- Далекосежно гледајќи кон иднината и игнорирајќи ги токсичната опозиција и здивената јавност, Зоран Заев паметно пристапи кон потпишување на клучниот договор со Бугарија.
- Цели 75 години по испраќањето на македонските Евреи на патот на смртта кон Треблинка, премиерот Бојко Борис клекна пред споменикот во кругот на скопскиот монопол, замоли за прошка и пролеа горки солзи, молејќи ги за извинување потомоците на преживеаните.
- Тука некаде ме разбуди нервозното ѕвонење на телефонот.
- Возачот Васил Јованов, кој завчера ја усмрти младата Фросина Ќулакова возејќи со 130 километри на час на булеварот Партизански одреди, минатата година бил ослободен од притвор за дело поврзано со неовластена трговија со наркотици.
- Иако во моментот бил полнолетен, судот пресудил да биде упатен во воспитно-поправен дом за малолетници.
- Пресудата, како што потврдуваат од Основниот кривичен суд Скопје, ја донела судијката Даниела Алексовска Стојановска, позната по тоа што го водеше случајот Талир 2 во кој донесе пресуда триесетина штабови на ВМРО-ДПМНЕ вклучително и главното седиште во центарот на Скопје да се конфискуваат.
- По средното училиште Фросина ја почнала модната академија, но нејзиниот живот згасна чекорејќи на пешачки кај „Силбо“.
- По кратко боледување, на 42 годишна возраст почина новинарот Ѓорѓи Томиќ.
- Долги години (од 2007 до 2018 година) беше дел од редакцијата на Канал 5, каде работеше и како уредник во информативната редакција. Во новинарската кариера следеше настани од надворешната политика.
- Колегите го паметат како добар новинар и голем другар.
