Интересен и поучен експеримент во Бургер Кинг, прилично индикативен за човековата природа. Луѓето имаат изострен инстинкт да се побунат ако некој им ја „измалтретира“ нивната порција. Кога истото тоа му се случува на човек (во случајов момче) во нивна близина, мнозинството главно нема проблем со апетитот.

На јавни хостинг сервери постојат 15 милиони фотографии тагнати со „маче“. Овој проект се ограничува на еден милион слики од кои можеш да дознаеш во која куќа живее сопственикот само затоа што бил горд на своето маче па решил да сподели фотка од него.

Иако со квалитетни информации (пример како лежат возачите на Ф1 додека возат) и со одлично изведен разговор меѓу водителот и гостинот, главниот лик на видеото е Ф1 болидот на Мерцедес. Технички болидот не е таму, тоа што ќе го видите на клипот е компјутерски генериран болид, и ќе мислите дека измислуваме.

Ако треба во едно видео да го сведеш избегнувањето данок од ултра богатите мултинационални гиганти, ова е тоа.

Октомвриската револуција е „октомвриска“ само затоа што тогаш уште се смета по „стариот“ календар, инаку по денешното броење на деновите се паѓа на 7-ми ноември. Денес е 100 години од Октомвриската револуција, и во таа чест на интернет е поставен „Проект 1917“ или како би изгледала Октомвриската револуција кога од минута во минута би била пренесувана на социјални медиуми, со твитови и фб статуси од Ленин, Троцки, Дан и компанија, снимки од вонредни вести и извештаи од случувањата.

Бројот на пушачи меѓу возрасните во САД е паднат од 42% во 1965 на 15% во 2015. Како што оваа опасност почнува да се стишува, така научниците почнуваат своето внимание да го вртат кон животни ризици кои се во подем и зафаќаат се поголем удел од црните статистики.

Агорафобија е страв од отворен простор, јавни места и многу луѓе, и најчесто резултира со самонаметнато затвореништво во сопствениот дом. Џеки Кени е од Нов Зеланд, живее во Лондон, и страда од агорафобија. А и се шета и се плаче. Драмата на Кени значително се стишува кога таа го открива Гугл стрит вју, и сега не се симнува од сервисот. Како што „патува“ низ Стрит вју, така почнува да прави принтскрин од места на кои била и да ги објавува на Инстаграм. Моментално на Инстаграм ја следат над 80.000 луѓе, и чекаат да видат на кое ново место ќе ги однесе.

Место каде што Римјани тепаа Авари за потоа Авари и Словени да тепаат Римјани па после Словени тепаа Келти и Угари за потоа Словените да бидат тепани од Турци и Угари кои се тепаа и меѓусебно за на крај Турците да бидет потепани а на Словените да им остане да се тепаат со Угари.

Kрајно време е да ја вратиме неделата. Ако тоа брзо не го направиме, никогаш веќе нема да ја видиме. А живот без недела, односно, живот без одмор, веќе не е живот, туку тегобен рингишпил кој се запира само еднаш - тогаш кога е доцна за сè.

Пак истиот предизвик од Кимел до родителите, да им ги земат сите бомбони, чоколатца и какви сè не благца што маливе ги собрале претдходната вечер по куќи, и да им кажат дека ги изеле. Родителите пак повеќе од волни да соработуваат со Кимел против родените деца.

До 1968 година, американската химна се пеела канонски строго, како што налага оригиналот. Но тогаш на сатдион излегува еден слеп човек, со гитара в раце и отпејува своја верзија на химната. Оттогаш „The Star Spangled Banner“ никогаш не звучи ама баш исто.

Логиката е дека систем кој милиони години еволуира, се штелува и адаптира, и е поставен така што во секоја негова нова верзија треба да се пренесуваат само подобрените и унапредени функционалности и можности, зависи од тоа дали ти ќе купиш нешто за да му помогнеш да се прочисти и спаси од токсини. Од друга страна па, зошто некој би стоел на патот на вашата клизма?

