Во духот на народната „понуден ко почастен“, главниот уредник на Цивил Медиа, напиша колумна „Фала за оставката, не е прифатена!“
„Македонскиот премиер и реформатор, уште еднаш покажа државничка цврстина и големина,“ вели Џабир Дерала за оставката. Според авторот, човекот со државничка цврстина и големина води процеси што ќе влезат не само во македонската, туку и во европската и светската практика, кои, отвораме цитат „Мора да продолжи да ги води. Едноставно, мора“, затвораме цитат.
Портретирајќи го господинот Заев, Дерала заклучува дека тој „поседува убави човечки квалитети“, кои не секогаш се пожелни во политиката и дека со таа „слабост“ (наводниците сe оригинал) не може и не треба да се справи сам.
Во текстот се контрастира парадирањето на Груевски кај Стајковци со ангажманот на Заев и неговата лопата за време на поплавите: „Сака сè да понесе на својот грб. Кога се фаќа за лопата, навистина се фаќа за лопата“, се наведува во житието.
Иран наскоро ќе ѝ се приклучи на Новата банка за развој на блокот БРИКС, што на Техеран ќе му отвори нов канал за финансирање на развојот, надвор од системот во кој доминираат западните земји.
Иран, кој со децении трпи тешки американски и меѓународни санкции, пред две години стана полноправна членка на БРИКС, економско-политичкиот сојуз формиран од Бразил, Русија, Индија, Кина и Јужна Африка.
Една од главните цели на БРИКС е да ја намали зависноста на членките од американскиот долар преку поттикнување на трговија и финансиски трансакции во нивните национални валути.
Иран се залага за билатерални порамнувања во локални валути, па дури и за воведување единствена валута на БРИКС. Новите чекори кон дедоларизација опфаќаат поединечни аранжмани – како што се плаќањата во јуани за трговија со нафта и гас, и напорите на Русија и Иран за поврзување на нивните банкарски системи.
Здравствените власти прогласија епидемија од западнонилска треска во три скопски општини – Кисела Вода, Гази Баба и Бутел, како и во приградската општина Илинден.
Од почетокот на годината се регистрирани 24 потврдени случаи на заболени од западнонилска треска, а двајца пациенти се суспектни.
Еден пациент заболeн од западнонилска треска починал. Станува збор за 83-годишен пациент, кој, според здравствените власти, имал повеќе коморбидитети.
Од 20 пациенти примени на Клиниката за инфективни болести, пет се во критична состојба и се на механичка вентилација. Најголем дел од заболените се пензионери.
Заменик-министерот за здравство Јовица Андовски, изјави дека нема место за паника, туку дека е потребна внимателност и одговорност од страна на граѓаните. Андовски апелираше граѓаните да преземаат мерки за лична заштита, да носат соодветна облека и да избегнуваат места каде што е најголема изложеноста на комарци.
„Ова не е ново заболување, присутно е и во текот на претходните години, а годинава актуелната епидемиолошка состојба, бројот на потврдени случаи и активноста на вирусот наметнаа потреба од засилен институционален одговор. Ја следиме состојбата во координација со Институтот за јавно здравје, Центрите за јавно здравје, Комисијата за заразни болести и Клиниката за инфективни болести, со цел навремено да ги идентификуваме и третираме случаите, како и да спречиме појава на нови случаи“, истакна Андовски.
