Вести › Набрзинка

Историја на ризлата

26 јули 2014

13 октомври 2026

Хакерски напад врз околу 300 супермаркети во Франција, Холандија и Белгија уништил храна во вредност од близу 300.000 евра.
Откако ги пробиле контролните системи за ладење од производителот Danfoss, хакерите го активирале системот за автоматско одмрзнување на храната.
Температурата во фрижидерите за длабоко замрзнување ја кренале за 50 Целзиусови степени.
Во некои супермаркети бил нарушен и системот за електронско прикажување на цените на производите.
Со нападот биле погодени големите синџири на продавнции во Франција Intermarché, Leclerc и Coopérative U, како и неколку супермаркети во Холандија и најмалку еден во Белгија.

12 октомври 2026

Ива Михаилова жителка на Кочани со македонско и бугарско државјанство, на која ѝ се суди во Кочани поради сообраќајка со смртни последици, ја напуштила земјава.
Михаилова е внесена на Стоп листата на МВР, а тоа значи дека на граничен премин не би требало ниеден граничен службеник да ѝ дозволи излез од Македонија.
„Во 2026 година Михаилова не фигурира дека излегла на граница од Македонија иако таа веќе денеска е во Бугарија. Се проверува дали искеширала некого на граница за да не ја внесат во системот и како втората опција – дали избегала на див граничен премин“, пишува Мирослава Симоновска во Слободен печат.
„И јас сум затекнат. Претпоставувам дека одлуката ја донела со адвокатот од Бугарија“, вели нејзиниот адвок Насер Рауфи за Вечер.

Таткото на Ивана, Симеон Михаилов, правосилно осуден на 12,5 години затвор за обид за убиство на телохранителот на Сашо Мијалков Драганчо Стоименов викан Дацо Белски, кого МВР го бара со меѓународна потерница за отслужување на затворската казна, пред некое време се појави на протест пред македонската амбасада во Софија а гостуваше и на бугарски медиуми.