Вести › Набрзинка

Венс: Европа умира исто како Хенри Новак, напуштена и со врзани раце

6 June 2026

Американскиот потпретседател Џ.Д. Венс го оцени убиството на британскиот тинејџер Хенри Новак како сведоштво за цивилизацискиот пад во Европа предизвикан од масовната инвазија на мигранти.
„Хенри Новак почина на ист начин како што умира една цивилизација: напуштен, со лисици на рацете што му ги ставија властите, кои ниту му верувале ниту се грижеле за него, обвинет за злосторства од омраза што не ги сторил“, напиша Венс на X.

Новак беше убиен во декември во Саутемптон откако пет пати бил прободен со нож од сикот Викрум Дигва. Кога полицијата интервенирала, таа го врзала ранетиот Новак и не му укажала итна помош, поради тоа што вистинскиот убиец лажно го обвинил момчето за „расистички напад“. Деталите за случајот и полициската снимка беа објавени пред неколку дена, кога Дигва беше осуден на доживотен затвор.
САД ја осудија британската политиката на двоен аршин, наклонета кон идеологијата на диверзитет, различност и инклузија. „Идеолошкото условување и двостепеното полициско работење се очигледни симптоми на цивилизациски пад. Тие мора да бидат отфрлени низ целиот Запад“, објави Белата куќа.
Даунинг стрит ги отфрли критиките како „мешање во нашата демократија“ и „обид да се предизвикаат поделби на нашите улици“.

извор

Американците се оладија за истополови бракови

5 June 2026

По постојано зголемување во две децении, поддршката во САД за истополови бракови почнува да опаѓа, открива нова анкета на Галуп.
Околу 65% од возрасните во САД веруваат дека истополовите бракови треба да бидат легални. За споредба, поддршката во 2022 и 2023 година била 71%, покажува истражување спроведено во мај.
Меѓу републиканските гласачи, само 37% велат дека истополовите бракови треба да бидат законски, а 35% ги прифаќаат геј и лезбејските врски како „морално прифатливи“.
Во 1996 година, анкета на Галуп покажа дека само 27% од возрасните во САД поддржувале легален брак на партнери од ист пол. Поддршката постојано растеше до пред неколку години, кога достигна врв од околу 70%.
Истополовите бракови во САД се признати на национално ниво од пресудата на Врховниот суд во 2015 година. До 2025 година имало повеќе од 800.000 истополови парови во САД

извор

Откриен кокаин во колата на руски митрополит

5 June 2026

Чешката полиција открила три кесички кокаин во службеното возило на митрополитот Иларион на Руската православна црква. Митрополитот своевремено важеше за најсилен кандидат да го наследи рускиот патријарх Кирил.
Колата минатата недела била запрена на автопат близу Прага по анонимна дојава. Митрополитот патувал од Карлови Вари кон Будимпешта, каде што има резиденција.
По првичниот претрес, Иларион поминал два дена во полициски притвор, а потоа заминал во Москва.
По скандалот со дрогата, РПЦ одлучила да го премести митрополитот на служба во Бразил.
Иларион ги отфрла како „неосновани“ извештаите што го поврзуваат со активностите на руските разузнавачки служби. Тврди дека скандалот му е наместен за да оправда санкции против високи свештеници во Руската црква вклучувајќи го и патријархот Кирил.

извор