Ако се каже дека поставата која учествува во оваа песна е легендарна, ќе биде малку. Специјална снимка на ‘Going Home (Theme From Local Hero)’ од Марк Нофлер претворена во 9 минута музичка епопеја. Од Дејвид Гилмор до Рони Вуд, од Слеш до Ерик Клептон, Стинг, Спрингстин, Пит Таузенд... Како посебна чест, песната се отвора со последната снимка од покоен Џеф Бек.

Одличен наслов за панел дискусија кај Пирс Морган, наслов кој добива супер ироничен призвук ако тема на дискусијата е Дилан Малвени, оној хибрид кој јако го наплати своето транзитирање од маж во жена за на крајот на процесот да ни открие дека го привлекуваат жени. Со други зборови „Дилан испадна дека е лезбејка“. Морган му влезе со клизачи кога Дилан го опиша како „верзија на Гугл Џеминај за силна и независна жена.“ Баш.

Со голема резерва и неубаво во душата, решаваме сепак да ви го проследиме видеото од Газа кое го препорача Едвар Сноуден за отворање очи што се случува таму. Се работи снимка од ладнокрвно убиство на четворица млади невооружени луѓе кои пробувале да стигнат до своите разрушени домови. Еден од нив испадна само ранет, но и него го дотепаа.

Иако на многу начини прекрасна земја, секој кој бил во Португалија можел да го осети нејзиното не толку дамнешно „сиромашко“ минато (уште имаат дуќани ко кај нас „Ванила“ што беше). Иако нејзината неутралност во Втората светска војна ја поштеди од жртви и рушења, во Португалија првите демократски избори се одржани дури во 1974 година. Асоцијациите не престануваат тука.  

Алекс О' Конор е паметен дечко со жилет мисла. Потребно е многу знаење од филозофија и логика, систематичност и полемичка луцидност да се изведе мисијата која си ја задал. Дијалогот меѓу него и ЧетГПТ на тема дали постои Господ не е лесен за следење, но ако сте по„филозофирање“ (вештина која за народот кој дреме по кладилници е чисто губење време), уживајте. 

Ако ова не ве уплаши, тогаш ни од мечка не треба да се плашите. Видео спакувано од оние генератори на видео содржини управувани од вештачка интелигенција. Во случајов кратко интервју со Џозеф Бајден и Барак Обама. На Обама можеби може уште малку да се поработи, ама Бајден е пасент. Е, сега замислете што ќе има за едно пет години и како сите ќе збудалиме.

Кај Пирс Морган беше Џефри Сакс, американски економист, политички аналитичар и професор на Колумбија, еден од сè поретките морални вертикали на глобалното јавно мислење. Важи за еден од најбараните говорници на светот а има најави дека можеби наскоро ќе го видиме и во Македонија. Нема проблем да каже што мисли за Путин и Украина, за забраната на ТикТок, за изрелската влада.

Во 1973 година, Универзитетот на Калифорнија Беркли бил на раб да биде тужен за родова пристрасност. Примиле 44% од машките кандидати, но само 35% од жените. Универзитетот најмил статистичар да ги прегледа податоците за прием и овој навистина утврдил пристрасност. Ама, обратно.

Како што пиша Крис Хеџис (овде), на Бајден и Демократите за изборите им останува само да играат на картата на картата страв од враќање на Трамп. Медиумската машинерија е покрената во тој правец и еве една мала збирка со што сè се плашат гласачите ако во Белата куќа повторно дојде претходниот станар. Не можете да замислите какви сè хорор приказни се тоа.

Советот од полицијата на најголемиот канадски град за народот што треба да го брани и да му служи, е дека најбезбеден начин за граѓаните да се справат со крадци на коли е да им го остават клучот од кола пред врата, па овие што сакаат нека прават. Бидејќи тоа се луѓе што се дојдени да украдат, а не да повредат некого, ама сешто може да се случи, ако не им успее тоа првото.

Не им пречи што Кинезите им ги прават витамините и антибиотиците, им пречи апликација. Сè може да пројде покриено со фамозното „заштита на националните интереси“, иако ништо не е докажано на суд или поинаку. На компанијата Бајтденс ѝ даваат 6 месеци да го продаде ТикТок иако, за да не ги сомничат, овие податоците ги чуваат на Оракл сервери во Тексас. Сенаторот Ренд Пол и Такер ја раскринкуваат оваа глупа и опасна хистерија.

