Кајден Лонг е само 2 години помлад од Конор, но тој не може да прави многу работи како неговиот постар брат. Кога имал само 4 месеци, му била дијагностицирана церебрална парализа заради која тој не може да оди и зборува.
Спортувањето е одличен начин за занимација помеѓу две братчиња, но тоа било невозможно за браќата Лонг, се додека Конор не добил идеја.
Пред скоро 2 години, тој и Кајден започнаа заедно да се натпреваруваат во триатлон. Конер плива и го влече Кајден во чамец, вози велосипед и го влече својот помал брат, а потоа ја турка количката додека трча.
За овој период тие го пропатувале источниот дел на САД и учествувале на повеќе натпревари и ги инспирирале останатите учесници и гледачите крај патеките со што тие ја заслужија наградата на Sports Illustrated за детски спортисти на годината.
