Необичен поен му зема Нарди на Ѓоковиќ во вториот сет за кој Србинот се бунеше кај судијата. Лука мислеше дека Новак направил дупла сервис грешка, па во еден момент застана во сред игра, но му ја врати топката во поле. Потоа и Новак одигра, но и он застана и го загуби поенот.

16 години помладиот Италијанец, на Индијан Велс го совлада човекот од кој има постер во соба кој не планира да го тргне. Кој знае какво му е чувството после овој сензационален триумф. Сабајле го гледаш дома на постер, а потоа истиот ден го победуваш на само 20 години.

Супер натпревар со четири гола во втората холандска лига одиграле Ден Хаг и Дордехт. Гостите воделе 0-2 до 32’ минута а домашните прво намалиле на 1-2 во 41-ва минута, па во 54-та преку Дарил ван Минем израмниле 2-2 со прекрасен погодок под пола терен.

На меч меѓу Атлетико Атланта и Химнасија и Тиро во втора аргентинска лига, топката во еден момент по изведен слободен удар удира во внатрешниот дел од мрежата, но се одбива од заштитната шипка и излегува надвор. Судијата ја продолжува играта, гол нема. Домашниот тренер се буни и добива црвен картон. Мечот завршил 1-1 со вкупно 4 црвени картони, два на терен и два надвор од терен.

Прославениот ас кој направи светска трофејна кариера како фудбалер на Црвена звезда и Милан, веќе дваесетина години раководи со Црногорскиот фудбалски сојуз. И таму нормално има жестоки критичари од кои голем е поранешен малку познат фудбалер Дејан Пековиќ - Џаја. Пековиќ му аргументирал на Савичевиќ дека слабо го води сојузот на што „Геније“ испровоциран почнал да вика.

Тешко се наоѓа саглам човек меѓу претседателите во Серија А. Дел од нив се полни со афери за малверзации, други се однесуваат циркузантски и несоодветно со оглед на позицијата која ја имаат, трети покажуваат силеџиски манири пред камери.

Се работи за првата сезона на Кристијано во Јувентус, 2018/2019, онаа кога Ајакс беше неверојатен и за влакно не стигна до финале во ЛШ. Со поразот од 2:0 од Атлетико Мадрид во осминафинале, Јувентус на реваншот имаше зезнат резултат, против тврд противник за што беа потребни 3:0 за елиминација. Одговорот го имаше Кристијано Роналдо со голови во 27', 48' и 86' минута токму против неговиот градски ривал од Мадрид, за делириум на Алијанц.

Актуелниот шампион Денвер Нагетс направи голем пресврт на свој терен против Торонто Репторс и на крајот славеше 125:119. Број 1 на мечот кој друг ако не Никола Јокиќ.

Младите италијански тенисери очигледно не му лежат на Ѓоковиќ кој после три порази од Јаник Синер, сега го доживеа можеби и најтешкиот пораз во својата епска кариера. Новак изгуби од 20-годишниот Лука Нарди кој е, верувале или не 123. место на ранг листа.

Со гол во 118-та минута, Кристијано Роналдо го спаси својот тим и го однесе во продолженија, но сето тоа паѓа во вода.

Феенорд со 3-0 го совлада Хераклес во 25. коло од холандската Ередивизија. Тимот од Ротердам и натаму е втор на табела со 59 бода, 10 помалку од лидерот ПСВ Ајндховен кој има 69 и е неприкосновено прв. Пред еден слободен удар домашните од Феенорд играа лист, камен, ножички за да решат кој да го изведе.

По веста за извонредното трето место во светска конкуренција на наш сноуборд натпреварувач, уште еден мејл нè изненади викендов. Па ајде нека е оваа објава и на некој начин нешто осмомартовско од нас со задоцнување, како поддршка за жените во спортот.

Нестварни сцени ни доаѓаат од второлигашката хрватска пресметка меѓу Змијавци и Зрински каква што досега не сме објавиле. При резултат 0:0, домаќините добија пенал за кои се обидуваа прво да создадат услови за удар од белата точка, која патем и ја немаше. За комедијата да биде целосна и спремна за ширење на сите сајтови и социјалните мрежи поврзани со фудбал се погрижи изведувачот по име Прскало. Го издиша голманот бе.

Басконија и Барселона се сретнаа во дерби меч од шпанската лига, кој за среќа заврши без жртви и повредени. За време на еден тајм аут, рефлектор падна на паркетот од бајаги високо и тоа многу блиску до мажуретките кои во тие моменти ја забавуваа публиката.

Црвена звезда и Партизан го одиграа 172. вечно белградско дерби. Трибините исполнети речиси до крај со исклучок на задолжителната тампон зона меѓу двете двете ривалски навивачки групи.

Интер Мајами изгуби 2-3 од канадски Монтреал на домашен терен. Домашните во 71-ва израмнија на 1-1 но гостите во 75-та минута и 78-ма го решија мечот. Жорди Алба само намали во 80-та минута со прекрасен гол на асистенција на Серхио Бускетц.

Понеделнички убава вест ни пристигна утрово во сандаче, за спорт помалку популаризиран и слабо медиумски застапен. Нека се множат и вакви успеси.

Баерн Минхен го понижи Мајнц со 8:1, Кејн постигна хет-трик и стаса до неверојатни 30 гола по 25 кола, а она што се издвои викендов во Германија и општо на цела фудбалска меѓународна сцена е потегот на Серж Гнабри. Вакви велемајстории можеби потипични за некои акробатски игри на тренинг, ретко на кој му успеваат во игра.

Во најдобрата европска кошарка играле илјадници кошаркари од САД. Имало и сериозни ѕвездени имиња кои доаѓаа од НБА, но ретко кој оставил трага како Мајк Џејмс.

Некогаш на човек не му треба да оди во театар или кино, зошто најдобар циркус може да види на просечен фудбалски натпревар. Пазете сега ова, во 2. коло од новата сезона во фудбалското првенство на Узбекистан, клубот Аниџан со 5-1 го совладал Буњодкор. Во 34’ минута од првиот дел, гостинскиот фудбалер Исмоналиев повеќе во мајтап допира со нога домашен фудбалер. Соиграч на вториов го убедува да падне на земја и гостинскиот играч добива црвен картон при резултат 1-1.

Лос Анџелес Лејкерс продолжи со добрата форма и ја совладаа Минесота Тимбервулвс 120:109. Ентони Дејвис постигна 27 поени со дури 25 скока и седум украдени топки и пет асистенции, учинок каков што досега немало во НБА. Тој стана и првиот играч во историјата на лигата кој на еден меч имал најмалку 25 поени со најмалку 25 скока.

Ливерпул и Манчестер Сити одиграа 1:1, резултат со кој прв на табела изби Арсенал. Пратете го убаво сега тркот и дуелот на Луиз Диаз со Кајл Вокер и Родри. Едниот ќе заврши на земја, другиот ќе го загуби компасот. Ги изеде.

Во дуелот меѓу двата клуба од Чемпионшип кој често играа и во Премиер лига, Саутемптон со 4-2 го совлада Сандерленд. Гостите во 71-ва минута имаа 2-2 кога брат му на големата суперѕвезда на Реал Мадрид Белингем, Џоби Белингем (18) постигна прекрасен гол во стилот на постариот Џуд.

Астон Вила - Тотенхем 0:4. Вила Парк ниту е негов стадион, ниту му е спалната соба од дома, вецето или кујната. Азиска култура е тоа, нешто несфатливо за Европа.