Четирикратниот НБА шампион Драјмонд Грин важи за еден од најгрубите кошаркари во лигата во последните години. Никој никогаш како него не се изнаплаќал толку парични казни и не бил толку често суспендиран поради наглите груби фаули, прекршоци и тепачки кои ги предизвикал. Зборува против сите и секого ама сега конечно покажа респект против најголемиот.

Изненадно и интересно, српскиот репрезентативец Никола Јовиќ станал многу близок другар со суперѕвездата и лидер на Мајами Хит Џими Батлер. Тие двајца често се дружат и надвор од паркетот, а така било и синоќа кога беа суспендирани на 1 меч па не играа на дуелот Мајами Хит - Сакраменто Кингс (121:110). Џими побарал од Јовиќ да го научи како се скандира за Мајами Хит на српски јазик.

Левицата на Пауло Дибала не служи само за голчишта кои обично не се бранат. Погледнете го како се загради и како ја прими на дуелот против Феенорд, а потоа и реакцијата на Де Роси. Роналдињо стил или Зидан. Импресивен потег.

Жирона со 3-0 го совлада Рајо Ваљекано а Столе Димитриевски два од трите гола ги прими во судиско продолжение, во 90+1’ и во 90+3’ минута. Од 76-та минута гостите играа со играч помалку поради експресното исклучување на Пеп Чаварија кој доби два жолти и црвен картон во само неколку секунди. Крајно наивно и глупо.

Виолетовите го совладаа Лацио со 2:1 во 26. коло од Серија А и тоа со пресврт, а при нерешен резултат Аргентинецот Николас Гонзалес ја погоди стативата од 11 метри. Коментаторот целосно изненади со реакцијата.

Плејмејкерот на Уникс Казан синоќа ја одигра една од најјаките партии во дресот на Македонија, која ја оствари една од највисоките гостински победи во историјата. Димитријевиќ беше маестрален со 32 поени, 8 скока и 8 асистенции и едноставно беше незадржлив. Погледнете по колку играчи го опколуваа и не можеа да го сопрат.

Нема многу што да се објаснуваат делата на Лука Модриќ кои ги остави во Реал Мадрид. Изоставен е од прв состав, но самото негото присуство и име, сè уште е важно и тежи на Бернабеу. И на 38 години решава натпревари на мајсторски начин, за потоа да следуваат заслужени честитки од цела соблекувална.

Македонската кошаркарска репрезентација го одигра можеби најдобриот меч во последните неколку години откако убедливо ја растури Полска на гости 71:96.

Управата на Милан и навивачите треба да бидат среќни што веќе петта сезона имаат играчиште како Рафаел Леао, еден од најдобрите во моментов на негова позиција. Португалецот од генерацијата 1999-та, не знае за нормален гол. Погледнете го што направи во 3 минута на мечот против Аталанта кој заврши 1:1.

Мечот е Интернационал - Гремио, а стрелецот Рене. Велемајсторски го изведе ова. Секоја чест.

Во ФИБА натпреварувањата за пласман на Европско или Светско првенство нема коло а да нема некое големо изненадување. Ова се случува од причина што голем број од главните играчи во многу селекции не се во можност да допатуваат поради обврски во своите тимови. Така на пример светскиот шампион Германија изгуби од Бугарија а Белгија го доби европскиот првак Шпанија. Најголемо изненадување се случи во главниот град на Чиле.

26 февруари 2014 или 10 години од „Ла десима“, кога гледавме драма во мадриското финале од ЛШ во Лисабон. На денешен ден Реал го торпедираше Шалке во осминафинале со 1:6. По два гола дадоа Роналдо, Бензема и Бејл, а конечниот резултат го постави Клас Јан Хунтелар, чисто колку да и додаде атрактивност на забавата.

На фудбал знаат често пати да влетаат и да прекинат натпревар, ама во сала не паметиме кога последен пат сме виделе. Инаку се работи за мечот Аргентина - Чиле.

Рубен Ван Бомел е 19-годишниот син на познатиот холандски легендарен фудбалер Марк Ван Мобел. Младиот Рубен играл во второлигашот МВВ а од 1-ви јули 2023-та е во АЗ Алкмар. Синоќа со два погодоци бил најзаслужен за триумфот на клубот од Алкмар против Ајакс со кој домашниот тим кој е на четврто место се одлепил на 6 бода од тимот од Амстердам на табелата.

На натпреварот меѓу Мелбурн Виктори Сити и Сентрал Кост Маринерс во буквално 90+10’ минута од судиско продолжение гостите тргнуваат во контра пред празен гол затоа што домашниот голман остана во нивниот шеснаесетник при еден корнер. И Џош Нисбет успева да го промаши ова:

На Леброн Џејмс му биле потребни дури 1.471 меч за да стигне до актуелните 110 трипл дабл учиноци. Никола Јокиќ има 122, остварени по само внимавајте добро: 651 натпревар.

Во НБА оние високите ќе се фатат и ќе се тегнат по паркет ко балдски за бидермајер и никому ништо. Во хокеарската НХЛ лига е нешто подруго. Така на мечот меѓу Њујорк Ренџерс и Филаделфија се дочепаа младиот 21-годишен Мет Ремпи (203 см висок, 109 кг тежок) и ветеранот Никола Деслоа (33 години, 185 сантиметри висок, 100 кг тежок). Коментаторите кои со години пренесуваат хокеј во преносот велат дека вакво нешто не виделе баш баш одамна.

Матео Ретеги е интересен центарфор. Има 24 години. Роден е во Аргентина но има италијански корени. Почнал да игра фудбал како мал во Ривер и Бока, па после бил позајмуван во Естудијантес, Таљерес и Тигрес. После неколку интересни голови во Аргентина италијанскиот печат се заинтересира за него и набрзо тој доби повик од поранешниот селектор Роберто Манчини. Веќе има 4 настапи и 2 гола за Италија. Од 2023-та е во Џенова а сезонава постигна 6 гола и 2 асистенции на 19 меча.

Мечот меѓу Бетис и Атлетик Билбао (3:1) го одбележа еден крајно непријатен инцидент: камерман во обид да сними прослава на гол трчал каде што не треба и силно со камерата ја удрил помошничката судијка Гваделупе Порас која доживеала повреда.

Девет години беа дел од костурот на кралскиот тим и едни од клучните играчи кои ја правеа разликата на терен. Заедно станаа четири пати прваци на Европа и четири пати светски прваци. Серхио има 37, Лука 38 години и уште играат на ниво.

Во финалето на англискиот Лига Куп во тврд натпревар, Ливерпул со 1-0 го совлада Челси со гол на стоперот и капитен Ван Дајк дури во 118’ минута од продолженијата.

Колку и да го згазија годините и конкуренцијата од далеку помладите, Модриќ е Модриќ. Не знаеш кога може да изненади, да ја направи разликата и да реши натпревар. На дуелот против Севиља доби шанса во 75 минута и после само 6 минути му донесе 3 бода на Реал со голчиште во негов стил.

Лос Анџелес Галакси и Интер Мајами ремизираа 1:1 во новата сезона од МЛС лигата. Домаќините во 13’ минута имаа пенал но не го искористи некогашниот играч на Барселона Рики Пуиг. Во 75-та минута сепак дојдоа во водство преку српскиот репрезентативец Дејан Јовељиќ. Гостите од 87-ма минута играа со играч помалку, но тоа не му сметаше на Меси на асистенција на Алба да му донесе голем бод на својт тим.

877 гола за Кристијано Роналдо, 877-ма глупоштија откако отиде на 500 милионската печалба во Саудиска Арабија? Чуму вакво однесување?