- Уште од почетокот, преговорите на Украина и Русија всушност беа преговори на Америка и Русија околу капитулацијата на Украина, оценува поранешниот хрватски амбасадор во Москва, Божо Ковачевиќ.
- Според него, геополитички гледано, Украина е најмалку важна, земјата која изгуби речиси 100.000 луѓе, осум милиони се раселени а можеби ќе треба да се откаже од 20% од својата територија, од Крим и од членството во НАТО.
- Хрватскиот дипломат смета дека Украина е жртва и на двете страни: на американската желба за глобална хегемонија и на руската, да го вратат статусот на велесила каков што го имаа во СССР.
- Ковачевиќ смета дека Зеленски наивно верувал дека западните сојузници ќе го поддржуваат до крај а Запад очекувал украинската офанзива да биде успешна, што не се случи и сега за тоа се обвинува Зеленски.
- Концентрацијата на богатството кај мала група луѓе во 27 земји од светот го надминала нивото во кое 0,1% од возрасната популација поседуваат повеќе од најсиромашните 80% од жителите.
- Јазот е најдлабок во Русија, а најмалку е изразен во Словачка.
- Македонија според оваа класификација е меѓу земјите со порамномерна распределба на богатството.
- Јужна Африка нуди впечатлив пример за тоа колку можат да бидат трајни овие разлики. Студија што го опфаќа периодот од 1993 до 2017 година покажа дека немало трајно намалување на нееднаквоста во богатството по крајот на апартхејдот.
- Разговорите на администрацијата на Трамп со Русија за крај на војната во Украина се проширија со нафтен договор вреден повеќе милијарди долари, од кој би профитирале деловни луѓе од Блискиот Исток поврзани со двајцата главни американски преговарачи, Стив Виткоф и Џаред Кушнер.
- Договорот се однесува на голем број нафтени полиња, рафинерии и бензински пумпи ширум светот во сопственост на „Лукоил“, една од најголемите руски енергетски компании.
- Откако администрацијата на Трамп лани воведе санкции против „Лукоил“, компанијата реши да го продаде својот имот во странство. Министерството за финансии на САД дисквалификува неколку потенцијални купувачи на „Лукоил“.
- Сега е договорено имотот да биде продаден на група во која учествува инвеститорот Тод Боли, кој донирал 2 милиони долари за политичките цели на претседателот Трамп, на две групи од Блискиот Исток кои соработувале со Кушнер или Виткоф, како и еден огранок на американската влада.
- На средбата со Виткоф и Кушнер во Кремљ на 5 септември, Путин предложил договорот да се реализира „како начин да им се покаже на Русите дека можат да соработуваат со САД“. Виткоф и Кушнер имале директна улога во преговарањето за финансиските услови, за да се обезбеди „значителна авансна исплата и удел за САД во добивката“, пишува Њујорк тајмс.
