Хеликоптерска снимка од еден планинарски дом во Австрија. На Алпите, на 2.136 метри надморска височина. Зимно време.

Човекот по сопствена пресметка има 82 години, а по наша пресметка би било греота ако не истера уште толку, со исто здравје и исто расположение.

Рекламен спот за пиво, кога Словените дознавале кој каде ќе оди. На Хрватите им паѓа да одат на југ а Босанци и Црногорци им фаќаат сеир. 13 века подоцна, Хрватите и Црногорците си држат до зборот. Првите дека ќе останат кај што се, вторите дека не планираат да работат на тој крш. 13 века подоцна, Заев и Димитров се трудат да нè убедат дека нам ни се паднал север.

Инсерт од старата, одлична серија на Би Би Си, „Јас, Клавдиј“, колку да ги заинтересираме луѓето кои не ја гледале (заради младост или бесвест) или пак да го испровоцираме јавниот сервис да ја репризира. Сè што треба да знаете за човечката психопатологија кога е во прашање моќта, сè што треба да знаете за безграничната злоба, лакомост, бруталност и бескрулозност за доаѓање или останување на власт, сè имате таму.

Ќе го науиме и везден ќе си кркориме на него. Со македонскиов и онака сè помалку се рабираме со луѓе.

Една машка жаба (жаб?) цели 10 години живее во присилен целибат пошто го рачунале за последниот жив примерок од неговиот вид. Но, луѓе покренуваат акција, се враќаат во длабоките шуми во Боливија кај што овој бил најден, буричкаат по тоа реките и му наоѓаат женка! Нашле две, само што едната е мала, ама затоа другата е иделна за парење. Ги викаат Ромео и Јулија. Јулија моментално е во карантин за да не донесе некој трипер а Ромео се остри. 10 години! Можете ли да замислите колку допрва ќе му се ококорат тоа очите?

Десетина јунаци со азбестни јазици и титаниумски шкембиња, на натпревар во јадење лути пиперки. Почнуваат со скромни 3.000 сковили (единица за лутина) за двајца од нив да стигнат до пеколни 1,5 милиони сковили. Би било фер награда за нив да е бидè со течен азот.

Оваа година навршува половина век од Алан Форд, стрипот без кој не би требало да помине ни една младост, без разлика во каков медиумски уи технолошки еко-систем живее. Стрип за групата ТНТ која е составена од луѓе кои се составени од мани. Го пишуваше Макс Бункер, го црташе Магнус и веројатно од тоа немаше да испадне ништо посебно ако не преведуваше маестрално разгираниот Ненад Брикси. Тја!

Една споредба вели: да се базираше потребата и корисноста на вакцините на приближно лабава наука како онаа на која се базира потребата и корисноста од органска храна, ќе гледавме како луѓе со вили и мотики бркаат доктори по улица.

Жена се соочува со препрека на патот. Почнува да размислува „out of the box“. И се разбира, наоѓа решение како да ја надмине пречката, и притоа да не мора да наведне глава.

Двајца 17-годишни тинејџери добиваат великодушни 4 минути да завртат еден број на стар аналоген телефон со бројчаник на вртење. Спојлер: нема да успеат! Беспомошно се соочуваат со невидени мистерии: до каде оди петката, а до каде нулата, и како тоа слушалката не е само за рестарт?

Биологот Чарлс Мен потсетува на три факти кои ги знаеме за животот на оваа планета. 1. Популацијата на видовите е регулирана од природната селекција. 2. Одвреме - навреме некој вид знае да избега од ваквата регулатива па да му се случи експлозија на популацијата. 3. Експлозија на популацијата на еден вид никогаш не завршува добро.

Делови од планетава кои редовно се зафатени со сериозни зими имаат развиено напредни методи за справување со истите тие зими. Некогаш методите успеваат, некогаш  само ќе научат како не треба.

Точно дека сè ова што ќе го чуете од четирите говорници (последниот говор е од дует) нема да може копи-пејст да го аплицирате на сопствениот случај и ситуација. Ама уште поточно е дека има многу што да научите од овие.

Не е спорно дека и ова е уште една „принцеза на тато“, само што оваа принцеза има избрано погрешен ден за да го тестира трпението на истиот тој тато.

„Ви текнува кога овие пуритански, арогантни, цензорски напади на комедијата беа позицијата на читателите на Дејли меил? Е сега ние сме тие, Гардијан, Индепендент, Си-ен-ен,“ плус уште неколку клучни работи што Џонатан Пај има да сподели со вас околу монеталната состојба на комедијата и ловот на неподобни комичари. И да се ислуша човекот до крај со идентична посветеност.

Самоуката Лора Кампф сака да ја почнува годината со рекапитулација на она што го сработела претходната година. 30 проекти во 10 минути. Лапајте идеи.

Главен проблем со изведбата е што ти се потребни 4 генерации од твоето семејство и тоа сите од ист род. Па ако си машко, освен ти, потребен е татко ти, дедо ти и прадедо ти (или кои и да се другите тројца во зависност од твојата позиција во семејното дрво).

На веќе неколку генерации, ова од Нирвана од прва им асоцира на младешкиот дух, неговото бунтовништво, отпорот кон капиталистичкиот и конзумеристички свет, итн, итн. Ох, иронијо. Во коренот на песната стои парфем за тинејџерки при што Кобејн нема абер за тоа. А откако „Тин Спирит“ станува мега хит, парфемот почнува да се продава како алва. Капитализaм, многу заебана институција. 

Најголемите поп хитови во Америка во 2018 година, вешто скоцкани во еден мешап на DJ Earworm. Во песната има 25 ставки, ние успеавме да препознаеме 5. Проверете сами колку сте среќно неупатени во она што се слуува на големата сцена.

Пробувате да ни го одмилите прасето кога ни викате да замислиме дека тоа некогаш било живо и мрдало? Рачунајте дека сме фитка.

Капиталниот примерок се вика Ванс Хиндс, и од сè што човек може да изгуби во текот на една година, тој има изгубено 90 кила. Почнува кон крајот на ноември 2017, и со стартната тежина од 215 килограми.

Ѝ го намалиле џепарацот под 2.500 долари а наместо колата што ја сака, планираат да ѝ купат Мерцедес Ц класа! И на крај безмилосно ја дотепаа со идејата нешто да работи. Мајка на 15 годишна тинејџерка, дојдена по помош, едно 10 години предоцна.