Вести › Набрзинка

Условна осуда за тројца полицајци за дискотеката „Пулс“

5 May 2026

Кире Богатинов, Горан Лазаров и Александар Темелков ја злоупотребиле службената положба за дискотеката „Пулс“ и добија една или по две години условни казни затвор.
Судијката Петровска рече дека полицајците од октомври 2023 до февруари 2024 година пишувале записници за прекршоци, за пропуштање малолетници, но во нив внесувале неточни податоци.
Наместо за активната фирма, ММММ Кафе ДООЕЛ од Кочани и одговорното лице Митко Стојанов, прекршокот го внесувале на фирмата „Класик ДМ ДООЕЛ“ од Кочани.
„Формата била запазена, но суштината изостанала“, истакна судијката.

извор

Сенаторите во САД нема да се кладат на политички настани

5 May 2026

Сенаторите од двете партии во САД едногласно усвоија забрана да се кладат на новите платформи за обложување на политички и глобални настани, како Калши и Полимаркет. Слична мерка што се однесува на конгресмените е предложена и во Претставничкиот дом.
Целта е да се спречат злоупотреба на инсајдерски информации и потенцијален судир на интереси, како и да се отфрлат сомневањата дека пратениците лично профитираат од привилегиран пристап до доверливи податоци, изјави сенаторот Берни Морено кој ја водеше иницијативата.
Сомневањата се проширија откако анонимни лица оствариле добивки од милиони долари од сомнителни тргувања со акции и кладби поврзани со клучните изјави и одлуки на претседателот Доналд Трамп.
Во процедура е и законот SITA, кој ќе им забрани на конгресмени и на членови на нивни семејства да купуваат нови акции на берзи и ќе ги обврзе да ги најавуваат продажбите седум дена претходно, како и Законот ETHICS, со уште построги ограничувања за тргување со акции.

извор

ММФ: Нè очекува многу полошо сценарио отколку што мислевме

5 May 2026

Директорка на Меѓународниот монетарен фонд, Кристалина Георгиева, изјави дека претходното предвидување на ММФ дека војната меѓу САД и Израел против Иран ќе доведе до забавување на глобалниот економски раст и не големо зголемување на цените повеќе не е валидно.
„Доколку војната се прелее во 2027 година а цените на нафтата останат на 125 долари за барел, мора да очекуваме „многу полошо сценарио“, рече Георгиева.
И извршниотт директор на Шеврон, Мајк Вирт најави дека нскоро ќе почне да се чувствува физички недостаток на нафта, поради затворањето на Хомускиот теснец низ кој минува 20% од глобалното снабдување со овој енергенс.
Трамп упорно повторува дека Иран практично е без војска и армиски средства... само што со дронови го запалиле Фуџаира, еден од најголемите нафтени индустриски комплекси во ОАЕ, единствениот во државата кој го бајпасира Хормуз.

извор