Вести › Набрзинка

Инфлација, регионално ниво

9 јануари 2022

Еврозоната во декември имала инфлација од 5%, највисока стапка откако Еуростат води евиденција за тоа од 1997 година.
Македонија во ноември имала инфлација од 4,8%, исто како и Хрватска. Најголема инфлација измерил Заводот за статистика на Србија, и во оваа земја инфлацијата во ноември била 7,5 проценти.
Она што веројатно ќе се случи кај нас е зголемена инфлација во јануари, како резултат на скокот на цените на електричната енергија од 9,48 проценти за домаќинствата и малите фирми, како и укинувањето на дневната евтина струја за домаќинствата. Исто така, врз инфлацијата, се очекува да влијаат и новите договори на компаниите со снабдувачите на електрична енергија и на гас.

10 јануари 2025

Министерот за политички систем и односи помеѓу заедниците Иван Стоиљковиќ вели дека на заминување на претходникот таму е направена вистинска чистка и не е оставено ништо, дури ни филџани и чаши.
Стоиљковиќ начекал празни простории. Тој во кабинетот нема ни фиксна линија, затоа што сето тоа било растурено.
Ги нема и голчињата и кошот, но затоа пак има фрапантни сметки од 20-тина илјади евра за две ќебапчилници и секојдневни огромни сметки за кафани и кафулиња.

10 јануари 2025

Во пожарите во Лос Анџелес изгореа илјадници згради, како и повеќе од 142 квадратни километри земја. Наредена е евакуација на околу 180.000 луѓе.
Силните ветрови ги разгореа пожарите во густо населените делови на Јужна Калифорнија. Најмалку шест пожари беснеат во Лос Анџелес и соседната област Вентура, ниту еден од нив не е локализиран.
20 лица се уапсени во округот Лос Анџелес за грабежи за време на шумските пожари. Властите работат на воспоставување полициски час во областите околу пожарите за да спречат грабежи.
Уапасен е маж осомничен дека пробувал да запали оган близу Пацифичките палисади, богата населба во која изгореа 5.300 објекти.