За време на мечот од бразилската Копа до Нордесте меѓу екипите на АБЦ и Марањао, гостинскиот бек Иан Балдез направи таква глупост што судијата ја забележал и го досудил најчудниот пенал што некогаш е досуден за ваква ситуација.

Челси лани заврши на 12-то место со 16 порази. Сезонава веќе има 10 порази и е 11-ти со -20 од првиот. Водеа 1:0 против Вулверхемптон и на крај загубија 2:4. За тоа колку се утепани, свесни се и самите навивачи. Гостите им пеejа „You're fucking shit", а тие вратија со „We're fucking shit". Трагикомедија.

Арсенал со 3-1 го разби Ливерпул во големото дерби на Премиер лигата и ја направи уште поинтересна трката за шампионската титула. Ливерпул сега е прв со 51 бод но само два повеќе од „топџиите“ и пет повеќе од Сити кој има и два меча помалку. Сака, Мартинели и Тросар беа стрелци на головите а после мечот стручниот коментатор Џејми Карагер не можеше спортски да го прифати поразот на тимот чиј капитен беше со години.

Швајцарскиот скијач Даниел Јул триумфираше во француски Шамони во трката во слалом во рамки на Светскиот Куп иако после првата рунда беше дури на 30-та позиција со речиси теоретски шанси да направи нешто.

Па пауза од скоро два месеци, Роберт Левандовски постигна гол за Барселона, која славеше 1:3 на гостувањето против Алавес. Во еден момент полскиот напаѓач влезе во непотребен глумачки фазон, нетипичен за него.

Фудбалот е игра за сите и стари и млади и машко и женско. Доказ за тоа е и еден симпатичен дедо кој носталгично подигрува.

Шампионот на Италија игра многу слаба сезона и се наоѓа на седма позиција со само 35 бода или -22 зад лидерот Интер. Во 22. коло ја запишаа 10-та победа и тоа едвај против Верона која се бори за опстанок. Гостите поведоа во 72-ра минута, а Наполитанците се вратија со помош на автогол, а потоа со мајсторија на Кварацхелија кој е далеку од ланската форма.

Шпанскиот репрезентативец и некогашно дете на Реал Мадрид, Маркос Љоренте (29) во длабоко судиско продолжение погоди против „кралскиот клуб“ и му донесе злато вреден бод на Атлетико Мадрид кој со Барселона и Жирона останува во трка за титулата.

15-ти трипл дабл сезонава за Јокиќ или вкупно 120-ти во кариерата на мечот против Портланд викендов, кој го заврши со победа од 120:108 и учинок од 27 поени, 22 скока, 12 асистенции, 2 бокади и една украдена топка. Само два дена подоцна Денвер повторно одигра против Портланд и повторно славеше овој пат со 112-103. Јокиќ го заврши мечот со 29 поени, 8 скока и 7 асистенции. Деандре Ајтон се обиде да го чува на тројка, ама се укочи.

Зеленортските острови го изведуваат последниот пенал против Јужна Африка во четвртфиналето кој ќе го промашат и ќе загубат со 2:1. Коментаторот го пее хитот на Шакира од СП Јужна Африка 2010. Каков цар.

Во бразилскиот шампионат Атлетико Паранаенсе го совлада ПСТЦ со 4:0. Во 40 минута при резултат 0:0, голманот на домашниот тим фати пенал, ама не знаеше дека има соиграч од сомнителен калибар кој ќе конкурира за автогол на годината.

Африканскиот Куп на нации влегува во самата завршница на спектакуларен начин. Ронвен Вилијамс направи нешто кое не му успеало на ниту еден друг голман, па дури ни на Европско и Светско првенство.

Македонскиот репрезентативец, Андреј Јакимовски постигна 13 поени од кои три тројки, а имаше 5 скока и 4 асистенции. На една од тројките за Вашингтон Стејт кој го доби градскиот ривал Вашингтон 90:87, коментаторите почнаа да редат: „Скопје, Македонија, Крива Паланка“.

Го фати и по начинот на зборување и по ноншалантноста, па дури и гестикулацијата со рацете ја има. Одличен.

Абердин минатата недела го отпушти тренерот поради многу послабите резултати за разлика од лани, па попладнево со нов тренер извадија голем бод против шампионот Селтик. Бојан Миовски денес беше прецизен и против „келтите“, со мајсторски гол го совлада ветеранот Џо Харт во 50' минута. Селтик израмни во 63' минута преку Никола-Герит Кун.

Седумкратниот Формула 1 шампион Луис Хамилтон направи мега трансфер и од следната 2025-та ќе вози за неговиот досегашен најголем ривал Ферари.

Ал Наср го растури Интер Мајами со 6:0 во пријателски меч одигран во Ријад, Саудиска Арабија. Лионел Меси беше на клупата за резерви, влезе пред крајот на дуелот во последните 7-8 минути а Кристијано триумфот го следеше од ложа на трибините.

Легендарниот јужноамерикански голман кој загуби од Панчев и дружината на Мундијалот во Италија, има освоено Копа Либертадорес, стрелец е на 43 гола во кариерата, но и неправедно бутнат 9 месеци во затвор поради што го пропушти Светско во САД.

За време на осминафиналниот меч од Купот на Азија меѓу Јордан и Ирак кој Јорданците го добија 3:2, ирачкиот центарфор доби црвен картон поради една необична епизода.

Милан Лазаревски и Томислав Јагуриновски беа гости во спортската емисија „Фер плеј со Јана“. Зборуваа на спортски теми поврзани со Вардар и настапите со репрезентација на Европското во Германија, а потоа пикерот на Македонија изненади и со друг скриен талент.

Кралот Арту како што го викаат навивачите на Коло Коло, имаше вистинско шоу на враќање во својот матичен клуб по цели 17 години одисеја по светот.

Навивачите на Филаделфија, но и оние кои од близу ја следат НБА ги погоди веста дека Жоел Ембид е повреден и дека го очекува подолга пауза. Таман што Камерунецот влезе во форма, имаше неколку меча со рекордни поени и луди бројки и сега излезе од конкуренција за наградата МВП. Но затоа Филаделфија го има сјајниот Тајрис Макси кој во триумфот против Јута Џез на гости 127:124 постигна дури 51 поен!

Со двата гола на Хоселу Мато, Реал Мадрид го доби Хетафе со 0:2 и сега е прв на табела со +2 пред Жирона и +10 пред Атлетико и Барса. Џуд Белингем беше уловен во непријатна ситуација. Го нарече мејсон гринвуд „силувач“, за што може да биде казнет. Инаку додека играше за Манчестер Јунајтед Гринвуд беше обвинен за силување, но до судење никогаш не дојде.

Беше најавувано како шоу меѓу Роналдо и Меси, но Португалец не играше поради повреда, а Меси влезе во 84 минута. Но и без нив, пријателската меѓу екипите кои се прославија поради двете мега ѕвезди, заврши со спектакл од 6 комада, сите во мрежата на тимот од САД. Хет-трик на Талиска и лудачки лоб на Лапорт од своја половина.