Голот на Фарски Острови вреден историја

Земјата со 50.000 жители и дебитант на ЕП направи сензација во Берлин и извади реми против големата Норвешка и тоа со гол во последните секунди.

Малата островска земја која во Германија ја бодрат 10% од вкупното население, направи целосно неочекуван резултат против големиот фаворит и тоа во меч кој изгледаше дека е решен.

На минута и пол пред крајот, Норвежаните имаа +3, меѓутоа Фарски Острови фатјерски се бореше до крај и не се предаде.

Најпрвин намалија на -2 и во последната минута успеаа да постигнат уште еден погодок. И кога на семафорот останаа уште десетина секунди, норвешкиот селектор свика тајм аут.

Упорните дебитанти успеаа да им ја украдат топката на Норвежаните, тргнаа во контра и добија седмерец кој го реализираше Елиас Елефсен Скипаготу за конечни 26:26 и лудница во салата во Берлин.