Легендарниот британски природословец, режисер и филмски продуцент на 8 мај ќе прослави 100 години, што неговата матична куќа BBC ќе го прослави со пренос во живо на посебна програма во негова чест, организирана во Ројал Алберт Хол.
Со двајца браќа, роден е и растен во угледно семејство на универзитетски ректор во Лестер. За време на Втората светска војна семејството се проширува бидејќи посвојуваат две еврејски девојчиња.
На првата аудија за БиБиСи радио не го минува ни елиминацискиот круг, но на телевизија го примаат веднаш. Станува и директор но после 4 години се откажува од менаџерските функции за да се префрли во природа.
Често криумчарел животни и ги носел дома, во елитното лондонско предградие Ричмонд. Хотелските соби во кои престојувал често личеле на мали Зоолошки градини во кои во када пливале риби а од таванот виселе лилјаци.
Најмногу уживал посматрајќи птици но призна дека никогаш нема засакано стаорци. Нема положено за возачка и никогаш немал автомобил.
На анкета од пред две години, 22% од британските припадници на Генерацијата З рекле дека ќе беше убаво тој да им биде крал.
Герман Греф, директорот на најголемата руска банка Сбербанк, повика војната во Украина да запре „што е можно побрзо“.
Тој е еден од ретките високи раководители лојални на Кремљ што се спротивставил на војната, која во изминатите месеци почна сериозно да ги оптоварува економијата и финансискиот систем на Русија.
„Мислам дека сите сме загрижени за истото. Нема ниту еден човек во земјата кој е загрижен за нешто друго освен за брзо завршување на воената акција. Тоа е очигледно“, рекол Греф на состанок со акционерите.
Сбербанк е најголемата банка во Русија, контролира огромен дел од штедните влогови и корпоративните кредити во земјата. Со оглед на тоа што е во мнозинска сопственост на руската влада, таа претставува столб на банкарскиот систем на земјата.
Новата унгарска влада го укина статусот на бегалец на поранешниот полски министер за правда Збигњев Зјобро и на неговиот заменик, кои избегаа во Будимпешта откако во својата земја беа обвинети за за злоупотреба на службената должност.
Поранешниот премиер Виктор Орбан им додели азил на Зјобро, неговата сопруга и на заменикот Марчин Романовски, кој исто така е соочен со обвинение.
Зјобро и Романовски се соочуваат со обвиненија за злоупотреба на пари од фонд за помош на жртвите на криминал. Тие ги отфрлаат обвиненијата и тврдат дека се жртви на политички „лов на вештерки“ бидејќи истражувале злоупотреби од страна на луѓе блиски до сегашниот полски премиер Доналд Туск.
Двајцата веројатно повеќе не се во Унгарија. На 9 мај - денот кога новиот унгарски премиер Петер Маѓар положи заклетва – Зјобро бил забележан на аеродром во САД, а не е познато каде се наоѓа Романовски.
