средбата со Виткоф и Кушнер во Кремљ на 5 септември, Путин предложил договорот да се реализира „како начин да им се покаже на Русите дека можат да соработуваат со САД“. Виткоф и Кушнер имале директна улога во преговарањето за финансиските услови, за да се обезбеди „значителна авансна исплата и удел за САД во добивката“, пишува Њујорк тајмс.
извор

Штета ако сте пропуштиле

Кој после ова нема да се измери?

Младите никогаш нема да се вратат во земјата во која омразата се негува како цвеќе

Божествено откритие во село Челопек

Свадбени танци и ора