2012-та година беше богата со спортски настани, но ништо посиромашна нема да биде ни 2013-та. Нема да гледаме Европско првенство во фудбал и Олимписки игри, но ќе има многу други големи настани кои ќе ги задоволат вкусовите на сите љубители на спортот.
Спортот е опкружен со бројки и целиот спорт се врти околку статистиките, па ова се бројките кои ја одбележаа годината. Некои ја променија историјата на спортот, а некои се тотално небитни.
Тамам ќе заклучиме дека ја имаме тепачката на годината, некој друг ќе се погрижи да не демантира. За крај на годината, хокеарите на Хантсвил и Мисисипи од американската АХЛ лига ни приредија една квалитетна масовна тепачка.
Неколку работи го одбележуваат испраќањето на старата и пречекувањето на новата година. Тоа се кифличките, руската салата, концертот на виенската филхармонија и новогодишната турнеја на четирите скокалници.
Шампионот во Формула 1, Себастијан Фетел е прогласен за најдобар спортист на Европа за 2012-та година во традиционалниот избор на 25 новински агенции од Европа.
Роман Грожан се има прославено со бројните судари за време на трките во Формула 1 и ГП2 серијата, па си доби и видео компилација со сите негови најжестоки инциденти.
Исто како што многу наши медиуми се имаат избламирано со измислени "#кромид" вести препишани од сатирични сајтови, така и многу светски медиуми се излажаа со една сатирична статија за Мајк Тајсон, па боксерската легенда мораше да демантира дека го сменил полот.
Американката Сузи Фејвор Хамилтон во својата кариера има три настапи на Олимписките игри, неколку рекорди, безброј медали, сопруг, 7-годишна ќерка, но и таен живот. Таа работи како скапа ескорт дама.
2012-та беше богата спортска година со премногу интересни моменти на терените и околу нив. Ова се 10-те најдобри моменти од 2012-та година кои долго ќе се паметат.
Рајан Лохти поседува 11 олимписки медали, четири светски рекорди и едно огромно срце, а тоа уште еднаш го докажа на Светското првенство за пливање во кратки базени кое се одржуваше во Истанбул.
Еден од најдобрите футсал играчи на сите времиња, 35 годишниот Фалкао на егзибициски меч во Бразил го постигна најверојатно најдобриот гол виден на футсал терените.
Легендата на ММА, Мирко „Кро Коп" Филиповиќ, пред да стане ММА борец бил кикбоксер, специјалец во хрватската полиција, едно време беше и парламентарец, а сега измисли и нов спорт - ММА кошарка.
Откако минатата недела рагбистот Џован Белчер ја уби девојка му, а потоа се самоуби, истражувачите од Универзитетот во Бостон го објавија податокот дека кај 97% од испитаните поранешни играчи во НФЛ било пронајдено сериозно оштетување на мозокот.
Сонот на Карлин Ајлс е да учествува на Олимписки игри, но тој не успеа да се квалификува во спринтерскиот тим на САД за Олимпијадата во Лондон и реши да го смени спортот, па стана најбрзиот рагбист.
Слично како „локаут" периодот во НБА лигата минатата година и хокеарите од НХЛ не се договорија со сопствениците на клубовите, па челниците на лигата беа приморани да откажат 526 натпревари од новата сезона.
Навивачите од целиот свет се тепаат на фудбалските стадиони, а во некои земји сме гледале инциденти и на хокеј и ватерполо натпревари, но ова до сега го немавме видено. Навивачите на Бешикташ и Галатасарај прекинаа натпревар на кошаркари во инвалидски колички.
Фрлањето на плишани мечиња по првиот гол прерасна во традиција во хокеј арените ширум целиот свет. Навивачите на Калгари на вчерашниот натпревар фрлија 21.534 мечиња, но не успеаја да го срушат својот рекорд од 26.919 мечиња фрлени во 2007-та година. Играчките потоа се подаруваат на деца во болници и други добротворни организации.
По 20 извозени трки, Себастијан Фетел освои 281 поен и со 25 години и 152 денови стана најмладиот трикратен шампион на 63-то издание на Формула 1 шампионатот, а ова се дел од бројките кои ја одбележаа сезоната.
Колку и да не го сакате Новак Ѓоковиќ, мора да признаете дека дечкото има харизма и тешко кој може да му одолее на неговиот шарм. Овие бразилски девојки се согласуваат со тоа.
И покрај тоа што за последните три сезони на рангирањето за конструктори на првото место заврши Ред Бул, а вредноста на нивниот тим од 2010-та е порасната за 67%, сепак тие се само трет највреден тим во Формула 1. Далеку пред нив сè уште се Ферари и Мекларен.