Добре де, дел од најатрактивните, бидејќи е невозможно да се скоцка кратка компилација од играчина кој има постигнато 1.482 гола во ЛШ и 1.728 за репрезентација, а кај се првенствата и куповите. Триминутно уживање од човекот кој стана симбол на ракометот.

Кога некои нови клинци ќе ве потсетуваат на него, да знаете дека се на вистинскиот пат. Тој е олицетворение за самоувереност и пожртвуваност и вистински модел на играч кој може да служи за пример, како се гине за својата земја.

2022-ра е година на збогувања со големи македонски ракометни имиња кои ќе ни останат во срце. По Кире Лазаров, последниот ракометен танц го одигра и популарниот Жути.

За време на церемонијата на која Лазаров беше седнат како крал на престолот, на видео бим одеа пораки од неговиот прв тренер Илчо Јанев, потоа Лино Червар, Чави Пасквал, Талант Душебаев, Никола Карабатиќ, Филип Лазаров па се до неговите деца.

После првите ракометни чекори во Овче Поле, Кире Лазаров уште како тинејџер се соочил со големи предизвици во дресовите на Борец и Пелистер. Во Велес имал голема минутажа, на 15 години почувствувал меч против актуелен европски првак, ама навечер не водел спортски живот. Трансферот во Пелистер бил полн погодок и покрај тоа што на почеток греел клупа и вршел притисок дома, веднаш да му најдат друг клуб.

Французите му се поклонија на Кире Лазаров и тоа буквално на кралски начин. Каква незаборавна ноќ за македонската ракометна легенда. Вакво нешто нема привилегија да доживее секој спортист.

Најголемиот се прости од ракометот. Кире Лазаров реши да продолжи како селектор и ја заврши играчката кариера. Му пристигнуваат голем број честитки за врвните достигнувања и желби за уште поголема тренерска кариера. Го поздравија и од ЕХФ.

„Секогаш на победа“ е збирка на лекции како се доаѓа до успех, а Кире во воведниот дел ја раскажува онаа детската, целосно непозната за јавноста. Од уличните тепачки на фудбал, првите ракометни предизвици на влажните асфалти каде се кинеле патики за 20 дена, глупоштиите со другарите, па сè до денот кога бирал меѓу два спорта кои имаат заеднички елементи.

Кариерата на спортист од рангот на Кире Лазаров е премалку да се одбележи само со објава за неговото, како што рече вчера, кратко довидување од ракометот, како и со потсетување на неговите импресивни и тешко повторливи успеси. Тридецениското ракометно патување, како и животниот пат од дете, ги преточи во книга од 212 страници, која почнува вака:

Со максимална и целосна посветеност на водење спортски живот, поткрепени со голем талент и квалитет, Лазаров успеа да нанижи долга 27 годишна кариера во која оствари успеси кои илјадници спортисти може само да ги сонуваат. Ракометот како спорт во Македонија со него доби нова димензија и тој едноставно стана синоним за ракомет со кој засекогаш ќе се гордееме и ќе им раскажуваме на внуците. 1 минутно видео кое најдобро покажува кој е Кире Лазаров.

1991 Овче Поле - 2022 Нант. Дојде крајот на волшебната кариера на кралот на ракометот Кире Лазаров. Кариера од епски размери. Долга неверојатни 31 година, (27 во сениорска конкуренција) богата со нестварни 56 трофеи. Па зарем може ли некој да повтори вакво нешто?

Филип Кузмановски одигра блескав меч во 32. коло од Бундеслигата во кое Хановер го совлада Ерланген со 28:27. Македонскиот репрезентативец постигна 6 гола, а на околу 20 секунди до крај украде топка и од половина терен стрелаше за победа.

Ракометарите на Порто победија 34-18 на гостувањето кај Агуас Сантас и со 28 триумф во сезоната ја освоија 23-та шампионска титула во клупската историја. Бранкињо постигна осум гола а македонскиот репрезентативен голман Никола Митревски запиша 9 интервенции со што уште еднаш потврди дека е меѓу најдобрите голмани на континентот.

ИХФ од 1 јули воведе промена во правилата на ракометната игра. Биле објаснети викендов на семинар за судии во Виена, на кој присуствувал и реномираниот интернационален судија, Ѓорги Начевски.

19 мај 2002 - 19 мај 2022. Тогаш девојки, сега дами. Кометал Ѓорче Петров ја одбележа 20 годишнината од освојувањето на легендарната и незаборавна европска круна.

Женскиот ракометен незаборав наречен Кометал Ѓорче Петров денеска одбележува јубилејни 20 години од денот кога се вивна на шампионското европско небо. Каков ден беше тоа. Клубот во 2011-ва згасна, спомените останаа. Бајка.

Веспрем и Кјелце се првите полуфиналисти во ракометната Лига на шампиони. Македонскиот репрезентативец Дејан Манасков неодамна направи кам бек на терените и даде 9 гола на првенствен меч, а синоќа го славеше пласманот во Келн откако го елиминираа Алборг.

Косуке Јашухира има само 21 година и луди идеи за изведување ракометни пенали. Да ѕирнеме каква акробација продаде во францускиот шампионат каде е член на Ним.

Филип Талески сезонава игра како препороден и за клуб и за репрезентација. Во полуфиналето го торпедираше Еурофарм Пелистер 2 со 9 парчиња, а во финалето против Еурофарм Пелистер ја презеде одговорноста во последната акција и со бомбастичен погодок му донесе победа на Вардар од 23:22 за титула во Купот број 15. Го прогласија и за МВП. Инаку Вардар на полувреме губеше 8:12.

Само еден месец откако соопшти дека ја завршува големата скопска авантура, руското крило сепак ја продолжува верноста кон црвено црните и со тоа ќе ја запише сезоната број 10.

Кралот на ракометот кој лета на ракометните паркети уште од 1995-та во дресот на Борец од Велес, наполни 42 години од кои 27 игра ракомет во сениорска конкуренција. Среќен роденден легендо.

Ајде сега барем за момент да ги ставиме на пауза ривалството, паролите, скандирањата, инцидентите, трката за титулата. Тргнете се да поминат Столе Стоилов и Чкембарите.

Куни Моралес со 9 и Филип Талески со 6 гола беа најсилната карика во нападот на Вардар, а разликата на жешкото дерби во Битола ја направи извонредниот Борко Ристовски кој блесна во второто полувреме со 9 интервенции. 

Фудбалот и ракометот знаат да се пратат едни со други во однос на некои правила и регулативи, како на пример ВАР технологијата која се воведе и во овој спорт. На судиите знае да им се најде во спорни ситуации како на пример дали топката е влезена во гол, дали голот е постигнат по истекувањето на времето или дали има точен број на играчи на терен. Подетално ќе ви објасни координатор на судиите на ЕХФ, Георге Бебецос, а ќе видите и примери од последното ЕП.