Вести › Набрзинка

Ендокринологот Мацут е мандатар за новата српска влада

6 април 2025

Српскиот претседател Александар Вучиќ го предложи Ѓуро Мацут за мандатар на нова влада. Тој е лекар ендокринолог, дипломирал, магистрирал и докторирал на Медицинскиот факултет во Белград, каде што е редовен професор.
Во моментов е заменик директор на Клиниката за ендокринологија, дијабетес и метаболички болести на Универзитетскиот клинички центар на Србија.
Премиерот Милош Вучевиќ поднесе оставка од таа функција на крајот на јануари, парламент нја констатираше на 19 март а рокот за избор на нова влада е 18 април.
„За граѓаните на Србија потполно е неважно дали на чело на владата ќе биде Ѓуро Мацут, Милош Вучевиќ или Ана Брнабиќ, ако на сите им е јасно дека работодавец им е Александар Вучиќ“, соопшти опозицијата.
Мацут ќе биде прв лекар на чело на српска влада после седум децении.

извор

САД повторно бомбардираат во Сирија

20 декември 2025

Американски авиони и хеликоптери вчера извршиле воздушни напади врз 70 цели на групата ИСИС во Сирија како одмазда за убиството на двајца американски војници и нивниот преведувач пред една недела близу Палмира.
„Ова не е почеток на војна, туку одмазда. Под водство на претседателот Трамп, САД никогаш нема да се колебаат за одбрана на нашиот народ“, порача шефот на Пентагон, Пит Хегсет.

Ова е прва голема интервенција на САД по затоплувањето на односите со привремениот сириски претседател Ахмад ал Шара, поранешен лидер на терористичка група по кого беше распишана американска потерница со награда од 10 милиони долари.
Трамп синоќа ја повтори поддршката за Ал Шара и за сириските владини трупи, за кои оцени дека се „на страната на САД“ во борбата против тероризмот.

извор

Украина меѓу лош и уште полош мировен договор

20 декември 2025

Украинското раководство има тесен простор за дипломатско маневрирање и тешко може да ги заштити своите „црвени линии“ во мировниот договор со Русија, вели Давид Арахамија, парламентарниот лидер на владејачката партија Слуга на народот. Тој вели дека сегашниот притисок од САД е шанса за мир. Без американско учество, на Украина ѝ преостанува да го реши проблемот по воен пат.
„Многумина сè уште веруваат дека треба да инсистираме на фантастични услови. Договорот ќе биде лош или многу лош, или воопшто нема да има договор“, вели Арахамија, претставник на прагматичното крило на партијата на претседателот Зеленски.
Тој ги смета за „слаби“ безбедносните гаранции што западните земји ѝ ги понудија на Украина, и кои опфаќаат колективна реакција од НАТО ако Русија го прекрши мировниот договор. „Во случај на напад, членките на НАТО ќе мора да се состанат на консултации во рок од 72 часа. Извинете, ама тоа не е доволно. На 24 февруари речиси ја изгубивме земјата за 72 часа“, изјави Арахамија.
Тој бара дефинирање конкретни обврски за одвраќање, во врска со тоа кое оружје, какви ракети и во кои количини ќе бидат достапни и како ќе се финансира војската.
Американските преговарачи Стив Виткоф и Џаред Кушнер и рускиот Кирил Дмитриев денеска во Мајами ќе одржат нова рунда разговори за крај на војната. За да прифати мир, рускиот претседател Владимир Путин бара целосно повлекување на украинските сили од Донбас и цврсти гаранции дека НАТО повеќе нема да биде закана за Русија.

извор