Го памтите перкусионистов кој мава по четири газиња а го објавивме пред некое време? Ако тогаш се напаливте, ова што сега ќе го видите најверојатно нема да ви се бендиса. Нормално, секогаш можете да кажете: ма, знаев јас!

Леле, леле, кога ова ќе стане стандардна опрема на хипстерите на дојранското крајбрежје. А ние лузерите олабавено седнати во Нота или Фук-Так. Тоа се вика Вин - Вин иднина.

Во избор на сајтот CollegeHumor, потсетување на некои вредни интернет моменти од минатата година кои заслужуваат Оскар. Ние најмногу би се радувале на победничкиот говор на девојката со циметот, само да не седиме во првите редови.

Во Америка треба да ги ангажираш магионичарите од Пиксар за да добиеш ваков лик. Во Русија ти треба само доброволец што ќе скока со банџи. Супер лик, за малку очи ќе му излезеа од страв.

Показна вежба на јужнокoрејските специјални сили за справување со насилни демонстранти. Кореографија каква што немате видено. Изгледа увежбани се уште кога му правеа слетови на Тито. 

Со посебно задоволство ви го прикажуваме првиот трејлер од третата сезона на Игра на троновите. Би требало да ве држи до премиерата на 31. март.

Пробуваме ние тоа уште од Дедал и од Икар ама еве ги вистинските мајстори кои се родени за работата. Нам секогаш најдобро ќе ни оди да си летаме со паметот.

И тоа како е љубов! Лјубов Понкина и бендот. Русинка, од оние најнежните, мислиш само гласот ја држи цела. Си седат тие во таа ладна Русија и се греат со убави и стари македонски песни.

Она што сакаме да нагласиме во оваа прилика е дека ова не е предлог, туку само една разгледница од Кина.

Не целата приказна, туку делот кога е жив клошар, спие на автобуска и сосема случајно му текнува едно легендарно сценарио. Натаму сè знаеме.

Многу мажи кои дури и на филмови ги мотаат напред сцените со породување, сега ќе видат зошто се среќни: двајца дечки првпат во живот гледаат вистинска снимка од дејствието. Елиен!

Шокот, изнанедувањето и реакциите на еден просечен Русин кој е сведок на несекојдневно паѓање на застрашувачки метеорит додека вози автомобил. Сумирано во девет секунди.

Некои луѓе бегаат од бикови, некои бркаат пита кашкавал. Ова второво воопшто не е наивно како што звучи.

Насловот е прилично јасен.

На тема, човекот е најдобар пријател на кучето, руска видео приказна со хепиенд.

Сè што ќе видите во 24-те минути на овој документарец е попогрешно и поужасно од невкусниот наслов на овој вовед.

Прво не треба да си женско. Второ, не треба да се крстиш со три прсти. Трето, треба да го имаш веројатно најкомплицираниот прогрес во кариера. Четврто, и сето ова да ти се погоди никој ништо не ти гарантира.

Знаеме како заврши Авенџерс и знаeме колку пари направи. Знаеме и дека имаат користено блесаво многу компјутерски ефекти, само не можевме ниту да претпоставиме колку многу е тоа.

Миша е оној кој ќе ве спаси од лошата тетоважа за која се каете дека ја имате. Како ќе го направи тоа Миша? Така што актуелната тетоважа ќе ја направи уште полоша. На пример, имате тетовирано орел, Миша ви го редизајнира во - орел кој повраќа! Толку е добар што ни доаѓа него да си го тетовираме.

Атертон се наоѓа во Калифорнија и важи за најбогатото место во САД. Има приближно 7 илјади жители а просечна цена на една куќа во местото е 4 милиони долари. Џабе да ви ја дадат, верувајте, нејќете да живеете таму. Да видите какви сè проблеми имаат кутрите атертонци и за што сè викаат полиција.

Бек импресивно ја најави својата намера да прави преработки на песни со фантастичен, 360 степени интерактивен поглед на неговата верзија на Дејвид Боуви. Вреди да видите и слушнете до кај е отидена работата.

Пред Денот на заљубените тој објави "апел" во кој побара од мажите за 14 февруари наместо цвеќе, накит, чоколадни бомбони, на своите партнерки да им го подарат најлошиот можен подарок.

До сите смислувачи на скриени камери или рекламни кампањи, како што е овде случајот: тоа што на жртвите на крај ќе им кажете дека сте се шалеле, не значи дека не сте им го скратиле животот.