Од 2000-та до 2024-та група од шест шпански жени ја бодрат својата фудбалска репрезентација на сите големи натпреварувања, Европски и Светски првенства. И сега се во Германија каде „Црвената фурија“ ќе игра во финалето на Еуро2024.

Одвратни сцени ни доаѓаат од Бразил, а за да бидете поштедени од глетките, не мора да го гледате второто видео до крај. Полицаец мртов ладен со сачмарка од близу го погоди голманот на Гремио Анаполис, Рамон Соуза. Малоумниот и кукавички потег го изведува со гумен куршум, ама сепак нејќете да му ја видите ногата.

Привршува Европското, се наближуваат клупските натпреварувања на кои им претходи жешко лето со трансфери. Во Рим е веќе бурно. По заминувањата на Фелипе Андерсон и Луис Алберто, збогум на навивачите на Лацио ќе им каже и легендарниот Имобиле. Прв стрелец на клубот во кој експлодираше со 207 погодоци и стана Златна копачка.

Конечно се вразумија УЕФА и луѓето од германската полиција, па три лица кои упаднале на терен после полуфиналето меѓу Франција и Шпанија ќе добијат соодветни кривични пријави и имаат забрана за влез. Ова доаѓа откако едно лице од приватното обезбедување на шпанската репрезентација во обид да фати еден натрапник што влета во терен, се лизна и случајно го удри Алваро Мората кој избегна потешка повреда.

Милиони навивачи на Англија синоќа минаа од агонија до екстаза, како и на целото Европско. Нивната селекција не игра ништо од очекувањата цел турнир но на италијански начин стигна до големото финале каде ќе води битка со Шпанија. Губеше Англија 0-1 па направи целосен пресврт и победи со гол на Оли Воткинс во судиско продолжение.

Кошаркарската репрезентација на САД доаѓа на Олимписките Игри летово во Париз во можеби најсилен состав во историјата. Селекторот Стив Кер ги одбра најголемите суперѕвезди но не го повика МВП-то на големото финале на НБА и новиот шампион со Бостон Селтикс Џајлен Браун.

Формирани се полуфиналните двојки на Вимблдон: Медведев - Алкараз, Ѓоковиќ - Музети. Во тешка битка која се играше во 5 сета, Италијанецот Лоренцо Музети го елиминираше Тејлор Фриц, а потоа додека зборуваше за легендата, се јави дел од неблагодарната публика.

Холандската фудбалска бајка на Европското 2024 заврши во полуфиналето после болниот пораз 2:1 од Англија со гол примен во последните секунди од основното време. Холанѓаните се бесни и лути на главниот судија на мечот Германецот Феликс Цвајер.

Колумбија ќе игра во финале на Копа Америка првпат после цели 23 години откако синоќа во големото дерби во полуфиналето го совлада Уругвај 1-0 и тоа со играч помалку дури од 42’ минута во првиот дел. После мечот на трибините каде стоеле заедно измешани и едните и другите навивачи, настанал хаос. Се вмешал и Дарвин Нуњез кој откако ситуацијата се потсмири пак го разгорел огнот. Наводно и уште непотврдено, семејството му било загрозено во целата гужва.

Имаме уште големо финале за гледање на 14 јули после она меѓу Шпанија и Англија. Колумбија го совлада Уругвај и за трофејот во Копа Америка ќе се бори против Аргентина.

Баталете ги барабите што го демолираа кафиќот и пазете ја журкава пред вчерашното полуфинале меѓу Холандија и Англија. Ја прават голема група на холандски навивачи и им влегуваат на пар Англичани со безвременскиот хит на Битлси „Hey Jude". Ама не на суво, туку со цел дувачки оркестар. Каква весела банда е ова. Денот ни го направија. И докторката и сестрата излегоа на балкон.

Летаа флаши, коњопои, телевизори, а контактот меѓу навивачите скоро и да го нема. Персоналот се обиде на смири, па дури и еден од келнерите почна да мава, а потоа го нападнаа неколку Холанѓани, скроз бавни од што беа пијани. Со еден збор сè се ова бараби. Што ви е крив кафиќот? Договорете си ферка на некоја пољана со голи раце.

Колку знае колку му е глупо.

Шпанија - Англија на 14 јули во 21:00 часот во Берлин е мега пресметката вредна титула на ЕП 2024. Англичаните конечно заиграа натпревар на ниво, посебно во првиот дел и со пресврт ја совладаа Холандија. Ја реши џокерот Оли Воткинс кој влезе во 81-ва минута место Кејн за конечни 2:1 по оние 1:1 во воведните 45 минути.

Содржајни први 45 минути во второто полуфинале на ЕП. По еден гол во двете мрежи, но и три 100% шанси во рок од 10 минути кои за влакно не беа реализирани. Думфрис спаси чист гол, па ја погоди пречката со глава. Англичаните одговорија преку Филип Фоден кој ја погоди стативата.

Е вакви натпревари сакаме. Се преслика вчерашното прво полувреме меѓу Шпанија и Франција. Повторно гледаме отворен и атрактивен фудбал со шанси и голови и конечно фудбал заигра Англија која во воведните 45 минути имаше 8 удари од кои 3 во рамки на гол, како и 65% поседн на топка. 7-ма минута прекрасен гол на младиот Симонс, 11 минути подоцна пенал за Кејн.

Околу 80.000 Холанѓани се очекува денес да бидат во Дортмунд по повод полуфиналето на Еуро2024 со Англија вечерва од 21:00. Холандија ги имаше најсимпатичните навивачи на Европското кои се журкаа и не мислеа на инциденти и испади. Вечерва против себе ќе имаат англиска армија која исто врши опсада на Дортмунд со илјадници тони пива.

Во вимблдонското студио на БиБиСи, домаќинката Клер Балдинг разговарала со стручниот коментатор и тениска легенда Џон Мекинро. Меѓудругото дискутирале и зошто дел од публиката е во конфликт со Новак Ѓоковиќ а и тој со нив.

Светскиот шампион Аргентина ни дава уште луксуз да поуживаме уште во мајсториите на Лионел Меси. Гаучосите стигнаа до ново финале на Копа Америка каде ќе се обидат да го одбранат пехарот освоен во 2021-ва во Бразил. На тој пат ќе го имаат подобриот од второто полуфинале меѓу Колумбија и Уругвај.

Ако верувате во ваква традиција или што да е, трк до кладилница да ја уплатите сингл Холандија.

16 годишната сензација на Барселона и селекцијата на Шпанија им се најде на Србите за да го реметат Пикси, што не го повикал младиот Александар Павловиќ кој дебитираше за Баерн Минхен на 18 години.

Од 70 и нешто илјади гледачи синоќа на полуфиналето Шпанија - Франција на „Алијанц Арена“ во Минхен, голем дел го исвиркуваа шпанскиот лев бек Кукуреља буквално при секој допир со топката.

Најголемата сензација на Европското првенство, малиот Ламин Јамал кој има 16 години и за некој ден ќе наполни 17, против Франција во полуфинале постигна луд гол од далечина за израмнување и помогна Шпанија да влезе во финале.