ВИП ложата на стадионот во Кратово можеби е подомаќинска, но овие во Перу отишле во друга крајност. Во трибина го претвориле брдото. Оној со семките од Јужна, партал ќе направи ако помине една тура.

Ни улета фоткава баш сега, еден ден после тоа вчера во Копенхаген. И решивме да ја објавиме, повеќе носталгично. Не е дека сме озбилни со барањето во насловот. Би било премногу. Ама па нула удари во рамки на гол во обид да се брка Светско?

Един Џеко има кариера за на филм. Најголемиот фудбалер на Босна и Херцеговина, капитен кој оваа селекција во 2014-та ја однесе на првиот Мундијал во историјата, синоќа пак даде историски важен гол против Велс на гости. А игра во одлична форма во Шалке.

Во класикот на светскиот фудбал, синоќа на стадионот „Жилет“ во Фоксборо близу Бостон каде ќе се играат натпревари од Светско првенство летово, Франција со 2-1 го совлада Бразил. Стрелци на головите беа Килијан Мбапе во 32-ра и Уго Екитике во 65-та минута. За Бразил единствениот погодок го даде стоперот на Јувентус Желсон Бремер. Навивачите на Бразил од трибините скандира „Оле, оле, оле Нејмар, Нејмар“, а пред мечот Мбапе рече дека Светското нема да биде Светско без Неј.

Италија влезе со огромен психолошки притисок во баражот за Светско, откако и се случи фијаско против Шведска и Македонија, селекциите кои не и дозволија да биде учесник на два Мундијали по ред. Сандро Тонали со неодбранлив душмански удар ги ослободи Италијанците од притисикот. Експлодираа сите од радост, од навивачите, па сè до Буфон и Бонучи. Мојзе Кин ја осигура победата против Северна Ирска. Ги чека финале во БиХ.

Чешка обезбеди пласман во финале на бараж откако синоќа едвај ја победи Ирска на пенали 4-3 во Прага. Ирците водеа со убедливи 0-2 уште во 23' минута по головите на Трој Парот од пенал и автоголот на Матеј Ковар. Чесите намалија 1-2 од пенал преку Патрик Шик а Ладислав Крејчл во 86-та израмни на 2-2. На пенали домаќините ја однесоа победата и сега во вторник на исто место ќе ја чекаат Данска.

Полска ја победи Албанија 2-1 после пресврт во Варшава и се пласираше во финале од баражот за Светско 2026. Пјотр Зјелински од Интер ја реши со ракета од преку 25 метри. Во финале ривал ќе им биде Шведска која ја совлада Украина 0-2.

Избраниците на Гоце Седлоски разочарани од дебаклот, тргнаа веднаш во соблекувална, без да се поздрават со македонските навивачи кои патуваа до Копенхаген за да ги бодрат. Барди веднаш реагираше да се вратат. Убав капитенски гест.

Фудбалерите на Италија лесно ја завршија својата задача откако со 2-0 ја совладаа Северна Ирска во Бергамо во полуфинале од баражот за Светско 2026. Им остана време и да ги следат пеналите на дуелот Велс - БиХ во Кардиф каде славеа гостите. Аѕурите се радуваа на ваквиот исход зошто според нив Босна и Херцеговина во Зеница ќе биде полесен ривал отколку Велс во Кардиф.

Синоќа се играа и пријателски. Хрватска славеше против Колумбија со 2:1, а гостите имаат несфатливо промашување пред гол. Луис Суарез, кој сезонава игра во животна форма за Спортинг со 33 гола, сам на празен гол ја утна цела топка.

Босна и Херцеговина направи голем подвиг откако на гостински терен во Кардиф го совлада Велс на пенали во полуфинале на баражот за Светско првенство 2026. Резултатот беше 1-1 во основниот дел кога Един Џеко израмни дури во 87' минута па после продолженијата стигнаа пенали. БиХ славеше во пенал серијата 2-4. Селекторот Сергеј Барбарез кој некогаш беше капитен на БиХ и голема легенда, плачеше во прегратка на своите синови.

