Ако на улица видите некој како се клати и со главата прави осмици, не го прогласувајте одма за луд или за жртва на лоши дроги. Можеби само не сте го виделе трикот од почеток.

Токио ко Токио, нормално дека ќе има роботи на Олимпијадата и тоа некако природно ти доаѓа, делот со пцуењето доаѓа кога ќе дознаеш дека Олимпијадата ќе се пренесува во 8К квалитет (како ХД-то докторе?), а до тогаш низ Токио треба да биде поставена 5Г мрежа за мобилен интернет.

Секој занает е златен, ама овој особено. 14 минутно видео за тоа како во Јапонија се изработуваат тенките (до проѕирност!) златни ливчиња кои се користат во архитектурата, уметноста па и во гастрономијата. Најрачно, најаналогно. 

Германски програмери развиваат софтвер на кој му треба веб-камера и 15-секунди од Јутјуб клип со тебе за да направат реалистична видео копија од тебе, која ќе каже и ќе прави се што тие ќе и наредат. До сега успеале да направат копија од сите, освен од Путин.

Кога дете ќе си ја заглави главата меѓу решетки а татко му не може да му помогне. Па ќе мора да си помогне сам. 

Ова би било крајно смешно видео околу тоа како можеш да прелажеш пациенти со вода и шеќер, кога не би ти текнало дека има цела гранка на алтернативна медицина која е мега-успешна во својата убедливост и која се базира на вода и болест.

Ти решен за селење, они решени да те преселат некаде. Нема да ти креваат каучи туку ќе ти најдат кој град најмногу ти одговара. Има основни податоци за секој град, за квалитет и цена на живеење, како да стигнеш до таму и причини зошто да одиш таму. Некој странец ќе го најде и Скопје.

Парче улица кое треба да биде закрпено. 2 метра на 4 метра, отприлика. Во други земји би домкнале тешка механизација, ваљаци, маљаци. Но почему, кога може тоа и поинаку, некако почовечно.

Освен сериозните филозофски резерви кои ги предизвикува (од типот: чему тоа?), трчањето во себе има една вградена фабричка мана - што е досадно. Освен ако не трчате по топка или не бегате од лав. Викаат, музиката помагала и околу досадата и околу постигнувањето подобри резултати. И ете сега постои сервис кој ќе ви помогне да ја одберете вистинската песна додека трчате.

Таа крилатица дека сите луѓе се исти паѓа во вода кога во равенката ќе ставите Јапонци. Овојпат, претставник на останатото човештво се Мексиканците. Како се фаќа метро во Јапонија а како во Мексико?

Најамериканската ситуација е: кутро маче се качило високо на дрво па му е страв да се симне. Најруското решение ќе го видите сами.

Видеото кое сериозно ќе ги промени работите во американската политика, и кое не е, не е, не е, бескрајно не е прво-априлска шега. Освен кога е.

Ако денов ви е тргнат на лошо, пуштете си го видеото, тек да видите дека секогаш може полошо.

Најголемата фуфка и за човештвото во Вестерос и за гледачите на Игра на тронови. Тимска работа од 4 недели за да се направи шасијата, па 6 часа да се монтира на човек па 10 часа снимање со Белиот јавач за поправки и одржување на маската. А какви грдотии од луѓе има по светов, можело тоа и полесно да помине.

Го памтиме најмногу по Џекес а беше и професионален скејтер, каскадер, музичар, актер, филмаџија.... Но, не сме го виделе доволно за да знаеме колку Бам во меѓувреме се има распаднато.

Да не јадеме бабури и да не кобиме, ама со оглед на темпото со кое овде се градеше и општиот јавашлук со квалитетот и контрола на квалитетот, хмм....

"Едрењето не е снобовско заебавање со прескапи бродови и чаталење пред сиромаштијата која се брчка во морето", вели Рамбо Амадеус кој на Indiegogo собира донации за супер идеја: реставрација на еден стар и насукан брод и правење од него соларна едрилица. И, му оди добро.

Фина илустрација за она што го пренесовме во извонредниот текст "Како 'Friends' ја иницираа пропаста на западната цивилизација". Пар сцени од самата серија, меѓу оној што се измачува со својот интелект и онаа што ужива дека е таралајка. На тема еволуција, Фиби, како репрезентативен претставник на сите кафански полемичари на светов, перолесно го растура оној што нешто знае на темата. Просто, непобедливи се таквите.

Како се прави кампања за опасностите од користење телефон додека се вози? Крв, летање преку шофершајбна, крв, каење, солзи, крв. А може и поинаку.

Сцена од еден универзитет во Сан Франциско во која на бел студент со дредлокси не му даваат да помине затоа што "нејќеле луѓе со таква фризура". Зошто не? Затоа што белец со суканки правел "кражба на египетското културно наследство". Значи ова грчкиов ген насекаде го има. 

Имаме случај во кој старата и олд-скул реалност (физика, гравитација, њутнови закони. закони на дијафрагмата) е само помошник на виртуелната реалност, односно служи само како нејзино појачало. Значи, дечки се качуваат на вистински ролер-костер, ама со онакви на глава.

Љубов е кога другиот го ставаш на прво место, или на кое и да ти е место одговарањето на пораки додека возиш, епа едно пред тоа. Види како мило ве замолуваат.