Вести › Набрзинка

10 години оваа држава не може од Косово да ги добие убијците од Смилковско

12 септември 2022

12 април 2012 година беше кобен ден за четири момчиња на возраст од 18 до 21 година и за 45-годишен рибар. Со три различни типа оружје, три лица има пресудија на 5 жртви. Алил Демири, Африм Исмаиловиќ и Агим Исмаиловиќ од близу пукале во момчињата, потоа го забележале и рибарот, па пукале и го убиле и него. Денес за ова грозоморно убиство само еден е зад решетки, тоа е Агим Исмаиловиќ.
Алил Демири и Африм Исмаиловиќ речиси десет година по ред успешно бегаат и се кријат од лицето на правдата. Тие не се достапни и покрај тоа што се знае нивната локација на престој.
Македонското министерство за правда сега од Косово трет пат ќе барало нивна екстрадиција.

извор

Трамп им попушта на вечните хемикалии

24 мај 2026

Американската администрација објави план за укинување на ограничувањата или нивно одложување на четири плус две соединенија од типот Пфас, познати како „вечни хемикалии“.
Агенцијата за заштита на животната средина на САД пред две години постави законски ограничувања за шест од најопасните Пфас во водата за пиење. Овие хемикалии вклучуваат некои од најтоксичните супстанции и се поврзани со низа видови на рак и други сериозни здравствени проблеми.
Новиот план на Трамп има за цел да ги поништи или одложи тие ограничувања иако застапниците на јавното здравје велат дека тоа би го довело здравјето на нацијата во опасност.
Пфас се сеприсутни во животната средина и се проценува дека ја загадуваат водата за пиење за повеќе од 200 милиони луѓе низ САД.

извор

На Зеленски му е малку асоцијативно членство во ЕУ

23 мај 2026

Володимир Зеленски го отфрли предлогот на германскиот канцелар Мерц за асоцијативно членство на Украина во Европската Унија, без да мора Киев да ги исполни строгите критериуми, но и да нема право на глас.
„Не е фер Украина да биде присутна во ЕУ, а да остане без глас. Време е да се продолжи со членството на Украина на целосен и значаен начин“, напиша Зеленски во писмо до европските лидери.
Тој додаде дека Украина дејствува како „бедем против руската агресија“ за целиот блок од 27 земји.
„Ја браниме Европа – целосно, не делумно и не со полумерки. Украина заслужува фер пристап и еднакви права во рамките на Европа“, додава премиерот, чија влада е потресена од низа скандали за корупција.
Европски функционери сметаат дека не е реално Украина да ги исполни условите за полноправно членство во следните неколку години. Пристапувањето бара и ратификација од сите 27 членки, што ја зголемува можноста за блокада или за развлекување на процесот.

извор