- Најпопуларните грицки во Јапонија ќе ја изгубат препознатливата шарена амбалажа, бидејќи блокадата на Ормускиот проток го наруши снабдувањето со суровини за мастила.
- „Калби Инк“, најголемиот производител на чипс и житарки во Јапонија, најави црно-бела амбалажа за 14 производи, почнувајќи од 25 мај. Содржината ќе остане иста.
- Јапонија речиси целосно се потпира на увоз на нафта од Персискиот Залив, која се користи за разни видови пластика и мастило.
- Владата во Токио објави дека домашните рафинерии користат складирана сурова нафта, а во исто време тројно се зголемил увозот од извори надвор од Блискиот Исток.
- Европската Унија планира веќе кон средината на овој месец да ги отвори преговорите за прием на Украина и на Молдавија во своето членство. Двете земји аплицираа заедно и одат во „пакет“.
- Ова го овозможи владата на новиот унгарски премиер Петер Маѓар, која се откажа од долгогодишното противење на Орбан на членството на Украина во ЕУ. Сигналот за укинување на ветото го пуштиле дипломати по состанокот на експертските групи од Будимпешта и Киев посветен на правата на унгарското малцинство во Украина.
- Се очекува амбасадорите на ЕУ до крајот на оваа недела да донесат конечен став отворање на првиот кластер за Украина и Молдавија, откако Киев ќе ги претстави своите планови за реформите и за малцинствата. Потоа, на 15 јуни, членките на ЕУ официјално ќе го отворат процесот на преговори на меѓувладината конференција во Луксембург.
- Отворањето на кластерите бара едногласно одобрување од сите 27 членки на ЕУ. Секоја земја може да го блокира процесот во која било фаза, или со спротивставување на првиот кластер или на кој било од последователните чекори.
- Кина ќе им забрани на експерти за вештачка интелигенција и други критични сектори да заминуваат во странство без специјална дозвола од владата.
- Владата ќе биде овластена да спроведува безбедносни прегледи на странски инвестиции или трансфери на пари што би можеле да имаат влијание врз националната безбедност. Ќе може да им наложи на инвеститори да продаваат акции или да престанат да купуваат.
- „Инвеститорите не смеат да пренесуваат стоки, технологии, услуги и поврзани податоци чиј извоз е забранет... со испраќање технички персонал надвор од земјата, организирање работа на персонал во други земји, обезбедување технички упатства надвор од границите или организирање прекугранична обука“, пишува во новата одредба, која стапува на сила од 1 јули.
- Одредбите, исто така, вклучуваат можна забрана за странски компании кои работат со Кина, доколку нивните матични земји ограничат кинески инвестиции.
- Наведувајќи причини поврзани со националната безбедност, Пекинг пред еден месец ѝ наложи на Мета да го откаже преземањето на кинескиот стартап за вештачка интелигенција Манус.
