Манчестер Сити лесно со 3-0 го испраши Вест Хем (нови два гола на Ерлинг Халанд) и ја продолжи потрагата по Арсенал кој е прв со два бода повеќе. Пеп Гвардиола после мечот добил новинарско прашање за Новогодишните и Божиќните празници. 

Атлетико Мадрид ја совлада Жирона на гости со 0:3. Погледнете ја интервенцијата на Јан Облак. Малку е да се каже дека ова е најјака одбрана на колото. Би рекле број 1 на месецот.

Интересно видео од златните времиња на италијанско. Гатузо влегува во клинч со Емерсон. Се појавуваат ликови како Стам и Ибрахимовиќ. Но се знае кој имаше авторитет врз Рино Гатузо и онаа негова зовриена глава, која не размислуваше многу.

Селекцијата на Мароко, која е и домаќин на турнирот, со победа од 2-0 против Коморските острови го стартуваше новото издание на Африканскиот Куп кој ќе се игра во периодот 21 декември - 18 јануари. Затворете го конкурсот за гол на турнирот. Ајуб Ел Каби е веќе победник.

Го имаме победникот на годината во изборот за фотографија, направена со тоа вештачката интелигенција која го збуни светот. Изумот на Фејсбук страна Охриѓани, која растура со хумор. Маичката и мевот на Меси се врвот :).

АЕК Атина игра одлична сезона, во грчката Супер лига се брка со градскиот ривал Олимпијакос за титулата, а во Конференциска лига обезбеди пласман во осминафинале откако направи чудесен пресврт на дуелот против романска Универзитатеа Крајова. Гостите од Романија водеа 0-2 а домаќините направија целосен пресврт и со два гола во длабоко судиско продолжение во 90+8' и 90+14' минута славеа 3-2 за три бода.

Златан Ибрахимовиќ веќе неколку години е во управата на Милан, се пензионираше од активно играње фудбал но на 45 години покажува дека и натаму е во одлична физичка форма.

Пази ова, и двете раце му се зафатени, што значи тоа е дополнително отежнување на најмалскиот фудбалски процес наречен жонглирање. Плус не стои во место, а и не е баш млад.

По Мундијалот во 1982 година, а пред славната ера во Наполи, Марадона направи трансфер од Бока Јуниорс на Камп Ноу за тогаш рекордни 7,6 милиони долари. Уште во првата сезона 1982-83, освои два трофеи, Копа деј Реј и Лига Куп и тоа во двата наврати против Реал во финале. Погледнете го како им оди на кралевите во напад. Оса. Со се топка во гол.

Легендата на Челси извади интересна компарација во однос на центарфорите, а со тоа и ги потсети носталгичарите на англискиот фудбал, какви имиња уствари продефилираа во негово време.

Легендарниот стадион Пољуд, сплитската убавица, ќе оди во историјата. Хајдук добил дозвола од градските власти да започне потрага за соодветен проект и дозвола за градба на нов стадион.

Во финалето на Арапскиот Куп Мароко со 3-2 го совлада Јордан и стана шампион во арапскиот фудбал. Мароканците славеа синоќа во финалето против Јордан а страшен гол од преку пола терен постигна 32-годишниот Усама Танане кој игра во катарскиот клуб Ум Салал.

Тој лево се вика Златан. Во бројки тежи 32 трофеи, освоени со 6 екипи и има над 500 гола. Со 41 година и 166 дена стана најстар стрелец во историјата на Серија А. Оној десно е Лука, дечкото кој игра на 40 години и кој замина од Реал Мадрид како најтрофеен фудбалер во историја со 28 трофеи. Во 2018-та го запиша најјакиот хет-трик со трофеи: Златна топка, најдобар играч на годината според ФИФА и најдобар играч на Мундијалот. На тој во средина му посакуваме, барем по малце да го фати мајата од двајцата.

Фудбалерите на Наполи се први финалисти во Супер Купот на Италија, откако го совладаа Милан со 2:0 на стадионот „Кинг Сауд Универзитет“ во Ријан. Мечот го решија Давид Нерес во 39-та и Расмус Хојлунд во 64. минута. Елиф Елмас беше стартер и играше до 77-ма минута.

Штом медиумите и социјалните мрежи го вртат и четврт век подоцна, значи нешто вреди. Имаше само 17 години кога блесна со деби гол во Серија А и тоа против Интер за победа од 2:1. Датумот е 18 декември 1999-та. Двајцата кои не можеа да го спречат се викаат Лорен Блан и Кристијан Панучи. Обрнете внимание на приемот. 

ПСЖ го совлада Фламенгo на пенали и го освои Интерконтиненталниот Куп одигран во Катар. На Луис Енрике тоа му донесе многу редок подвиг. Стана само еден од тројцата тренери во историјата со 6 трофеи во една календарска година.

Во денови кога се актуализира новото селекторско име, кое место на крајот, ФФМ ќе го одреди на почеток од следната година, налетавме на декемвриско ретро од пред 31 година. Јак клип е ова. Бев на Јужна.

Советот на ФИФА, на состанок во Доха донел одлука за финансиски награди за репрезентациите учесници на претстојното Светско првенство и ќе има рекордни премии во износ од астрономски 727 милиони долари!

Рускиот голман Матвеи Сафонов чекаше и ги дочека своите пет минути во Пари Сен Жермен. Во финалето на ФИФА Интерконтиненталниот Куп во Ал-Рајан во Катар, ПСЖ го совлада бразилски Фламенго на пенали откако во регуларен дел беше 1-1 по головите на Кваратцхелија и Жоргињо (од пенал).

Легендарниот фудбалер кој блескаше во дресовите на Рома, Каљари и Интер, од пред неколку години се врати во Белгија. Играше за Антверпен, па кратко беше во Индонезија и сега е во белгискиот Локерен. Веќе има неколку гола и асистенции за второлигашот кој се бори за влез во прва лига.

Андора е Андора во фудбалскиот свет, тоа го знаеме, една од најслабите репрезентации во светот. Ама и таму нешто што се вика драма и возбуда во фудбалот. Санта Колома како фаворит против Карои води 1:0 и во 89-та минута добива црвен картон. Задача и е резултат да го одбрани во судиско со играч помалку. Претпоставувате што ќе се случи така?

По Барселона која се намачи со третолигашот Гвадалахара и до 79-та минута не можеше да го скрши отпорот, синоќа и Реал Мадрид се намачи против третолигашот Талавера кој на 19-то место во трета лига. На гостински терен „кралевите“ славеа 2-3. Килијан Мбапе постигна два гола, еден беше автогол на домашните кои на два пати намалуваа на 1-2 па на 2-3 но немаа сили да направат чудо. Мбапе сезонава веќе има 28 гола што е повеќе од вкупниот број голови на Реал Мадрид досега сезонава.

Ако фатиме да правиме топ листа на црепови кои глумат и легачат на земја поради фаул од воздухот, чаршав ќе излезе текстот со видеа. Последниот е Џанлука Престиани од Бенфика. На само 19 години го прави ова. Жозе реагирај.

Феенорд се соочува со тежок финиш на крајот од првиот дел од сезоната. Загуби дома од Херенвен во Купот со 2:3, а тоа значи рана елиминација уште во второ коло. Ова им е седми пораз на последните 9 средби. Ван Перси не можеше да ги смири навивачите.