Откако заради притисоци Вест ја тргна својата - троа глупа - анкета на тема "Која македонска водителка би го интервјуирала премиерот без гаќички?," во име на суштинската граѓанска потреба да се поставуваат прашања, ја преземаме палката и воведуваме наша анкета. Тема е: "Кој македонски новинар сакате да излезе со муда пред премиерот?".

Компаниите имаaт слогани. Слоганите имаат конкретно значење кога се поврзани со одреден бренд. Значењето комплетно се менува кога слоганот ќе го ставиш на друг производ. Исто, ама не е исто, ви текнува?

Не сме сигурни колку се ефикасни нашите "богати и славни" пакетчиња бидејќи функционираат на база на претпоставен срам, а срамот е дефицитарна роба наоколу. Можеби казната за идиотите кои ни ги прават градовите грди треба да се испорача подиректно.

И не е толку проблем што се лоши копии, туку што во основа ова нема од каде да биде ископирано. Секако тука се и некои феноменални преводи.

На 8-ми јануари на инаугурацијата на Обама, Бијонсе ја има честа да ја испее химната на САД. Следниот ден се дознава дека таа всушност пеела на плејбејк. Цела Америка почнува да ја хејта и се качува на глава дека не ја бива за пеење и дека е превара. Бијонсе не одговара ништо сè до вчера, кога на прес-конференцијата пред Супер Боул, го зема микрофонот и ги замолува новинарите да станат.

Некогаш сите журналистички знаења не можат да помогнат колку еден нормален, уличен шлиф. Пазете како новинарката ја реши пијаната напаст: Ја праша кога последен пат имала сексуално пренослива болест, бидејќи тоа е темата.

Кој рече дека не е можно да се патува назад во времето? Стави му џоистик во рака на 84 годишен дедо и да видиш како за пар секунди пред себе го имаш истиот човек, кога бил дете. Со цивкање, со радости, со све!

После 7 феноменали сезони на 31-ви јануари се емитува последната епизода од 30 Rock. Ова се најдобрите 50 моменти од шоуто што беше микс на феминистички коментар, гиковски реплики, критика на капитализмот и воопшто на денешните телевизии и нивните корпоративни сопственици.

Кога си дете, не можеш да знаеш дека татко ти е малку кретен. Ама затоа може да се надеваш дека ќе се зачуваат доволно видео аргументи кои ќе му ги фукнеш под нос, кога ќе му бираш старечки дом.

На што троши Старбакс, за сеирот дека не е наша ексклузива, за тоа зошто во Танзанија не се прашува за вероисповед и уште дузина непотребни факти кои лесно се читаат и уште полесно се забораваат.

По некое време зјапање во сајтот на Tweetping добиваш чувство како да го гледаш светот како се буди и како си легнува. Сервисот ги следи сите твитови објавени низ цел свет и ги означува со по една точка. Утрово, по 15 минути гледање на сајтот Европа и Азија блештеа, потоа почна полека да се буди и западниот брег на САД.

Нашиов алфа мажјак држи под себе глутница од 29 сибирски волци. Веќе долго време успева да ја оддржи својата доминација која најчесто ја демонстрира така што ритуално прв јаде од пленот додека другите мирно чекаат на својот ред. Некогаш им дава да му јадат од уста со што само ја манифестира својата супериорност над останатите. И само уште нешто, алфа волков има 79 години. И се вика Вернер Фројнд.

Ленс Армстронг испадна голем цреп. Црееп. На латиница: Creep. Така е, тоа е најавата (без допинг, толку).

За оние што разбираат хемија, ова е обична реакција на NH4Cr2O7 со HgSCN. За сите нас останати, хорор од некоја ужасна вонземна технологија.

Некогаш е доволно во ракав да имаш само еден адут за да се чувствуваш како шеф, бог и батина. Дали вреди да го вежбаш, не сме сигурни, ама да го имаш е добро.

HUMO е белгиски сатиричен магазин. Често дава кондоми со списанието и прави некоректни и одлични реклами.

Краток хорор филм од овогодинешниот Санденс. Како ли им текнало да направат филм во кој светов завршува затоа што идејата станала смртоносна? - Хеј, ми тек...

Никој никогаш не бил повозбуден околу Лиам Нисон отколку овие двајца, плус па кога ќе го стават во комбинација со Брус Вили(с), незамисливо. Дел од "Key & Peele" шоуто на Комеди Централ.

Имате приказна и знаете да цртате. Правите од тоа стрип и, сепак, не сте задоволни од форматот. Одите чекор понатаму и еве го резултатот.

Кога Везув наеднаш ги поклопува градовите Помпеја и Херкуланеум во 79-тата година од нашата ера, некои објекти остануваат така конзервирани што денешните археолози можат да ги прочитаат дури и графитите по ѕидовите. Најинтересно е што добар дел од нив се исти ко оние од денешен кафиќ.

Додека да ѝ текне на наша Емили да напише по една репортажа од секое од овие места (и да донесе храна и вино за тестирање), барем да им е изнагледаме.

Бидејќи и наши медиуми почнаа да донесуваат демек сериозни заклучоци врз основа на читање од уста (следно, гледање на грав?), да ѕирнете колку лесно се манипулира со "кажаното". Овојпат, во забавни цели.

За да слушнеме како бучи Скопје, доволно е да се качиме на оној паркинг пред средно Водно. За да го слушнеме Сонцето, ни треба Роберт Александар.