Легендарниот британски природословец, режисер и филмски продуцент на 8 мај ќе прослави 100 години, што неговата матична куќа BBC ќе го прослави со пренос во живо на посебна програма во негова чест, организирана во Ројал Алберт Хол.
Со двајца браќа, роден е и растен во угледно семејство на универзитетски ректор во Лестер. За време на Втората светска војна семејството се проширува бидејќи посвојуваат две еврејски девојчиња.
На првата аудија за БиБиСи радио не го минува ни елиминацискиот круг, но на телевизија го примаат веднаш. Станува и директор но после 4 години се откажува од менаџерските функции за да се префрли во природа.
Често криумчарел животни и ги носел дома, во елитното лондонско предградие Ричмонд. Хотелските соби во кои престојувал често личеле на мали Зоолошки градини во кои во када пливале риби а од таванот виселе лилјаци.
Најмногу уживал посматрајќи птици но призна дека никогаш нема засакано стаорци. Нема положено за возачка и никогаш немал автомобил.
На анкета од пред две години, 22% од британските припадници на Генерацијата З рекле дека ќе беше убаво тој да им биде крал.
За да ја заштити (неспособноста на) својата економија и трговија од конкуренцијата од исток, ЕУ воведува царински давачки од три евра за секој артикл во пакет од странство вреден помалку од 150 евра.
Пакетите под 150 евра сочинуваат 93 проценти од онлајн трговијата во Европската Унија. Околу 200 такви пакети стигнуваат во ЕУ секоја секунда.
„Таксата не се плаќа по пакет, туку по секоја ставка во пакетот“, објаснува Андреа Човиќ Видовиќ од медиумскиот тим на Европската комисија во Хрватска за царината која ќе стапи на сила од први јули.
„Верувам дека дел од потрошувачите ќе продолжат да купуваат, но дека ќе ги променат своите потрошувачки навики во сегментот на импулсивното купување. Имено, тоа се производи кои се многу евтини и сите тие платформи нè тераа да купуваме што е можно повеќе производи по пакет“, вели експертот за малопродажба Ана Брајковиќ.
Администрацијата на американскиот претседател Доналд Трамп по забрзана постапка одобри испорака на оружје вредно 8,6 милијарди долари за Израел, Катар, Обединетите Арапски Емирати и Кувајт.
Заобиколувањето на вообичаената процедура во Конгресот, државниот секретар Марко Рубио го објасни со постоење „вонредна состојба.“
Пакетот вклучува системи за противвоздушна одбрана, ракети со ласерско наведување и проектили за системот „Патриот“.
Иако Трамп со недели тврди дека Иран практично веќе нема армија, Израел и американските сојузнички држави во Заливот и натаму се под напади од ирански ракети и дронови.
