- Конклавата - тајниот процес во Ватикан за избор на нов поглавар на Римокатоличката црква, ќе почне на 7 мај, откако ќе заврши деветдневната жалост за покојниот папа Франциско.
- Новиот папа ќе биде избран со двотретинско мнозинство гласови од 135 кардинали на возраст под 80 години од целиот свет.
- Под заклетва на апсолутна тајност, тие ќе бидат изолирани под строг клуч во Домот на Света Марта - без телефони, интернет, телевизија, писма, пораки и каков било контакт со надворешниот свет.
- Ќе гласаат по неколку пати на ден во Систинската капела се додека некој кандидат не добие две третини од гласовите. По секое седмо гласање е дозволена пауза за молитва.
- Процесот вообичаено трае со денови. Франциско и неговиот претходник Бенедикт Шеснаесетти беа избрани по два дена. Најдолгата конклава траела пет дена во 1922 година. Знак дека конклавата завршила и дека е избран нов папа е бел чад од оџакот на Капелата.
- За папа може да биде избран секој маж крстен како католик. Вообичаено тоа е некој од активните кардинали.
- Швајцарската полиција соопшти дека „неколку десетици“ луѓе загинаа а над 100 се повредени во пожарот што избувнал во бар во популарното скијачко место Кран-Монтана.
- Италијанското министерство за надворешни работи излезе со бројка од 40 загинати, но таа не е конечна.
- Трагедијата во барот „Le Konstelasion“ во монденското место има морничави сличности со македонската трагедија во кочанскиот клуб Пулс. Пожарот настанал од пиротехника поставена на шишиња која го запалила таванот па настанала паника. Час и половина после полноќ се слушнала и силна експлозија.
- Поранешниот директор на затворот „Скопје“ во Шуто Оризари, Филип Андов – Сокол, е осуден на казна затвор во траење од осум месеци за злоупотреба на службената положба и овластување.
- На останатите обвинети, шест затворски полицајци, им се изречени условни казни затвор кои нема да се реализираат доколку во наредните една, односно три години, не сторат ново кривично дело.
- Обвинетите на петмина осуденици им овозможиле незаконски погодности. Осудените биле спроведувани до своите домови и до други локации за приватни потреби, спротивно на пропишаната постапка.
- Од СДСМ ја обвинија актеулната власта дека преку „нарачани судски пресуди“ врши директна репресија врз партиски функционери од опозицијата.
- ВМРО-ДПМНЕ велат дека Андонов неодамна беше назначен за член на Извршниот одбор на опозициската партија за да може пресудата за него подоцна да се претстави како политички прогон.
