Вести › Набрзинка

Директорите Софијанова и Васев дадоа оставка по барање на министерот

2 ноември 2022

По барање на министерот за здравство Беким Сали денеска оставка од директорските позиции дадоа директорката на скопската Детска клиника, Аспазија Софијанова и првиот човек на Онколошката клиника, Нино Васев.
Двајцата директори биле на разговор со Сали кој побарал да поднесат оставки, бидејќи секако ќе бидат разрешени од функциите.
„Во последниот период и на двете клиники имаше доста скандали поврзани со работата на директорите и поради тоа мораше да се преземе ваков чекор. На тој начин се создадоа и сомнежи околу нивната работа,“ вели Сали.
Васев тврди дека се повлекол единствено поради лични причини.

извор

Европски лидери ќе му го чуваат грбот на Зеленски во Белата куќа

18 август 2025

Лидерите на Британија, Германија, Франција, Италија, Финска, Европската Унија и на НАТО ќе го придружуваат Володимир Зеленски на во Белата куќа, во обид да спречат Доналд Трамп да договори мир со Русија неповолен за Украина и за Европа.
Незгодно е што Зеленски прво сам ќе се сретне со Трамп и со потпретседателот Џеј Ди Венс во Овалната соба, на истото место на кое истите луѓе пред неколку месеци пред камери му одржаа лекција како треба да се однесува со своите сојузници. Овој пат од него се очекува да ги прифати отстапките што рускиот претседател Владимир Путин ги побара од Трамп на самитот во Алјаска - Украина да се откаже од членство во НАТО и од петте региони што прогласија независност.
„Претседателот Зеленски, ако сака, може речиси веднаш да ја заврши војната со Русија, или може да продолжи да се бори“, отворено порача Трамп.

„Потребни ни се вистински преговори, што значи дека треба да почнеме од сегашната линија на фронтот“, побара вчера Зеленски, забележувајќи дека „Уставот не му дава право да дава територија“.
Ако прифати мир под условите што ги диктира Путин, Украина може да добие безбедносни гаранции дека САД ќе ја бранат од евентуална руска агресија во иднина. Путин наводно се согласил дека таквиот механизам би бил прифатлив за Москва.

извор

Вучиќ: Прашање на време е кога блокадерите ќе убијат некого

17 август 2025

„Тие ја загрозија нашата демократија и секој човек, ова е против секој нормален човек во земјата. Банда владее со улиците“, рече Вучиќ за време на своето обраќање во Палатата на Србија.
Вели дека градовите во Србија се празни бидејќи луѓето се плашат да излезат а во меѓувреме страдаат сите, од угостители до фризери, кои не можат да заработат поради ситуацијата и уличните немири.
Вучиќ кажа дека го кажува сето ова заради историјата, да не биде дека не предупредил на она што може да се случи.
„Прашање на ден е кога некого ќе убијат. Не претерувам, само уште тоа им остана“.
Српскиот претседател најави дека за 3-4 дена, државата ќе почне да презема решителни мерки за враќање на редот и законите во државата.