Англичаните второ Европско по ред се изборија за полуфинале под водство на Саутгејт, ама некако неубедливо, со многу среќа и со само една победа во 90 минути фудбал. Бледо издание на скапите ѕвезди и еден глупав корнер кој заврши на голман, за потоа и да ја загубат топката.

Холандија и Турција го одиграа најдраматичното четвртфинале во 90 минути фудбал и прво без продолженија и пенали. Самет Акајдин на асистенција на Арда Ѓулер ја фрли Турција во транс во 35 минута. Де Врај ја врати неизвесноста во 70-та, а пресуден за четвртиот полуфиналист беше Мерт Мулдур кој си постигна автогол во 76-та минута.

Во вториот сет од 3. коло на Вимблдон меѓу Новак Ѓоковиќ и Алексеј Попирин, имаше кус прекин проследен со аплаузи. Ноле сфати за што се работи, публиката ги славеше пеналите против Швајцарија вредни пласман во полуфинале на ЕП.

По Франција и Шпанија кои ќе се сретнат во финале пред финалето, селекцијата на Англија е третиот полуфиналист на ЕП 2024. Повторно не успеаа да ја оправдаат фаворитската улога и извадија 1:1 во регуларните 90 минути против Швајцарија. Мануел Аканџи е единствениот играч кој промаши во пенал серијата која заврши 5:3.

Јунакот пак ќе се презиваше Шаќири, а жртва Англија, но овој пат тоа не беше Аце од Македонија, туку Џердан од Швајцарија. И не во квалификации, туку во продолженија за пласман во полуфинале на ЕП. Незгодниот Шаќири влезе во игра во 109-та минута и веќе во 117-та им ги стресе гаќите на Англичаните.

Трето четвртфинале, трет натпревар кој ќе оди во продолженија. Иако важеше за главен фаворит за трофејот, Англија повторно одигра натпревар под нивото со оглед на скапите ѕвезди во тимот и на 5 меча има само една победа во 90 минути фудбал. Плус пак се спасија, овој пат со голот на Сака во 80-та за конечни 1:1. Швајцарците беа во водство само 5 минути откако Емболо ја затресе мрежата.

Еквадор, Копа Америка, јужноамериканска страст за фудбал.

Турција игра вечерва од 21 часот против Холандија. Ако им фали мотивација, нека го пуштат клипов. Вака го славеа досегашниот пласман. 

77 години Велика Британија чекаше нивен тенисер да го освои најголемиот тениски трофеј на планетата. Мареј го скрши проклетството во 2013-та и тоа во финале против Ѓоковиќ. Вимблдон и од тоа направи видео по повод неговото збогување.

Од непознати причини наградата за играч на мечот Франција - Португалија ја добил Усман Дембеле, ако се знае дека ветеранот, 41-годишниот Пепе одигра фантастичен меч и ги доби речиси сите дуели од далеку помладите и побрзи противнички фудбалери. Водеше битки со Мбапе, со Коло Муани, со нивните резерви, со Маркус Турам и Бредли Баркола. На крајот се расплака во прегратка на Роналдо поради испаѓањето.

Португалија и Франција го играат вториот четвртфинален дуел на Еуро2024. Подобриот од нив ќе оди на Шпанија. После првиот дел е 0:0 а најјак момент беше потегот на фудбалерот на Милан Рафаел Леао.

Во второто четвртфинале, Франција и Португалија вечерва во Хамбург одиграа без голови во основното време и продолженијата, па патникот во следна рунда го решаваа пеналите. За разлика од дуелот со Словенија кога португалскиот голман одбрани три пенали, вечерва немаше среќа.

Дваесет и осум годишниот Руиз кој игра за ПСЖ е еден од најдобрите фудбалери на Европското првенство. Постигна 1 гол, има асистенции и буквално везе на теренот во што се увери и цел среден ред на Германија во осминафиналето.

Во фантастичен натпревар од 1/8 финалето, двете селекции кои покажаа најмногу на цело Еуро2024, ремизираа 1-1 во основните 90 минути. Шпанија поведе прва преку Дани Олмо во 51' минута. Германија бараше гол долго време и го најде дури во 89' минута преку најдобриот играч во Бундеслига за минатата сезона, младиот Флоријан Вирц.

Во најголемиот спектакл од досегашниот тек на Еуро2024, вечерва во Штутгарт во првото четвртфинале, Шпанија ја совлада Германија 1:2 после продолженијата, откако во основниот дел мечот заврши 1:1. Шпанците ќе одат на подобриот од Франција - Португалија но ќе играат без речиси пола екипа поради парни картони.

На гости кај нашата најголема фудбалска легенда беше Филе кој благодарение на Горан има влезено во тренинг базата на Лацио. Зошто ги споменавме парите уште во наслов? Затоа што поентата на водителот е на место. За инвестирањето на Пандев во родната Струмица кое после академија, терени и прв тим, на ред дојде и хотел, ниту добива помош од некој во Македонија, нигу го ослободуваат од данок. Скромен како и секогаш вели: „Ми беше ќеиф, тоа го направив од срце, за мојата фамилија и за македонскиот спорт“. Ќе има и музеј и фан шоп Горан Пандев. Првите дресови се веќе поставени.

Вимблдон ептен се потруди за да го испочитува Енди Мареј, кој последен пат се појавува на елитниот турнир, а пензијата ја најавува за после Олимписките игри. Му организираше и церемонија, а направи и ептен убаво видео.

На домашен терен, пред своја публика и во присуство на Новак, Енди Мареј раскрсти со Вимблдон.

Фудбалската велесила и неколкукратен европски и светски шампион Шпанија веќе извесно време го изгуби идентитетот и го бараше по разни патишта. На крај го пронајде со еден необичен, скромен, непознат тренер.

Бразилецот Даглас Луиз е најголемо засилување во тим од Серија А летово. Тој доаѓа во Јувентус од Астон Вила во трансфер вреден дури 50 милиони евра плус 1,5 милиони евра во бонуси. Потпишал 5-годишен договор со „Старата дама“ а во пакет со него од Астон Вила доаѓа и неговата девојка Алиша Леман.

Европско првенство, Копа Америка, Вимблдон, Квалификации за Олимписки игри. Имаме богато спортско лето со најнеобичен крај некогаш виден во кошарка. Грузија нека се радува на фудбалските успеси и нека не ги гледа своите во кошарка. Па за ова е потребно време човек да го свари и после три гледања.

На интересно видео налетавме за време на Копа Америка која се игра на помали терени од сите други во светот. Домаќин е САД, а проблемот е што дел од стадионите се помали од стандардните димензии 105x68 и за да биде фер другите се намалени за сите да бидат исти. На дефанзивците тоа им одговара, на напаѓачите не. Еве зошто.

ФИФА направи што направи со Мундијалот во Катар кој беше далечна дестинација за милиони навивачи од целиот свет кој таму не можеа да уживаат во целосна слобода. Домаќинот и организатор Катар дури беше приморан да ангажира некои локални работници од разни земји од светот да навиваат за некои селекции па сето тоа изгледаше на циркус. Еве како е на Европското 2024.