На шведската пошта, Постнорд, редовно и фалат најразлични пратки од поштенските камиони. За да не обесуваат со години, овој камионџија нè краде, оној камионџија нè краде, решаваат кај пратките да монтираат камери. И стварно не краделе камионџиите, туку нинџи, или како и да се викаат луѓе што можат да се качат на камион што се движи со 80 км/ч, да отворат врата, да влезат во приколка и после сè да излезат и да затворат како ништо да не било.

Се вика Илона Бугаева, 18 години, Санкт Петербург. Младата Русинка сака да се преправа во познати филмски ликови и тоа го прави толку добро што кога ќе ги прелистате нејзините фотографии, нема да ви биде јасно како таа всушност изгледа.

Фушерски и без стратегија ги користиме ние тоа мрежите. Ќе споделиме наша содржина ама после тоа ретко се враќаме да видиме што се коментира и каков е „гласот на народот“. Криво ни е што немаме време да ги прочитаме сите умни, луцидни или духовити коментари. А некогаш уште покриво ни е што сме ги прочитале оние другите. А не се да им ќутиш. Или бар да не удриш на заеб... зафрканција.

Во 1953 на Холандија и се случува масовна поплава која ја потопува дотогашната холандска заштита од поплави. Загинуваат над 2.500 лица (спроед Википедија), а поплавено е речиси 9% од вкупното обработливо земјиште во Холандија. По ова Холанѓаните се зафаќаат со изработка на Делта проектот, кој е прогласен за едно од новите Седум светски чуда.

Се вика Ник Мареј Вилис и цртањето не му е толку силна страна колку што му е наоѓањето перспектива што ти не ја гледаш и тоа да го искомбинира со анимација. Еве го на тема филмови и на тема фудбал.

Ќе го учиш, ќе го пазиш, ќе го носиш на курсеви и семинари за човечко понашање, и ќе го седнеш пред камера за на крај пак да ти каже дека најтежок момент во живот му бил кога одбил 1 милијарда долари. И како после луѓе да не веруваат дека е робот?

Само вистински другар ќе ти влета со вилушка во јадењето што пробуваш да го сликаш за на Инстаграм, затоа што прво, никогаш нема да станеш фотограф; второ, многу мерак се прави на оваа страна. Муш!

Не биди  во постојана потрага по среќа. Среќата е како оргазам, ако многу мислиш на тоа, ништо од тоа. Не мора уште сега да знаеш што ќе правиш со остатокот од својот живот. Повеќето луѓе кои знаеја што со себе кога имаа 20 години, сега се во тешки кризи на средните години. И не биди сељак со келнери.

Момците од Славонија на Кикстартер бараа 30.000 долари за почеток на производство на масата. Собраа 35.000 илјади. Идејата зад која парите ги ставија над 100 луѓе е маса составена од модули (коцки) кои се распоредуваат како што на тебе ќе ти текне или ќе ти треба во канцеларија или соба.

Дизајнер на игри за многумина звучи како некоја шалабајзерска работа. Но, од страна, и атомска физика на многумина зналци од општа пракса им звучи како нешто за кое тие имаат уважено и небитно мислење. Ајде да расчлениме што сè треба да  реши еден дизајнер на игрица, и тоа само во поглед на вратите во играта.

Вечерале заедно пред 15 години. „Поголем нарцис немам видено“, се сеќава Вуди Харелсон кој морал да излегува и да пали џоинт од што Трамп не се трпел.

Све тоа фино, ама и покрај тоа што на првата меѓународна рамноземјашка конференција (бидејќи е во Америка, на другите континенти се локални) главно ќе се збори за тепсијата ко главно оружје во борбата против глобалистичкиот модел, на првата линија на фронтот на истражувањата искочи - баклавата. Земјата е рамна 3Д баклава во непоимлива 4Д (или 11 или 23, бирајте математичка теорија) вселена. Кој досега не полудил, време му е.