Вести › Набрзинка

Трамп се закани дека ќе ги повлече трупите од Германија

30 April 2026

Доналд Трамп се закани дека ќе ги повлече американските трупи од Германија, разгневен од оценката од канцеларот Мерц дека САД биле „понижени“ од Иран во војната.
„САД проучуваат и разгледуваат намалување на трупите во Германија. Одлуката ќе биде донесена наскоро“, напиша Трамп на својата платформа Truth Social во среда.
Извори на Телеграф велат дека Трамп би можел да ги прераспореди трупите во Полска, Романија, на Блискиот Исток или на Гренланд – островот за кој се закануваше дека ќе го присвои затоа што е „стратегиски важен за безбедноста на САД.
И при крајот на својот прв мандат, во јуни 2020 година, Трамп најави дека ќе повлече 9.500 од вкупно 34.500 американски војници кои тогаш беа стационирани во Германија, но процесот не почна. Бајден официјално го запре веднаш по преземањето на функцијата во 2021 година.
Мерц во понеделникот ги критикуваше Трамп поради отсуството на стратегија за излез од војната со Иран. „Цела нација е понижена од иранското раководство... И затоа се надевам дека ова ќе заврши што е можно побрзо, изјави Мерц.

„Канцеларот на Германија, Фридрих Мерц, мисли дека е во ред Иран да има нуклеарно оружје. Тој не знае за што зборува! Не е ни чудо што Германија се справува толку лошо, и економски и на друг начин, возврати Трамп.

извор

Русија ќе го слави Денот на победата без воена машинерија

29 April 2026

За првпат во речиси две децении, Русија ќе го одбележува 9 мај, Денот на победата над фашизмот, без тенкови, ракетни системи и друг воен хардвер.
Ваква одлука е донесена заради „актуелната оперативна ситуација“ (инвазијата на Украина) поради што ќе ги нема оклопните колони, војници од повеќе воени училишта и кадетскиот корпус. Авиони (Su-25) ќе има.
Советската победа над нацистите во Втората светска војна е темел на повоениот поредок и мир, но и на актуелната војна во Украина која Кремљ ја смета за продолжеток на истата војна од пред 80-тина години.

извор

Екс директорот на ФБИ се пријави во полиција

29 April 2026

Поранешниот директор на ФБИ, Џејмс Коми, се предаде во среда во Александрија, Вирџинија, каде што беше накратко приведен пред кратко сослушување по обвинението дека му се заканил на Трамп.
Коми не зборуваше на суд и си замина без никакви услови за ослободување, во видео на Сабстек рече дека „сè уште е невин“.
Обвинението се темели на фотографија на социјалните мрежи што Коми ја објави минатиот мај, на која се гледаат школки наредени како „86 47“, со натпис „Одлична формација на школки на мојата прошетка на плажа“.
Терминот „86“ е сленг за да се ослободиш од нешто, а Министерството за правда тврди дека тие бројки претставуваат закана против Трамп.
Коми рече дека претпоставил дека бројките одразуваат политичка порака, но не и повик за насилство против претседателот, и дека ја отстранил објавата штом видел дека некои луѓе ја толкуваат на тој начин.

извор