Вести › Набрзинка

Пентагон избриша 180 вери од списокот признати религии

6 June 2026

Министерството за одбрана на САД го скрати списокот на признаени религиозни вери и системи на верување од досегашните 211 на само 31, по налог од министерот Пит Хегсет.
На скратениот систем има дури 22 посебни христијански групи. Покрај нив, признаени се и будизмот, бахаизмот, хиндуизмот, исламот, јудаизмот и сикизамот. Се признаваат и агностицизам, друга вера и ниедна вера.
Претходниот список со 211 официјално признаени вери за воениот персонал беше објавен во 2017 година, во првиот претседателски мандат на Доналд Трамп.
„Претходниот систем беше непрактичен и неупотреблив, а многу кодекси воопшто не се користеа. 82% од персоналот кои се идентификуваат како религиозни користат само шест од кодексите“, изјави Хегсет во март, кога ги најави промените.

извор

Шведска: Построгите мерки за државјанство ќе важат ретроактивно

6 June 2026

Агенцијата за миграција на Шведска објави дека од денеска ги спроведува новите и построги критериуми за доделување шведско државјанство на странци, усвоени на 29 април. Но, мерките нема да важат само за новите апликации, туку ќе бидат проверени и сите што се во процедура – околу 100.000.
Шведска е првата земја во Европа што ретроактивно применува правила за натурализација на тековните апликации. Просечното време на обработка моментално е околу 56 месеци.
Со новиот закон, минималниот престој во земјата за стекнување право на барање за државјанство се зголемува од 5 на 8 години. Барањето треба да биде поткрепено со доказ за примања од 20.000 круни месечно (1.800 евра). Исклучоци има за деца, пензионери и лица со траен инвалидитет.
Мигрантите што отслужиле затворска казна над 4 години ќе мора да чекаат 15 години пред да аплицираат.
Одредбите ќе се воведуваат постепено, заклучно со 1 октомври 2027 година. Од август ќе почнат тестирања за познавање на шведското општество. Подоцна ќе бидат воведени и тестови за разбирање, читање и слушање на шведскиот јазик.

извор

Венс: Европа умира исто како Хенри Новак, напуштена и со врзани раце

6 June 2026

Американскиот потпретседател Џ.Д. Венс го оцени убиството на британскиот тинејџер Хенри Новак како сведоштво за цивилизацискиот пад во Европа предизвикан од масовната инвазија на мигранти.
„Хенри Новак почина на ист начин како што умира една цивилизација: напуштен, со лисици на рацете што му ги ставија властите, кои ниту му верувале ниту се грижеле за него, обвинет за злосторства од омраза што не ги сторил“, напиша Венс на X.

Новак беше убиен во декември во Саутемптон откако пет пати бил прободен со нож од сикот Викрум Дигва. Кога полицијата интервенирала, таа го врзала ранетиот Новак и не му укажала итна помош, поради тоа што вистинскиот убиец лажно го обвинил момчето за „расистички напад“. Деталите за случајот и полициската снимка беа објавени пред неколку дена, кога Дигва беше осуден на доживотен затвор.
САД ја осудија британската политиката на двоен аршин, наклонета кон идеологијата на диверзитет, различност и инклузија. „Идеолошкото условување и двостепеното полициско работење се очигледни симптоми на цивилизациски пад. Тие мора да бидат отфрлени низ целиот Запад“, објави Белата куќа.
Даунинг стрит ги отфрли критиките како „мешање во нашата демократија“ и „обид да се предизвикаат поделби на нашите улици“.

извор