Вести › Набрзинка

Емануел и Брижит Макрон ја тужат Кендис Овенс

24 јули 2025

Емануел и Брижит Макрон ќе бараат значајна отштета од американската конзервативна инфлуенсерка Кендис Овенс ако таа продолжи да тврди дека првата дама на Франција е маж.
Адвокатот Том Клер кажа дека тужбата за клевета поднесена вчера во суд во Делавер била последното средство по неуспешниот едногодишен обид да се стапи во контакт со Овенс.
Емануел и Брижит Макрон се во брак од 2007, десет години пред тој да биде избран за претседател на Франција. Се запознале во средното училиште каде што тој бил ученик, а таа наставничка. Според официјалната биографија, Брижит Макрон тогаш била Брижит Озиер, мажена мајка на три деца.

извор

Украинскиот Владо Таневски

20 август 2026

Хрватската полиција во Пула го уапси украинскиот нуркач Володимир Журавлев, кого германското судство го сомничи за кревање во воздух на гасоводот „Северен тек“ во 2022 година - додека работел на филм кој се занимава токму со таа саботажа.
Се работи за холивудски политички трилер во режија на прославениот режисер Даг Лиман (The Bourne Identity, Mr. & Mrs. Smith, Edge of Tomorrow...), со Шон Пен и Адријан Броди, директно инспириран од експлозиите кои го уништија Северен тек а следи операција на тајна екипа украински нуркачи во исклучително опасна мисија.
Журавлев бил ангажиран на снимањето на подводните сцени каде бил лоциран и уапсен.
Ова е трет обид за негово приведување.
Пред две години избегна апсење во Полска од каде со автомобил на украинскиот воен аташе бил префрлен во Украина.
Една година подоцна повторно се појави во Полска, полицијата го приведе, но полскиот суд одби да го екстрадира во Германија со образложение дека уништувањето на руската енергетска инфраструктура е легитимна воена цел во воени околности. Но, налогот за апсење од сојузниот суд во Карлсуе остана на сила.
Владо Таневски беше новинар и сериски убиец кој за убиствата на неколку жени пишувал хонорарни статии и репортажи. Заврши со мистериозно (само)убиство во кофа вода.

извор

Затворена истрагата за модуларните болници: Немало ништо спорно

20 август 2026

Основното јавно обвинителство за гонење на организиран криминал и корупција не утврдило основи за сомнение дека е сторено кривично дело при јавните набавки поврзани со изградбата на 19 модуларни болници.
Биле анализирани јавните набавки, техничките спецификации, договорите, проектната документација и релевантните законски прописи.
По анализата на сите докази и извршените проверки, Обвинителството не утврдило факти што би укажале дека службено лице ја искористило или пречекорило службената положба и овластување, или не ја извршило службената должност со цел да прибави значителна имотна корист или да предизвика значителна штета.

извор