Човекот е креативен директор во маркетинг агенција, па целиот проект го има крстено доволно самообјаснувачки да не мора ние ништо да дополнуваме - Combophotos.

Ти, мечка и кутија од издржлив плексиглас. Забавата е што не знаеш колку е издржлив плексигласот.

Без разлика по која основа е врската, работа, љубов, другарство...

Пред полнолетство (а и малку потоа) стравот да те фати полиција дека возиш пијан и без дозвола, е далеку подобрата варијанта во споредба со стравот да те фати татко ти во исти околности. А ќе те фати.

Иако последната епизода се емитуваше пред речиси 2 години, Двајт од Офис останува еден од најтоплите и најмилите ликови што се појавиле на телевизија... под услов конкуренција да му е гипс картон.

Постара госпоѓа на зафрканција и кажува на својата внука дека по завршувањето на последната хемотерапија, би сакала пред болница да ја дочека оркестар. Внуката ова не го сфаќа на шала.

Школо ко школо, двајца морони што седат позади тебе ти маваат дебели заушки колку да им пројде време на час. По ова следува пресвртот од секој акционен филм од 80-те.

Две мечки од кучиња, коњи, едно дете и мајка со фотоапарат.

Девојче од Ерменија на локален Идол / Фактор натпревар, во живо ја пее Плава Лагуна од 5-от Елемент. Од извори што знаат што зборуваат на темава, запрепастено ни го доловија подвигот со следното објаснување: " - паааа... знаеш ова колку е тешко?"

Последно што пишувавме за темава беше пред неколку недели, кога го објавивме видеото и репортажата на американскиот ПБС. Истото ова видео е дел од воведот на Џон Оливер, па потоа надоградува на темата. На пример, праска од класа 2 (пониска класа која се стекнува чисто заради визуелни причини, а не хранливи) вреди само една третина од цената на праска од класа 1. Само по себе ова е доволно да не се исплати да ја собираш и да ја оставиш да скапе. Па има за супермаркетите, за датумот на траење...

Едно крајно мотивирачко видео посветено на сите ситуации во животот кога си паднал и кога требало да се вратиш. Ние имаме далеку пократкорочни цели и амбиции, па видеово го посветуваме на сите што се заглавени во летнава горештина - ќе има пиво, ќе има таратор, ќе има лубеница... бирај што ќе те води. Само замени "живот" со "лето" и издржувај.

Одговараат 100 сосема различни луѓе, на возраст од 0 до 100 години, со тоа што немаат никој на 100 години, туку имаат еден дедо на 105 години. Заклучокот од 100-те одговори? Секој со својата љубов.

Алан Бентон од 1973-та е сопственик на Benton's Smoky Mountain Country Hams, компанијата која од 1947-ма ја прави најдобрата сланина во САД. Ако ви требаат уште референции за да го изгледате видеово, воопшто немој ни да се мачите да го гледате.

Искуството е од татко на 3 деца кои никогаш ништо не слушаат, ама се колне дека еден ден ќе почнат да слушаат. До тогаш работите стојат вака: 

Дамир Никшиќ за тоа што се случи на годишницата во Сребреница:
- затуцана земја
- планета мајмуна
- корида направија од Поточари
- мајмуне!
- кардашиш, кардашиш, кардашиш... прекардашиш

Во една од највпечатливите презентации на моќ во последно време, мега-корпорациите го тргаат своето име од пакувањата на производите, и оставаат некоја минимална контура или боја од логото и пакувањето, која пак успева кај вас да ги активира потребните букмаркси. За да не биде само чаталење, Кока-кола додава и малку човечност во пораката - да ги тргнеме етикетите.

Директно од Пирава, валандовско, стигнува идеја која треба да го продолжи сонот на Александар Македонски, да го обедини светот (јер ние Македонците одамна сме обединети уздуж и попреко па ќе го учиме светот на таа вредност). Енивеј, фина, приватна идеја на луѓе кои уште мозгаат и се надеваат.

Сцената е и онака вознемирувачка заради насилната пресметка меѓу двајцата возачи, меѓутоа достигнува нови нивоа на бруталност во моментот кога полицијата се вмешува за да го реши конфликтот.

Во најтешките моменти од поновата финансиска историја на Фифти сентс, малку да го развеселиме со потсетување на едно видео во кое тој детално објаснува и покажува како се пакуваат 2 милиона долари во багажникот од неговото Ламборџини Мурселаго.

Затоа што веќе никој не сурфа на интернет, туку само отвора Фејсбук / апликации, фино е од време на време да се освежиме со вакви листи што ќе потсетат на меракот на наоѓање на нова веб-страна.

Новозеланѓанец што изгледа како да влегол на саем за стероиди и го затворил, после плодна кариера како сопственик на барови и дискотеки во Австралија, се сели во Тајланд. Таму се зафаќа со поперсонализиран бизнис, базиран на претплата (15 долари неделно).

Во чест на 25 години од Фотошоп, еве како се работела графика пред да постои Фотошоп. Ако заради некаков невиден космички внатрешен мир до сега не ти дошло да им удриш глава на денешниве мрзи од дизајнери што под око те гледаат што си им рекол да пробаат нов фонт, после видеово на памет ќе ти дојдат збирка дела од Црвени Кмери, мексикански нарко босови и африкански диктатори.

The Concept Kitchen 2025 е проект со кој Икеа настапува на саемот ЕКСПО во Милано, којшто се одржува од 1 мај до 31 октомври 2015. Тој тематски е посветен на храната, стимулирајќи креативност и иновации за одржлива иднина, што е поентата и на оваа кујна.