Вести › Набрзинка

Израел удри врз Иран

13 јуни 2025
  • Израел изврши напади врз ирански нуклеарни капацитети, воени бази, генерали, научници и други критични цели. Погодена е главната постројка за збогатување ураниум во Натанц. Експлозии имало и во главниот град Техеран, во Табриз на север и во Керманшах, на запад, близу до границата со Ирак.

 

  • Премиерот Бенјамин Нетанјаху објави дека нападните ќе траат со денови, сè додека не биде уништена иранската нуклеарна програма. Тој истакна дека Иран бил на само неколку дена од производство доволно количество збогатен ураниум за да направи атомска бомба. Не е јасно колкава штета направил нападот врз производството и резервите.
  • Иранскиот ајатолах Али Хамнеи му се закани на Израел со „сурова казна“. Државната телевизија потврди дека при нападите биле убиени генералот Хосеин Салами, командантот на елитната Револуционерна гарда, и генералот Мохамад Багери, шеф на Генералштабот на иранските оружени сили. Убиени се и Ферејдун Абаси, поранешен шеф на Агенцијата за атомска енергија, и Мехди Техранчи, шеф на Исламскиот универзитет Азад.
  • Американскиот државен секретар ја опиша израелската акција како унилатерална. Израел тврди дека Вашингтон бил запознаен. Само еден ден порано САД побараа да се повлечат сите непотребни службеници од нивните амбасади низ Блискиот Исток.
  • Израел не објавува детали за нападите. Проектилите веројатно биле истрелани од борбени авиони, кои морале да бидат ретанкирани во воздух за да се приближат доволно до целите. Длабоко во Ирак се слушнале надлетувања на авиони.
извор

Еднаквост: Во 27 земји 0,1% e повеќе од 80%

3 октомври 2026
  • Концентрацијата на богатството кај мала група луѓе во 27 земји од светот го надминала нивото во кое 0,1% од возрасната популација поседуваат повеќе од најсиромашните 80% од жителите.
  • Јазот е најдлабок во Русија, а најмалку е изразен во Словачка.
  • Македонија според оваа класификација е меѓу земјите со порамномерна распределба на богатството.
  • Јужна Африка нуди впечатлив пример за тоа колку можат да бидат трајни овие разлики. Студија што го опфаќа периодот од 1993 до 2017 година покажа дека немало трајно намалување на нееднаквоста во богатството по крајот на апартхејдот.
извор

„Лукоил“ ќе заврши кај партнери на Кушнер и Виткоф

3 октомври 2026
  • Разговорите на администрацијата на Трамп со Русија за крај на војната во Украина се проширија со нафтен договор вреден повеќе милијарди долари, од кој би профитирале деловни луѓе од Блискиот Исток поврзани со двајцата главни американски преговарачи, Стив Виткоф и Џаред Кушнер.
  • Договорот се однесува на голем број нафтени полиња, рафинерии и бензински пумпи ширум светот во сопственост на „Лукоил“, една од најголемите руски енергетски компании.
  • Откако администрацијата на Трамп лани воведе санкции против „Лукоил“, компанијата реши да го продаде својот имот во странство. Министерството за финансии на САД дисквалификува неколку потенцијални купувачи на „Лукоил“.
  • Сега е договорено имотот да биде продаден на група во која учествува инвеститорот Тод Боли, кој донирал 2 милиони долари за политичките цели на претседателот Трамп, на две групи од Блискиот Исток кои соработувале со Кушнер или Виткоф, како и еден огранок на американската влада.
  •  На средбата со Виткоф и Кушнер во Кремљ на 5 септември, Путин предложил договорот да се реализира „како начин да им се покаже на Русите дека можат да соработуваат со САД“. Виткоф и Кушнер имале директна улога во преговарањето за финансиските услови, за да се обезбеди „значителна авансна исплата и удел за САД во добивката“, пишува Њујорк тајмс.
извор

Штета ако сте пропуштиле

Кажуј Капијо, Смоквицо, где ми живот нестаде

Претседател на светот, крал број 1, цар, мисионер, слуга на народот, Господ па јас

Најдобрите пушачи во европскиот филм

Кога Мица беше закон