- Миле Јанакиевски е осуден на четири ипол а Гордана Јанкуловска на две ипол години затвор за Титаник.
- Мартин Протуѓер добил условна казна од две години а изречени се уште три условни и две затворски казни.
- Претходно тројцата признаа вина за делото кое ги товари за незаконското финансирање на изборните кампањи и организирање активностите за употреба на сериозни закани и притисоци на лица со избирачко право.
- Киев и Москва меѓусебно се обвинуваат за прекршување на еднодневното Велигденско примирје, кое го објави рускиот претседател Путин, а го поддржа Зеленски.
- Путин вчера објави дека руските сили ќе ги прекинат сите воени активности на фронтот до вечер на полноќ.
- Зеленски изјави дека Русите го прекршиле примирјето со 26 напади до денеска на пладне.
- Руското Министерство за одбрана возврати дека украинските сили отвориле оган врз руски позиции 444 пати и извршиле повеќе од 900 акции со дронови.
- Американскиот државен секретар Марко Рубио во петокот се закани дека САД ќе се повлечат од посредувањето за крај на војната ако за неколку дена не видат јасни мировни напори од двете земји.
- Астронаутот Дон Петит на својот 70-ти роденден безбедно се врати на Земјата, по 220-дневна мисија на Меѓународната вселенска станица.
- Со руското летало „сојуз м-26“ во Казахстан се вратија и космонаутите Алексеј Овчинин и Иван Вагнер.
- Петит е еден од највозрасните астронаути што престојувал во вселената. Најстариот сè уште е Џон Глен, кој беше во мисија на НАСА на возраст од 77 години.
- Петит во својата мисија 3.520 пати ја обиколил Земјата. Тој на орбиталната станица спроведувал истражувања за тридимензионално печатење, напредни санитарни технологии, развој на растенија со различен пристап до вода и за однесувањето на оган во микрогравитација.
