Херман Кано е 36-годишен Аргентинец кој игра во Бразил, за Флуминенсе. Минатата сезона бил убедливо најдобар стрелец и ја добил „златната копачка“ со 26 гола. Сега на мечот против Васко да Гама дал два погодоци. Првиот во 69-та минута, а вториот во 90+6’ минута од судиското продолжение кога со еврогол ги поставил конечните 2-0.

Човекот кој направи балкански гигант, мајстор за трансфери, дрзок и безобразен со новинари, многу вешт, харизманичен, арогантен, авторитет број 1 во хрватскиот фудбал со статус на бегалец веќе пет години во БиХ, се одјави од фудбалот.

Атлетико Мадрид игра топло-ладно цела сезона. Во неделата со 0-1 на гости ја победија Селта во Виго со првиот гол на новајлијата Мемфис Депај и му се приближија на четири бода на третопласираниот Реал Сосиедад. Но друг ни е муабетот.

Во Италија не е чудно што за фудбал се зборува и на најпознатиот фестивал за музика. Чудно е што искусниот Амадеус наседна многу наивно со детево.

Транмере - Салфорд Сити во англиска четврта лига. Топката од гол линија во последен момент ја спасуваат бекот Итан Бристоу и стоперот Том Дејвис.

Во шестото коло од мексиканското првенство, во тамошно дерби меѓу Тигрес УАНЛЛ и Пумас УНАМ, домаќините победиле 4-2. Два погодоци за домашните дал кој друг ако не ветеранот Андре-Пјер Жињак во 44’ минута од пенал и во 90’ за конечен резултат. Волеј каков што само тој може да погоди.

Во клучниот дел од сезоната ПСЖ игра очајно. Пред продолжение на Лига на шампиони каде во 1/8 финале ги чека Баерн Минхен, Парижаните претрпеа два тешки порази, прво од Марсеј 2-1 па од Монако 3-1. Во саботата тренерот Галтие го стави 17-годишниот стопер Ел Шадаил Битшиабу во прв тим, а овој беше директно крив за првиот гол на домашните уште во 4’ минута после едно чудно движење како првпат да игра фудбал.

Земјотресите на истокот од Турција беа најразорни во последните дваесетина години. Ги споредуваат со страшната катастрофа од 1999-та кога разрушен бил градот Измит. Оваа трагедија тогаш, како и последните земјотреси од пред неколку дена се одразија многу и на светот на спортот.

Ренџерс едвај со 3:2 го совлада второлигашот Партик Тисл и се проби до четвртфиналето на Купот на Шкотска. Овој натпревар ќе се памети по фер плеј потегот на сезоната кој го направи тренерот на „ренџерите“ Мајкл Бил.

Ако треба да избереме најтемпераментен тренер меѓу актуелните, тоа сигурно е Масимилијано Алегри. Не мирува човеков во последно време, а доказ за тоа колку претерува со неартикулирани реакции и крици е тоа што почнаа да му се смејат и неговите навивачи, а од синоќа и коментаторите.

И покрај сите промени и турбуленции во клубот, Барселона е сериозно решена да граби кон титулата. Имаат само еден пораз по 21 коло, оној на Ел Класико на 16 октомври, а во 2023-та имаат 11 од 11 на сите натпреварувања. Барса е единствен клуб во најсилните 5 лиги со само 7 примени голови.

Не може секој да биде фудбалски судија. На мечот Дукаѓини - Приштина, конечни 1:0, на домаќините им досуди фаул од тепка за време на корнер од кој падна автогол. Потоа гледаше ВАР за да сфати дека досудил непостоечки фаул, па го призна голот и само ги изнервира гостите.

По погодоците против Сампдорија и Јувентус, Елиф Елмас го запишува и третиот гол за Наполи во 2023-та, вкупно шести сезонава. Само 9 минути откако влезе во игра против Кремонезе, го зголеми резултатот на 3:0. Наполитанците имаат +16 пред Интер кој утре и гостува на Сампдорија.

Тиквеш се радуваше дома на реми 31:31 против новиот прволигаш Алкалоид во првото коло од плејофот во драматичен натпревар со голема неизвесноста и нервоза. Домаќините го израмнија резултатот во последните 8 секунди од мечот, а потоа остана време и за победа на гостите, но Никола Маркоски од пола терен ја погоди пречката.

Јувентус минува низ тежок период. По казната за финансиски малверзации на управата поради што им беа одземени бодови, Јувентус речиси извесно може да остане без еврокуп следната сезона. Бјанконерите во неделата ја совладаа Фиорентина 1-0 со голот на Адриен Рабио, а тренерот Алегри се расправаше со навивачи кои исвиркувале домашни играчи.

Лејкерси успеаа да го совладаат Голден Стејт и без повредениот Леброн кој мораше да одмори после историскиот меч за НБА лигата. Хит број 1 од мечот е реакцијата на девојчето кога сфати кој седна до неа. До матура ќе го раскажува искуството. Следуваше интервју, па сликање.

Во последниве три гола, Стефан Ристовски постигна два гола со кои Динамо Загреб победува во хрватскиот шампионат. По погодокот против Локомотива Загреб, ова коло капитенот на Македонија фантастично реагираше на асистенцијата на Батурина за конечни Динамо - Истра 1:0.

Австралискиот ММА борец со македонско потекло ја заврши серијата од 22 победи по ред, но сепак му пружи голем отпор на фаворитот и актуелен шампион во лесна категорија на УФЦ 284.

Време е за градско дерби во Англија и тоа понеделничко од 21:00. За Ливерпул враќање на загубената игра и доверба, за Евертон бегство од опасната зона. Легендарниот Стиви не знаеше да даде обичен гол против големиот ривал.

Милан - Тотенхем и ПСЖ - Баерн се двојките кои во вторник ги стартуваат осминафиналните битки во ЛШ. УЕФА почнува да билда атмосфера на Твитер и прашува кои се играчите со број 27 и 19 од легендарниот состав на Мурињо. Одговорот е пердув лесен.

Познатиот рапер Дрејк и многу други ѕвезди во САД му честитаа на Џејмс за поставениот рекорд по број на постигнати поени во НБА лигата. Леброн постигна вкупо 38.387 поени досега и го надмина легендарниот Карим Абдул-Џабар на вечната листа.

Не би да судиме по изглед, ама еден од најдобрите на сите времиња да се радува против ваков лик на ист начин како против Барса, некако не оди. Кире Трајчев од Силекс е Паљука за овој.

Хукот кој го прават мароканските, туниските, алжирските и египетските навивачи е претерано добар. Ако долги години без да се трепне се гледаа аргентинските, турските, грчките, српските и италијанските навивачи, сега во последно време Европа сè повеќе гледа накај северна Африка.