Деветте круга на македонските студентски домови
31 октомври 2022
- „Како студенти, секојдневно се бориме со ладното, премрзнати сме, немаме каде да одиме во тоалет, немаме топла вода за капење… ова се само основните работи кои по Законот за студентски стандард му се се гарантирани на студентот. Да не зборуваме за подобрување на исхраната, интернет, обезбедување, перење алишта, читална и сè останато што му треба на еден студент во нормални времиња,“ ја започнува својата исповед студентка корисничка на „услугите“ на еден од овие домови.
- На крајот на јуни оваа година, беше најавено дека летово ќе се реновира третата зграда, односно ќе ги реновираат тоалетите. Цело лето ништо допрено.
- Многу другари се жалат на уринарни инфекции – зборувам за ешерихија коли, стрептокока, циститис и други сериозни инфекции. Од петти кат на втора ламела мора да се симнете до долу и да одите до прва ламела на трети или четврти кат само за физиолошка потреба. Замислете за капење!