По невообичаено 15 минутно доцнење беа извлечени двојките за полуфиналето во Лигата на шампионите. Јувентус имаше среќа, Атлетико Мадрид ич.

Иако според звучноста на клубот, играчите и тренерот веројатно повеќето Македонци го посакуваат Манчестер Јунајтед на 8 август во Скопје, сепак и да ја освојат Лигата на Европа, нивната ѕвезда број 1 тешко дека ќе биде во комбинација за настап. Првичните информации се дека Златан Ибрахимовиќ синоќа против Андерлехт скинал лигаменти, а тоа значи пауза до есен. Тоа е огромен проблем за Мурињо до крајот на сезоната со оглед на тоа што е прв стрелец со 28 гола на сите натпреварувања.

Ѓорѓи Иванов од екипата на Систина со 7 гола е најдобар стрелец на колото во Бизнис лигата на Македонија, а за екипа на колото е прогласена Раде Кончар.

Милан го имаше Малдини, Интер го имаше Занети, Челси го има Џон Тери, еден и единствен со вкупен 22 годишен стаж на Стемфорд Бриџ или што би се рекло цел живот. Си заминува како лидер, легенда и икона на клубот во кој ако имаше место сигурно ќе играше до крај. Емотивен збогум со капитенот.

Тим кој не и даде да писне на Барселона во 180 минути и ја елиминираше без примен гол веројатно е кошмар за секого во полуфиналето од ЛШ. Според квалитетот на екипите Реал – Јуве би било финале пред финалето.

Германската полиција синоќа уапсила Русин со германски пасош поради основано сомневање дека на 13. април го организирал бомбашкиот напад. Причина? Сакал да профитира на берзата од падот на акциите во Дортмунд а го осуетила банка.

Ако после дебаклот од 3:0 во Торино следниот ден Меси од револт тренирал настрана од екипата, тогаш по испаѓањето веројатно и едвај чека да заврши сезонава.

Најмладиот тим во завршницата на Лига Европа направи неверојатен подвиг откако со играч помалку во продолженијата му даде два гола на Шалке на гости и се пласираше во првото полуфинале после 97-ма година. Момците дојдени од Амстердам прикладно го прославија пласманот со хит на Боб Марли.

Откако лани беше јунак на титулата на Лестер, Французинот со африкански корени сезонава има најсериозни шанси да ја добие наградата „Играч на сезоната“ во Премиер лига.

Првпат во историјата на европските натпреварувања во четвртфинале на три од четири меча се играа продолженија. На крајот среќата на страна на: Aјакс, Јунајтед и Лион кои ѝ се придружија на Селта Виго. Златан тешко се повреди на крајот од мечот.

Дуелот меѓу Реал и Баерн е само уште еден нов повод за лавина на реакции во јавноста која се прашува зошто волку се греши и зошто во целост не се користат сите можни технологии кои би го спречиле хаос како оној во ЛШ. Проблемот е што самата УЕФА тера инат на новата технологија.

По ручекот, фудбалерите на белгискиот шампион во пресрет на реваншот со Јунајтед на „Олд Трафорд“ решиле да се загреваат во локалниот парк.

Шпанската Гранада во Примера е како неодговорен студент кој сака да ги реши испитите. Во последните пет години „Насриди“ редовно се спасуваа од испаѓање во понизок ранг а тенденцијата продолжи и сезонава.

Последното издание на видео играта ФИФА 2017 има неколку промашувања кои ги правдаат со големиот број новитети, опции, елементи.

Селекцијата на Бразил е синоним за Пеле, Роналдо, Ривалдо, Ромарио, Роналдињо, Нејмар, Кака и останатите фудбалери специјалисти за дриблинг. Арно ама оваа земја вади и врвни дефанзивни фудбалери кои секоја година се со пехар од Лига на шампиони во раце.

Манчестер Јунајтед е главен фаворит, но Лион се поставува како најреална закана, додека Селта Виго сака да ја продолжи неверојатната шпанска доминација во ова натпреварување.

Носталгичари за оној Милан од кој до пред неколку години не можеше секој да го облече дресот, ќе ве потсетиме на еден од најубавите или можеби најубав гол на Пирло кој шутираше од соблекувална. Од тука обично дава топки со очи, ама овој пат направи исклучок и ги остави без зборови Ибрахимовиќ и Роналдињо.

Кога во 180 минути фудбал Барселона нема да успее да постигне ниту еден гол, тогаш навистина треба да не штимаат многу работи во тимот, а ова е еден од тие воопшто несвојствен за играчи кои ја кријат топката.

Меѓу скаутите и ловците на млади таленти важи едно непишано правило: Ако не знаеш каде, упати се во земјата на лалињата. Кои се најталентирани играчи во тамошната лига во моментов?

Екипите на Рамстор и ЈСП славеа победи во третиот ден од 19. коло во Бизнис лигата на Македонија.

До вчера изгледаа дека не сакаат очи да си видат, ама ги закопаа секирите и сега се најдобри другари. Убава беше сцената која ја приредија Кјелини и Суарез по завршувањето на синоќешниот натпревар од ЛШ. Напаѓачот на Уругвај доби прекар канибал и беше суспендиран 4 месеци откако го гризна на СП Бразил. Но Кјелини му прости за потегот и се смирија со размена на дресовите.

Камерите на Камп Ноу синоќа фатија една интересна сцена во која двајцата столбови во одбраната на Јувентус се лактаат кој да го добие дресот од освојувачот на 5 златни топки.

Дани Алвеш ги фати најубавите години во Барселона со која освои три титули во Лигата на шампионите, но во овој двомеч е кај подобриот тим кој во 180 минути не прими ниту еден гол од Каталонците. Мечот почна, а тој се мајтапеше на клупата каде седеше осум години. Луис Енрике дури и го покани да седне.