Секоја држава што својата иднина ја гради врз нелегални и насилно донесени документи, а такви се и Преспанската спогодба и промената на Уставот од 2019 година, е осудена на пропаст, а нејзината иднина е неизвесна.
Прво сценарио. Македонија ги започнува пристапните преговори во ЕУ и, евентуално, за дваесетина години станува полноправна членка на ЕУ. Само што дотогаш Македонците веќе целосно се исчезнати и не постојат.
Второ сценарио. Македонија одлучно ги одбива бугарските уцени, но притисокот на етничките Албанци ја враќа на првото сценарио.
Трето сценарио. Македонија се претвора во дувло на криминал, дно на дното, држава во која царува распуштено, разуздано и бесно однесување, башибозук. На чекор сме од тоа.
Четврото сценарио подразбира напуштање на етномнозинскиот модел со кој извршната власт се распределува меѓу победнички партии од двата етникума.
Македонските влади не се ниту политички, ниту експертски, ниту компетентни. Тие се резултат на пазарења и уцени, тие се партиско-етнички, некомпетентни, корумпирани и нефункционални што ја прави подредена улогата на парламентот, институциите и правосудниот систем. Ваквото однесување, политичко договарање и пазарење, достигна кулминација последните четири години.
Во Македонија „војната“ меѓу партиите, политичките елити и нивните апологети, веќе подолго време, е катадневно присутна, што доведува до арогантно и насилно однесување на владејачките елити. Во такви услови, најдобро се снаоѓаат, во спрега со политиката, криминалните групи, а Македонија, исцрпена од таа борба, сѐ повеќе тоне.
Доналд Трамп ѝ постави нов рок на Русија од 10 до 12 дена да направи чекори за крај на војната во Украина „за да не се соочи со последици“.
Трамп веќе ѝ се закани на Москва со индиректни санкции за земјите што купуваат руска нафта. Тогаш ѝ даде рок од 50 дена, кој изминуваше на почетокот на септември.
Ѝ давам нов краен рок од околу 10 до 12 дена, почнувајќи од денеска. Нема причина да се чека. Не гледаме никаков напредок, изјави Трамп по средбата со британскиот премиер Кир Стармер во Шкотска.
Трамп рече дека нема никаква намера да разговара со рускиот претседател Владимир Путин, туку ќе го притисне со санкции и царини.
„Нема причина да се чека. Ако го знаете одговорот, зошто да се чека? И ќе има санкции и можеби царини, индиректни царини. Јас не сакам да ѝ го направам тоа на Русија. Јас ги сакам Русите. Разочаран сум од претседателот Путин. Ќе му ги скратам 50-те дена што му го дадов, бидејќи мислам дека веќе го знам одговорот“, изјави Трамп.
Завојуваните соседи Камбоџа и Тајланд договорија итен и безусловен прекин на огнот по првата рунда мировни преговори, одржани во Малезија.
Премиерите на двете земји се согласија да ги обноват личните комуникации и прекинатите билатерални дипломатски односи. Договорија и механизам за проверка на примирјето.
Двајцата лидери му се заблагодарија на американскиот претседател Доналд Трамп поради притисокот да склучат мир. Трамп им се закани на двете земји дека САД ќе им воведат високи царини, ако итно не постигнат прекин на огнот. За смирувањето помогнаа и Малезија, која ги организираше преговорите, и Кина, која испрати свој дипломатски посредник.
Војната траеше неполни четири дена. Почна во четвртокот, кога ситните инциденти поради спорен кмерски храм на самата граница прераснаа во општ судир со гранатирања и бомбардирања. Во Тајланд загинаа 33 луѓе, а во Камбоџа десетици.
