- Економската моќ на американската сојузна држава Калифорнија веќе ја надмина Јапонија, покажуваат нови податоци од Меѓународниот монетарен фонд.
- Калифорнија во 2024 година имала БДП од 4.100 милијарди долари, а бруто-домашниот производ на Јапонија бил 4.010 милијарди долари.
- Кога би била посебна држава, Калифорнија би била четвртата најголема економска сила во светот, зад САД (29.180 милијарди), Кина (18.740 милијарди) и Германија (4,65 милијарди долари). Тексас би бил на седмото место, меѓу Франција и Италија.
- Според проценките на ММФ, до крајот на оваа година Индија ќе се изедначи со Јапонија според БДП.
- Швајцарската полиција соопшти дека „неколку десетици“ луѓе загинаа а над 100 се повредени во пожарот што избувнал во бар во популарното скијачко место Кран-Монтана.
- Италијанското министерство за надворешни работи излезе со бројка од 40 загинати, но таа не е конечна.
- Трагедијата во барот „Le Konstelasion“ во монденското место има морничави сличности со македонската трагедија во кочанскиот клуб Пулс. Пожарот настанал од пиротехника поставена на шишиња која го запалила таванот па настанала паника. Час и половина после полноќ се слушнала и силна експлозија.
- Поранешниот директор на затворот „Скопје“ во Шуто Оризари, Филип Андов – Сокол, е осуден на казна затвор во траење од осум месеци за злоупотреба на службената положба и овластување.
- На останатите обвинети, шест затворски полицајци, им се изречени условни казни затвор кои нема да се реализираат доколку во наредните една, односно три години, не сторат ново кривично дело.
- Обвинетите на петмина осуденици им овозможиле незаконски погодности. Осудените биле спроведувани до своите домови и до други локации за приватни потреби, спротивно на пропишаната постапка.
- Од СДСМ ја обвинија актеулната власта дека преку „нарачани судски пресуди“ врши директна репресија врз партиски функционери од опозицијата.
- ВМРО-ДПМНЕ велат дека Андонов неодамна беше назначен за член на Извршниот одбор на опозициската партија за да може пресудата за него подоцна да се претстави како политички прогон.
