Тоа е едно од оние мали културни шокчиња кога наш човек ќе отиде во пристојна земја, па му застанува кола на пешачки а тој има чувство дека треба да го поздрави возачот, да го награди, да го благослови.... А возачов дури тогаш почнува да го гледа чудно што му станало на овој. Не знае дека тоа ние од дома си го носиме. Руско пакетче.

„Човекот кој не може да умре“ е насловот на ова визуелно импресивно видео во кое Здравко Багаш го сумира своето сјебано детство и сјебан живот. Црногорецот умирал повеќе пати и никогаш тоа не го болело. Болело кога се враќал.

Имаме малку поделени чувства околу проектов бидејќи ги има сите предзнаци на хипстерај, ама воодушевува колку добро е направен. ВХС пакувања на нови филмови, истрошени ВХС пакувања, како најновиот Лудиот Макс да поминал низ рацете на секој можен член на Милтон, или Her со месеци да бледее на излогот на 4-ка. И тоа е првиот дел од проектот, вториот е и самиот филм да го врати од која и да е дигитална технологија во ВХС квалитет.

Фејсбук те почитува како човек, а му се допаѓаш и како карактер, ама многу повеќе те сака како некој на кој ќе му покаже бескрајна парада од реклами проткаена со по некој статус од пријателите. Ова со рекламите му е главен бизнис на Фејсбук и тоа го прави многу профи и педантно. За да не испадне дека ти вади муабети со рекламата за Цијалис, Фејсбук има цела листа на твои избори по кои одлучува што ќе ти пушти на ѕид. Листата ја има и кај тебе во профил.

Детска радост е кога од цела патека за возење ќе го слупаш камионот низ куќа, а кога ќе се свртиш никој од големите не ти вика ни збор. Да, девојчето го вози камионот преку далечинско. И овој пат како и со сите вакви успешни правења на мега мераци на деца, останува несоборливата дилема - оди после дома кажи и дека мора да го изеде целиот грашок или дека треба да си легне.

Сакаш праќање пораки преку џебен компјутер? Сакаш гео-лоцирање во живо? Сакаш Нест термостатот? Сакаш синхронизирање списоци, интернет телевизија (во смисла Нетфликс, Амазон прајм видео, Хулу, Року...), гласовни команди. Што сакаш, тоа. Имај предвид дека 1999-та е годината кога излегуваат Ериксон Т-28 и Нокиа 7110 и 8210.

Како да направиш жица / јаже / гајтан од пластично шише? Земаш пластично шише, фрлаш се што не е жица и ти останува жица! Лесно е, ама не толку. Еве ја целата постапка во едно видео, со демонстрација на крајниот производ.

Не треба да сте фан, не треба ни да сте ги гледале филмовите, треба само да го изгледате клипов. На сите милиони дадени за снимање на филмовите, ова веројатно се најдобрите 8 секунди од целата франшиза, а не се ни дел од филмот.

Протести на Универзитетот Мисури на тема која ни протоколарно не ја проследивме, ниту пак не интересира да ја збориме. Она што е интересното е опсервацијата околу еден инцидент кој се случи за време на протестите, кога на еден студент фото-репортер не му беше дозволен пристап кога сакаше да ги фотографира протестите. По ова следува главниот судар мои права вс. твои права, или како сакам да биде правилно вс. како е правилно.

Едното е точно. И другото е точно. А вистината е сосема трета. Предлог за размислување пред да кажете или напишете нешто.

Ај ќе си играме една игра - јас ќе бидам набилдан, висок, фит и спастрен Германец и ќе ве учам вас како да не се срамите и дека девојките всушност едвај чекаат да им пријдете и сред бел ден да ги поканите на пијачка. Подеднакво употребливо како и сите други совети базирани на "што кај нас успеа, ќе успее и кај вас".

Ај вака почнете го пристапот кон видеово: колку пати во живот сте виделе ракетен научник што се радува? Ај сега тоа помножете го со 400. Причина што се радуваат ко тинејџерки што го виделе Џастин Бибер (или кого и да гледаат сега)? Успеаа да приземјат ракета.

Кои се бе тие предрасуди дека Порнхаб не може да сними поштена реклама за божиќните празници?

Ако не ви оди природно и од око, потребни ви се некои технички засилувања: набавете Ајфон 6 плус и снимајте со 240 фрема во секунда.  Е да, тоа е полесниот дел од набавката.

Дечкото е на ивица комплетно емотивно да се искрши додека раскажува што му се случило. Тој разнесува пици, по работа отишол до црква и таму наишол на - луѓе. 

За тие што немаат доживеано, ова е веројатно најдобриот приказ за тоа како изгледа разговор меѓу двајца другари (да, клучно е да бидат машки) што цел живот се знаат. Колку се поблиски толку е ова поавтентично. Сè што треба за комплетирање на впечатокот е да замислите дека карши Оферман, има уште еден човек кој седи и го прави истото што и Оферман. Разговорот, текстот и приказната што би ги чуле остануваат потполно исти како и во клипов.

Не, нема да ве образуваме на тема музика, компилацијата е од вицови на Аца Лукас. Да, клучни тагови на статијава се: Аца Лукас и вицови. На крај, пак подобар "ситком" од Цимери.

Фантастичен (мада неповрзан) филмски универзум составен од трејлерите што ги гледавме низ годинава... Нешто како трејлер одјава на 2015-та. И како и секоја добра журка и оваа завршува со сентиш.

Поуката е кога во живот ќе видиш прекинувач вклучи го, или, во Њујорк сè е поубаво. Избери која сакаш.

Што сè луѓе прават за малку од малку да ја заинтересираат публиката за класична музика. А на оној Гангнам стајл му е доволно да преклопи раце и да биде глуп.