- Клиничкиот психолог и глобално влијателен интелектуалец последниве години реши да ја напушти родната Канада и да се пресели во САД.
- Покрај проблемите со академската фела (види: Зошто веќе не сум професор на Универзитетот на Торонто), на ваков потег се решил поради тоа што тамошните квази либерали упорно го буткаат законот за онлајн заштита за кој предвидува дека ќе ја претвори Канада во тоталитарен пекол.
- Со идеја дека поединците треба да бидат заштитени од штетни влијанија на интернет, законот предвидува огромна контрола и цензура на содржините.
- Меѓу другото, ќе може да се пријави некој дури и ако за него некој само почувствува страв дека ЌЕ стори злостор од омраза.
- Новоизбраниот американски претседател го избра долгогодишниот советник за надворешна политика Ричард Гренел за свој пратеник во специјални мисии, давајќи му задача да се справува со некои од најтешките предизвици во надворешната политика.
- Гренел служеше како амбасадор во Германија за време на првиот мандат на Трамп, беше специјален претседателски пратеник за проблемите меѓу Србија и Косово и вд директор на националното разузнавање. Беше во игра и за државен секретар, но Трамп за таа позиција го одбра Марко Рубио.
- „Рик ќе работи во некои од најжешките точки ширум светот, вклучувајќи ги Венецуела и Северна Кореја“, напиша Трамп за човекот кој го советуваше да не го проширува НАТО со Украина.
- Словенија и Германија на ЕУ ѝ предложиле нон пејпер со кој се предвидува да нема вето и блокирање заради билатерални прашања со соседните земји, ги пренесува Јутарњи српските медиуми.
- Веста дојде откако Хрватска ја блокираше Црна Гора да затвори едно преговарачкото поглавје со ЕУ па таа затвори три наместо четири. Хрватска го оспорила затворањето на подрачјето за надворешна, безбедносна и одбранбена политика.
- Хрватска до сега шест пати ја блокираше Србија. Меѓу другото, и за „присвојување на дубровничката книжевност“
- Нон пејперот на Словенија и Германија предлага фазите во претпристапниот процес да се одобруваат со квалификувано мнозинство наместо со консензус.
