Вести › Набрзинка

„Вук је у нас домаћа животиња“

13 May 2026

Волк бил заловен среде скопската населба Капиштец, откако претходно бил забележан како се движи низ населбата со синџир и каивче, што укажува дека бил чуван како домашен миленик.
Безбедно бил транспортиран во Зоолошката градина во Скопје, каде што ќе биде во карантин под постојан здравствен надзор од стручни лица.
Случајот завршил без последици, бидејќи станува збор за питомо и мирно животно.
ЕДИТ: Не бил волк, куче било, чипирано, газдата си го бара назад.
ЕДИТ 2: Волк е.

Gdje sam rođen, tu je sve sirotinja
Vuk je u nas domaća životinja
Škrta zemlja nikoga ne hrani
Da preživiš moraš radit vani....

извор

Куба остана без дизел и мазут

14 May 2026

Куба ги потроши последните резерви на гориво како последица на енергетската блокада наметната од САД. „Апсолутно немаме мазут, апсолутно немаме дизел. Немаме повеќе резерви“, изјави министерот за енергетика Висенте дела О Леви.
Прекините на електричната енергија сега надминуваат 20-22 часа секој ден. Во Хавана синоќа избувнале улични протести поради рестрикциите на струја. Во повеќе населби граѓани блокирале улици со запалено ѓубре и извикувале: „Вклучете ги светлата!“.

Од крајот на јануари администрацијата на Доналд Трамп наметна нафтена блокада против Куба, заканувајќи се со санкции и царини за секој што ќе се обиде да ѝ достави гориво. Престанаа испораките од главните добавувачи – Венецуела и Мексико. Последната пратка беше испорачана при крајот на март - 100.000 тони сурова нафта од руски танкер.
Кубанската енергетска мрежа сега е целосно зависна од оскудната сурова нафта, природен гас и обновливи извори. Куба има капацитет од 1.300 мегавати сончева енергија благодарение на панелите инсталирани од кинески компании во текот на изминатите две години. Но, голем дел од таа енергија се губи бидејќи не може да се складира во батерии поради нестабилноста на несигурната енергетска мрежа.
„Куба е отворена за секој што сака да ни продаде гориво“, апелираше министерот Леви.
„Куба бара помош и ние ќе разговараме!“, објави американскиот претседател Доналд Трамп пред да замине во посета на Кина. Стејт департментот понуди помош од 100 милиони долари за Хавана, но под услов да бидат спроведени „значајни реформи во комунистичкиот систем“.

извор

Пекинг му го смени името на Рубио за го пушти во Кина

13 May 2026

Кинеските власти му ја промениле транслитерацијата на презимето на американскиот државен секретар Марко Рубио, за да му овозможат легално да ја посети Кина.
Пекинг во 2020 година воведе санкции за Рубио и му забрани влез во земјата откако тој ја обвини Кина за кршење на човекови права и за политиките кон Хонг Конг и Тајван.
Непосредно пред Рубио да биде назначен за шеф на дипломатијата на САД, кинеската влада и официјалните медиуми почнаа да користат различен знак за првиот слог во неговото презиме. Но, санкциите официјално не се укинати.
Рубио е во големата делегација што го придружува претседателот Доналд Трамп во важната посета на Кина. Покрај владини функционери, во Кина патуваат и директори од најмоќните американски компании, вклучувајќи ги: Илон Маск (Тесла, СпејсИкс), Јенсен Хуанг (Нвидија), Тим Кук (Епл), Лари Финк (БлекРок), Стивен Шварцман (Блекстоун), Кели Ортберг (Боинг), Лари Калп (Џенерал Електрик) и Дејвид Соломон (Голдман Сакс).

извор