Триесет годишниот Себастијан Ерера кој пет сезони го носеше дресот на Работнички од Скопје а потоа играше и за Брегалница, синоќа дебитираше за македонската репрезентација. Дебито нема да го памети по добро, затоа што Македонија беше декласирана со 4-0 од Данска, но затоа ќе се памети начинот на кој тој гордо ја испеа македонската химна. Инаку Ерера има сопруга од Македонија.

Вечерва на стадионот „Паркен“ во Копенхаген, пред повеќе од 36.000 гледачи, македонската фудбалска репрезентација претрпе убедлив пораз во полуфинале на баражот за Светско првенство 2026. На полувреме беше 0-0, на крај 4-0.

Со овој клип ќе посакаме да и ја затвориме вратата на Данска на патот до Мундијалот.

Фудбалерките на женската екипа на Нант во Франција ги совладале ривалките од Стразбур 0-3 на гости. Едниот гол бил како Барса на времето со Меси, Чави, Иниеста и Ето. Тики-така ала Гвардиола. 1 гол, 18 секунди, 11 контакти.

Англискиот репрезентативец и член на Манчестер Сити (сезонава има 10 гола и 5 асистенции на 26 натпревари во сите турнири) испаднал најголем мангуп меѓу репрезентативците кога играле пикадо. Се испоставило дека тој лесно би можел да настапува на некој следен Куп во пикадо. Погоди 3 60-ки! Вкупно 180.

Реал Мадрид во големото финале на Лига на шампиони во 2024-та, на „Вембли“ во Лондон многу потешко од очекувањата ја совлада Борусија Дортмунд 1-0 со гол на бекот Дани Карвахал во 74' минута.

Куса е историјата меѓу фудбалските репрезентациите на Македонија и Данска. Вечерва го играат само четвртиот меѓусебен дуел. Учинокот е 1-1-1.

Вечерва се играат првите натпревари од полуфиналето на баражот за пласман на Светско првенство 2026. Македонија игра против Данска на гости во Копенхаген од 20:45 а во исто време во разни градови ширум Европа и подоцна преку океанот ќе се бијат битки за подобар резултат пред реваншите.

Гоце Седлоски вечерва во Копенхаген од 20:45 ќе дебитира како селектор на македонската фудбалска репрезентација. Ама веќе има еден натпревар, како привремен селектор пред 14 години. Се работи за вакум периодот во летото 2012-та, односно после заминувањето на Џон Тошак, а пред доаѓањето на Чедомир Јаневски. Пријателска средба Македонија - Литванија 1:0, стрелец Пандев.

„Одигравме катастрофално Европско, а ја имавме најдобрата генерација. Мислам дека можевме да одиграме многу подобро ако бевме тактички и ментално поспремни. Ние се базиравме на индивидуален квалитет. Припремите беа катастрофални. Отидовме на ЕП како растурена банда“.

Во рамки на квалификацискиот турнир за Европско првенство за младинци, Србија У-19 со 2-0 ја совлада Англија У-19. Еден од погодоците беше ремек-дело на 19-годишниот Михајло Цветковиќ кој игра за Андерлехт.

Најдобриот египетски фудбалер на сите времиња, 33-годишниот Мохамед Салах чесно и навремено им објави на навивачите на Ливерпул дека по крајот на сезоната, после цели 9 години го напушта „Енфилд Роуд“. Им донесе многу магични моменти, трет е на вечната листа за голови во Ливерпул и им донесе бројни трофеи. Во Лига шампиони постигна 50 гола во дресовите на Базел, Рома и Ливерпул.

Јак клип од една јака и култна генерација на Италија, која прерано го заврши Мундијалот во 2002. Беше елиминирана од домаќинот Јужна Кореја уште во осминафинале. Инаку со исклучок на гелчето, видеово држи вода.