Европската Унија ќе мора да се обврзе да купи енергенси од САД во износ од 350 милијарди долари за да ги избегне тарифите од 20%, кои треба да стапат на сила утре.
Претседателот Трамп ја отфрли понудата од Брисел за целосно укинување на царините за автомобили и индустриски стоки.
„Не, тоа не е доволно. Имаме дефицит со ЕУ во износ од 350 милијарди долари и тој може лесно и брзо д исчезне ако купат енергија од нас. Тие мора да купат и да се обврзат да купат толку енергија“, изјави Трамп.
Тој ја остави отворена можноста за укинување или намалување на тарифите повисоки од 10 % ако САД постигнат билатерални договори со други земји.
„Ни требаат работи повеќе од царини. Ако можеме да направиме фер и добар договор за САД, не за другите. Ова е Прво Америка“, изјави Трамп.
Доналд Трамп ѝ постави нов рок на Русија од 10 до 12 дена да направи чекори за крај на војната во Украина „за да не се соочи со последици“.
Трамп веќе ѝ се закани на Москва со индиректни санкции за земјите што купуваат руска нафта. Тогаш ѝ даде рок од 50 дена, кој изминуваше на почетокот на септември.
Ѝ давам нов краен рок од околу 10 до 12 дена, почнувајќи од денеска. Нема причина да се чека. Не гледаме никаков напредок, изјави Трамп по средбата со британскиот премиер Кир Стармер во Шкотска.
Трамп рече дека нема никаква намера да разговара со рускиот претседател Владимир Путин, туку ќе го притисне со санкции и царини.
„Нема причина да се чека. Ако го знаете одговорот, зошто да се чека? И ќе има санкции и можеби царини, индиректни царини. Јас не сакам да ѝ го направам тоа на Русија. Јас ги сакам Русите. Разочаран сум од претседателот Путин. Ќе му ги скратам 50-те дена што му го дадов, бидејќи мислам дека веќе го знам одговорот“, изјави Трамп.
Завојуваните соседи Камбоџа и Тајланд договорија итен и безусловен прекин на огнот по првата рунда мировни преговори, одржани во Малезија.
Премиерите на двете земји се согласија да ги обноват личните комуникации и прекинатите билатерални дипломатски односи. Договорија и механизам за проверка на примирјето.
Двајцата лидери му се заблагодарија на американскиот претседател Доналд Трамп поради притисокот да склучат мир. Трамп им се закани на двете земји дека САД ќе им воведат високи царини, ако итно не постигнат прекин на огнот. За смирувањето помогнаа и Малезија, која ги организираше преговорите, и Кина, која испрати свој дипломатски посредник.
Војната траеше неполни четири дена. Почна во четвртокот, кога ситните инциденти поради спорен кмерски храм на самата граница прераснаа во општ судир со гранатирања и бомбардирања. Во Тајланд загинаа 33 луѓе, а во Камбоџа десетици.
