- Излезноста на парламентарните избори во Србија во часовите по отворањето на избирачките места е двојно поголема од онаа на претходните избори во 2003 година. За гласање се прават километарски колони.
- За 250 пратенички места во Народното собрание се натпреваруваат 18 изборни листи, од кои девет се малцински. Право на глас имаат нешто повеќе од 6,45 милиони избирачи.
- Главната битка е меѓу владеачката Српска народна странка чија листа ја предводи Александар Вучиќ и Студентската листа, изнедрена по долготрајните блокади и протести иницирани од падот на настрешницата во Нови Сад,
- За постизборната ситуација и комбинации не помалку важно е дали и кои други партии ќе го преминат цензусот. Таа дилема важи главно за Социјалистите на Ивица Дачиќ, Автентичната десница на Милош Јовановиќ и Европската листа (Здравко Понош, Мариника Тепиќ, Ѓилас...).
- Резултатите се неизвесни но уште поголема неизвесност и несигорност создава прашањето дали тие ќе бидат признати од страната која ќе изгуби, во атмосфера во која српското политичко тело е полазирано како никогаш досега.
- Од заедницата на Македонци во Србија потсетуваат: „Шарената револуција не ѝ донесе ништо добро на Македонија, не сакаме и Србија да помине низ слично искуство“.
- Беатрис Кел, поранешна „Мис Швајцарија“, изјавила пред Комитет на Претставничкиот дом на САД дека била била силувана од Доналд Трамп во хотел во Менхетн во 1993 година, кога имала 24 години.
- Ова се тврди во нов извештај на демократите од Комитетот за правосудство, кој ги испитува врските на Трамп со Џефри Епстин. Извештајот е објавен една недела пред изборите за Претставничкиот дом и Сенатот на САД.
- Кел уште во 2024 година го обвини Трамп дека сексуално ја нападнал. На новото сведочење го оценила нападот како „силување“, бидејќи „ѝ предизвикал крварење и модрици по телото“.
- Кел пред Комитетот изјавила дека се сретнала со Трамп во 1993 година на натпреварот „Американски сон“. Трамп ѝ ветил дека ќе ѝ среди виза за САД и ќе обезбеди нејзин прием на Универзитет во Њујорк преку неговиот пријател Паоло Замполи, кој до почетокот на овој месец беше дел од неговата администрација. На настанот разговарала и со Епстин, кој ѝ рекол дека организирал „многу забави со Дон“.
- „Подоцна истиот ден, тврди Кел, Трамп ја поканил во хотелски апартман, каде што ја нападнал и ја силувал. По инцидентот Трамп ја натерал да вети дека ќе молчи“, се наведува во извештајот.
- Белата куќа ги отфрла обвинувањата и истакна дека претседателот Трамп е ослободен од каква било поврзаност со Епстин. „Овa не е ништо друго освен очајнички обид на безумни демократи да го одвлечат вниманието на Американците од растечкиот замав на републиканците, поттикнат од историските достигнувања на претседателот Трамп“, изјави портпаролката Лорен Бис.
- Актуелната претседателка Илијана Јотова и поранешниот премиер Андреј Ѓуров освоија најмногу гласови во првиот круг од изборите во Бугарија и ќе се соочат во вториот круг по една недела.
- Излезноста на гласачите во првиот круг била едвај над 22%, најниска од кои било избори по соборувањето на комунистичкиот режим. Досега во ниту еден прв круг не паднала под 40%.
- Јотова добила 34,7% од гласовите, а Ѓуров 32%. За победа во првиот круг им беа потребни 50% од гласовите, при одѕив од 50%. Во вториот круг нема праг за излезност, а победник е тој што ќе освои повеќе гласови.
- Јотова стана претседателка во јануари откако Румен Радев поднесе оставка за да настапи на парламентарните избори.
- Функцијата претседател е главно церемонијална, но вклучува овластувања за командување со вооружените сили, ставање вето на закони и именување преодни влади за време на политички кризи.