Судијата Ендрју Наполетано го потсетил Трамп на ветувањето дека ќе ги објави материјалите за атентатот на Џон Ф. Кенеди. Овој му рекол: „Тебе да ти го покажат она што мене ми го покажаа, и ти немаше да ги објавиш“. Кои се тие, што ти покажаа? „Некој ден кога нема да бидеме на телефон и нема да нè прислушуваат 15 луѓе, ќе ти кажам.“ Џефри Сакс: „Се вели дека после Кенеди, Америка нема претседател туку изведувачи на работи за системот.“

Во Велика Британија веќе нема им се препишуваат на деца блокатори на пубертет (читај: стерилизација) заради ужасните ефекти кои можат да ги предизвикаат. Тоа беше повод Џордан Питерсон да го потсети Џастин Трудо дека Британците се освестиле ама касапите во Канада и натаму работат. „Јас да се прашувам ти кривично би одговарал за ова,“ му пишува клиничкиот психолог на канадскиот премиер. 

Можеби немате забележано па ова компаративно видео ќе ви покаже колку се имаат сменето гестикулациите на две различни генерации, оваа денес и онаа што е растена со фиксни телефони, рачки за пенџериња во кола, миење садови... Миење садови? Да.

Познатиот футуролог Реј Курцвеил, во разговор со Џо Роган, предвиде дека до 2029 година, вештачката интелигенција ќе стане попаметна од човекот. Илион Маск оди уште подраматично. Според него, веќе догодина вештачката интелигенција ќе се израмни со онаа на човекот а во 2029 ќе биде попаметна сите луѓе заедно. 

Во духот на старите српски раскажувачки махери како Душан Ковачевиќ, Перо Луковиќ, Драган Тодоровиќ и Љубомир Живков од белградско Време... некој твитерџија има раскажано урнебесна приказна за тоа како постара тетка во болница требало да му ги бричи јајцата за да му се прави катетеризација. додека овој молел Бога да не се вратат студентките кои биле таму на пракса. Пи-шу-ри-ја.

Работите што Челенџер ги прави добро, ги прави навистина добро, и ова посебно важи за прецизноста и дометот што го има. Ама затоа слабите страни посебно му се истакнуваат на фронтот во Украина, односно преголемата тежина на тенкот во однос недоволната сила на моторот за да го извади од украинската кал.

Овие што пред години ја имаат преминато американската граница не можат да ги смислат сите овие што последниов период се натопорија во САД, како што никој што работел за пари не може да смисли готовани.

На романско-украинската граница запрено е комбе Мерцедес со украински таблици „до врв“ товарено со вкупно 34 Украинци на возраст за регрутација кои пробале да избегнат завршат во униформа и на фронт. Секој од нив платил по 10.000 долари, во надеж дека ќе стигне подалеку од граничниот премин.

И до сега не беше паметно да се објавуваат слики од сопствените деца по социјални мрежи, без разлика колку тоа е добронамерно. Сега, кажете фала на ВИ, објавувањето станува опасно, а Дојче телеком тоа многу упадливо го демонстрира.

Во февруари, гостин во најгледаниот подкаст на светот, беше интересен тип. Џо Роган го претстави како активист за реформи на казнениот систем и пеналната политика, со многу личен мотив за својот активизам. Дечкото има одлежано 25 години во затвор за доста банално дело. Ни мртви ни нешто слично. Го слушаш и му ја сфаќаш приказната, за недолго после интервјуто, да стигнат вести кои ја менуваат сликата.

Кратка ама мрсна лекција за сите оние кои се убедени дека се хранат здраво ама тоа некако не им е доволно да бидат среќни па ги дрват оние другите трошејќи им го времето во убедувања дека грешат. Добро, со оглед на тоа дека се хранат како гулаби, јасна е таа нивна постојана нервоза и напнатост. А за другиве, да, свињи се. А со кој организам е посличен нашиот, со оној на свињата или со сончогледот?   

Пред интернет ерата, дури 82% од Американците признавале дека во случај на пожар, прво нешто што би спасувале од дома би бил телевизорот. Во Советскиот сојуз (и во целиот источен блок) тој процент сигурно бил и повисок бидејќи дури таму била шема да се има телевизор. Серија фотки од тоа време на горди лица покрај статусниот симбол на нивната ера.  

Еве едно корисно видео за сите оние наставнички и останати девојки и жени кои ќе се наполнат дома со цвеќиња за Осми март. Човеков ги пробува сите веријанти за кои слушнал или прочитал, на тема што треба да се стави во водата од вазната, за цвеќето да издржи најдолго. Нема да ви кажуваме спојлер ама Редбул не е. Редбул? Да, и таков муабет имало.