Роналдо стана најплатен фудбалер во светот кој во Ал Наср ќе заработи 500 милиони евра. Пред 47 години тоа бил Пеле со три годишен договор од 7 милиони долари, до тогаш невидени за тие времиња. Некои во Бразил му се лутеле, а министерот за надворешни навивал да потпише. Државниот секретар на САД му испратил телеграма.
Повеќекратниот европски и светски шампион, гигантот од Каталонија, на почетокот на новата година беше на праг на сензационална елиминација од шпанскиот Кралски куп. И тоа против тотално анонимен третолигаш по име ЦФ Интерсити.
Дефинитивно еден од најдобрите играчи во шампионскиот тим на Милан кој дефинитивно заслужи поголема минутажа за Португалија во Катар. Допрва му претстојат блескави моменти на ова момче, од генерацијата 1999-та. Не даде само гол на гостувањето против Салернитана на кое победија 1:2. Пазете го и потегов.
Ветеранот кој правеше дар-мар во дресовите на Гронинген, Ајакс, Ливерпул и Барселона, па се врати во татковината и со голови му помогна на матичниот Насионал да ја освои шампионската титула, сега отиде во Бразил. Луис Суарез како слободен играч го засили Гремио и потпишал договор до 2024-та.
Леон Бејли од Астон Вила ќе пукне од мака за завршницата против Вулверхемптон. При резултат 1:1, во последната 94-та минута успеа да го помине голманот, ама и да го промаши цел гол.
Интерсити кој е дел од третата шпанска лига, ја изнамачи Барселона во Купот и успеа да и извади 3:3 во регуларните 90 минути. Голот за осминафинале го даде Ансу Фати во продолженијата, а потегот на мечот го има голманот Гаицка Кампос кој со луда парада му го одбрани шутот на Рафиња за 2:4.
Двајцата другари и соиграчи од ПСЖ добија слободни денови после поразот од Ленс, бидејќи се вратија брзо на тренинзи и не се одморија после едномесечниот ангажман во Катар. На НБА натпреварот не поминаа без медиумско внимание, ама потоа најдоа начин како да шетаат слободно.
По двонеделниот престој во Аргентина каде прво славеше во Буенос Аирес, а потоа одмораше во родниот град Росарио, Лионел Меси им се врати на клупските обврски во Париз. Пречекот му беше шампионски, со шпалир и аплаузи од целиот тим, а спортскиот директор Луис Кампос му подари мал трофеј.
Португалската ѕвезда, освен што ќе добие 500 милиони евра од Арапите за две и пол години договор, му обезбедија и кралски објект вреден 14 милиони евра со три вили, водопат, базен, осум спални, теретана... А на стадион му приредија шоу.
„Фудбалот е поразличен, a за мене тоа што дојдов во Јужна Африка не значи крај на кариерата“, рече Роналдо на официјалната промоција на Ал Наср, клуб кој е инаку дел од југозападната азиска држава Саудиска Арабија.
Ќе речеш Италијаните само глумат, а не е точно. 200 вакви клипови имаме на сајт произлезени од прва до петта лига во разни земји. Секој со својата театралност, како да е неук и не сфаќа дека 20 камери го снимаат и уште неколку илјади можат да направат видео клип на мобилен.
„Откако ја освои Европа, големата ѕвезда има нова мисија да ја освои Азија“, гласи пораката на Ал Наср кој со две и пол годишна заработка од 500 милиони евра, го направи Португалецот најплатениот играч откако постои фудбалот.
Ливерпул загуби 3:1 од Брентфорд со кој го бележи петтиот пораз сезонава кој го остави на шестата позиција во Премиер лигата. На Дарвин Нуњез не му оди, посебно кога треба да реши акција по десната страна. Против Сити шутот барем му личеше на нешто. Овој му е очаен од истата позиција.
Или се до толку неуки или се мајтапат, трето нема. Како и да е, празничната фотографија на Инстаграм на Грацијано Пеле со прекрасната сопруга е преплавена со коментари од типот: RIP.
„Да кажеш дека си играл на Маракана, тоа е исто како Монт Еверест, нема повеќе, тоа е“, ќе каже покоен Кирил Дојчиновски. „Не очекував дека ќе бидам стартер, но одеднаш ми го прочитаа името. Се наежив“, рече Методија Спасовски.
Нека го видат Французите од неколку агли мајсторлуков на Сеад Колашинац, па нека размислат добро кој гол ќе го прогласат за број 1 во 2022-ра. Марсеј го потопи Тулуз со 6:1, а Босанецот одигра во напад нешто необично за дефанзивец играч. Ова ќе му биде гол на кариерата.
Гостувањето на великанот во БиБиСи е во 2005-та. Објаснува како првото Светско на 17 години му било како сон кој не може да го заборави и дека не очекувал да го освои. Последниот Мундијал му бил најтежок, бидејќи чувствувал голема одговорност што сите очекуваат од него.
На 82 години после долго боледување во Сао Пауло почина легендарниот Бразилец кого цел свет го знае по краткото и симпатично име Пеле. Но зошто од Едсон Арантес ду Насименто го завикале Пеле?
На 17 декември 1968-ма, Бразил на пријателска средба ја пречекува Југославија на која репрезентативно деби има вардаровата легенда, Методија Спасовски. Ама деби од соништата со какво што не може да се пофали друг Македонец. Против Бразил, на легендарната Маракана која крцала со 150.000 гледачи, а за противник на терен го има Пеле. Како поминува?
Годината заврши со веста за заминување на еден од најголемите на сите времиња, ако не и најголемиот. Бразилецот Пеле во четвртокот вечер на 29-ти декември се збогува од овој свет. Ќе се паметат сите негови рекорди и остварувања.
Дуелот меѓу двајцата великани е одигран во 1968-ма. Двајца се обидуваат да му ја земат на Пеле, но ќе поминат многу лошо. Прво Франц Бекенбауер кој е со број 5, а потоа и другиот. За нивна среќа, ги извади голманот.
После тешко боледување и откако со години страдаше од сериозни здравствени проблеми, Пеле во 3:27 часот напладне по локално време починал во болница во Сао Пауло каде бил хоспитализиран поради влошување на состојбата.
